ESIC એ 'નવી ક્ષમા યોજના 2025' ની મુદત 31 ડિસેમ્બર 2026 સુધી લંબાવી: રોજગારદાતાઓ અને વીમાકૃત વ્યક્તિઓને પેન્ડિંગ કેસોના નિકાલ માટે વધુ સમય મળશે

વિવિધ હિતધારકોની રજૂઆતોની સમીક્ષા કર્યા પછી, કર્મચારી રાજ્ય વીમા નિગમ (ESIC) એ 'નવી ક્ષમા યોજના, 2025' જે 01.10.2025 થી 30.09.2026 સુધી કાર્યરત હતી, તેને હાલની શરતો અને નિયમો પર વધુ ત્રણ મહિનાના સમયગાળા માટે એટલે કે 01.10.2026 થી 31.12.2026 સુધી લંબાવી છે.

'નવી ક્ષમા યોજના 2025' એ કોર્ટના કેસોનો બેકલોગ ઘટાડવા અને અગાઉના ESI એક્ટ હેઠળ પાલનને પ્રોત્સાહન આપવાના ઉદ્દેશ્યથી એક વખતની વિવાદ નિવારણ પહેલ છે. આ યોજના રોજગારદાતાઓ માટે અદાલત બહાર સમાધાન દ્વારા ESIC સાથેના કાનૂની વિવાદોનો નિકાલ લાવવા માટેનું એક સંરચિત માળખું પૂરું પાડે છે. આ યોજના હેઠળ નીચે મુજબની છૂટછાટો આપવામાં આવે છે:

· વાસ્તવિક ફાળો અને વ્યાજ ચૂકવીને એડ-હોક એસેસમેન્ટનું સમાધાન - કોઈ નુકસાની વસૂલવામાં આવશે નહીં.

· વિવાદિત નુકસાનીના 10% ની ચુકવણીને આધીન, જ્યાં રોજગારદાતાઓએ અગાઉથી જ બાકી લેણાં ચૂકવી દીધા છે તેવા કેસો પાછા ખેંચવા.

· રેકોર્ડ રજૂ ન કરવા અથવા વિલંબિત ચૂકવણી માટે ESIC દ્વારા દાખલ કરવામાં આવેલા કેસો, જેનું પાછળથી પાલન કરવામાં આવ્યું હતું, તેને પણ કોર્ટની પરવાનગીથી પાછા ખેંચવામાં આવશે.

· 31.03.2025 સુધી દાખલ કરાયેલા કોર્ટ કેસો આ યોજના હેઠળ પાત્ર છે.

આ યોજના લંબાવવાની સાથે, પાત્ર રોજગારદાતાઓ અને વીમાકૃત વ્યક્તિઓને યોજનાના લાભો મેળવવા માટે વધારાનો સમય મળશે. તમામ સંબંધિત હિતધારકોને 31.12.2026 ના રોજ આ વિન્ડો બંધ થાય તે પહેલાં આ વિસ્તૃત સમયગાળાનો ઉપયોગ કરવા પ્રોત્સાહિત કરવામાં આવે છે. યોજનાની વિગતો [https://esic.gov.in/attachments/publicationfile/Amnesty_Flyer_2025_1762755260.pdf] પર મેળવી શકાય છે.

'નવી ક્ષમા યોજના, 2025' એ વિવાદ નિવારણ માટેનો એક વ્યવહારુ અને રોજગારદાતા-અનુકૂળ માર્ગ છે અને ESIC દ્વારા સેવા આપવામાં આવતા નાગરિકોના અધિકારોનું જતન કરવાની સાથે વ્યાપાર કરવાની સરળતા વધારવાના સરકારના વ્યાપક લક્ષ્યને સમર્થન આપે છે.

SM/BS/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com