কেন্দ্ৰীয় মন্ত্ৰী শ্ৰী চি আৰ পাটিলে ডি অ’ ডব্লিউ আৰ, আৰ ডি এণ্ড জি আৰৰ গুৰুত্বপূৰ্ণ পদক্ষেপ, প্ৰকল্প আৰু কাৰ্যসূচীসমূহৰ পৰ্যালোচনা কৰে

কেন্দ্ৰীয় জল শক্তি মন্ত্ৰী শ্ৰী চি আৰ পাটিলে জল শক্তিৰ ৰাজ্যিক মন্ত্ৰী শ্ৰীৰাজ ভূষণ চৌধুৰীৰ উপস্থিতিত বিভাগীয় উচ্চপদস্থ বিষয়াসকলৰ সৈতে এখন পৰ্যালোচনা বৈঠকত সভাপতিত্ব কৰে। জল সম্পদ, নদী উন্নয়ন আৰু গংগা পুনৰুজ্জীৱন বিভাগৰ বিভিন্ন শাখা আৰু সংস্থাসমূহে হাতত লোৱা প্ৰকল্প, কাৰ্যসূচী, আঁচনি আৰু পদক্ষেপৰ সামগ্ৰিক অগ্ৰগতিৰ মূল্যায়ন কৰে।

বৈঠকত বানপানী ব্যৱস্থাপনা শাখা (এফ. এম. শাখা), ফাৰাক্কা বান্ধ প্ৰকল্প, ৰাষ্ট্ৰীয় জল অভিযান, কমাণ্ড এৰিয়া ডেভেলপমেণ্ট এণ্ড ৱাটাৰ মেনেজমেণ্টৰ আধুনিকীকৰণ (এম-চি এ ডি ডব্লিউ এম), অৱবাহিকা ব্যৱস্থাপনা-১ আৰু ২, ৰাষ্ট্ৰীয় জল উন্নয়ন সংস্থা, কেন-বেটৱা সংযোগ প্ৰকল্প কৰ্তৃপক্ষ, ব্ৰহ্মপুত্ৰ-বৰাক নদীৰ বিষয়, ব্ৰহ্মপুত্ৰ ব’ৰ্ড, ক্ষুদ্ৰ জলসিঞ্চন পৰিসংখ্যা, আৰু ৰাষ্ট্ৰীয় জলবিদ্যুৎ প্ৰতিষ্ঠান (এন আই এইচ)এ তেওঁলোকৰ চলি থকা প্ৰকল্প আৰু কাৰ্যকলাপৰ বিষয়ে বিশদভাৱে উপস্থাপন কৰে।

আলোচনাত বানপানী ব্যৱস্থাপনা আৰু সীমান্ত অঞ্চল কাৰ্যসূচী (এফ এম বি এ পি) ৰ অধীনত প্ৰকল্পসমূহৰ অগ্ৰগতি, ফাৰাক্কা বান্ধ প্ৰকল্পৰ অধীনত ৰূপায়ণ-সম্পৰ্কীয় প্ৰত্যাহ্বানৰ অধীনত বেৰেজ গেটসমূহ সলনি কৰা আৰু ক্ষয়-প্ৰতিৰোধী ব্যৱস্থাকে ধৰি গুৰুত্বপূৰ্ণ কামসমূহৰ অগ্ৰগতি, ৰাষ্ট্ৰীয় জল মিছনৰ অগ্ৰাধিকাৰমূলক কাৰ্যকলাপ আৰু পদক্ষেপ, এম-চি এ ডি ডব্লিউ এম ৰ অধীনত ৩৫ টা পাইলট ক্লাষ্টাৰৰ ৰূপায়ণৰ স্থিতি, সংযোগী খাল, দৌধন বান্ধকে ধৰি কেন-বেটৱা সংযোগী প্ৰকল্পৰ স্থিতি আৰু ব্ৰহ্মপুত্ৰ ব’ৰ্ডৰ দ্বাৰা মাষ্টাৰ প্লেন/ডি পি আৰ প্ৰস্তুতৰ অগ্ৰগতি, ক্ষুদ্ৰ জলসিঞ্চন পৰিসংখ্যা কাৰ্যসূচীৰ অধীনত চলি থকা চাৰিটা লোকপিয়লৰ অগ্ৰগতি, এন আই এইচৰ ঘাই কাৰ্যসূচী আৰু কাৰ্যকলাপসমূহৰ লক্ষ্য আৰু অগ্ৰগতি আদি বিষতে গুৰুত্ব আৰোপ কৰা হয়। মন্ত্ৰীগৰাকীয়ে সময়মতে প্ৰকল্পসমূহ সম্পূৰ্ণ কৰাৰ বাবে প্ৰকল্প ৰূপায়ণ ত্বৰান্বিত কৰা আৰু ৰাজ্যসমূহৰ সৈতে সমন্বয় শক্তিশালী কৰাৰ লক্ষ্যৰে নিৰ্দেশনা জাৰি কৰে আৰু সিদ্ধান্তসমূহ লিপিবদ্ধ কৰে।

দ্ৰুত ৰূপায়ণৰ আৱশ্যকতাত গুৰুত্ব আৰোপ কৰি কেন্দ্ৰীয় মন্ত্ৰীগৰাকীয়ে প্ৰকল্পসমূহৰ অগ্ৰগতিত প্ৰভাৱ পেলোৱা বাধাসমূহ চিনাক্ত কৰি সময়মতে সম্পূৰ্ণ কৰাটো নিশ্চিত কৰাৰ নিৰ্দেশ দিয়ে। তেওঁ বিভাগৰ জ্যেষ্ঠ বিষয়া আৰু সংশ্লিষ্ট শাখা আৰু সংগঠনসমূহৰ মুৰব্বীসকলক পৰ্যালোচনাৰ সময়ত লোৱা সিদ্ধান্তসমূহৰ ফলপ্ৰসূ ৰূপায়ণ নিশ্চিত কৰিবলৈ আৰু নিৰ্ধাৰিত সময়সীমাৰ ভিতৰত আকাংক্ষিত ফলাফল লাভ কৰাত গুৰুত্ব দি নিৰীক্ষণ অব্যাহত ৰাখিবলৈ আহ্বান জনায়।

****

ND/HM/US