থাগৎখিবা:
26 OCT 2026 8:05AM by PIB Imphal
ঙসি মহর্ষি বাল্মীকি জয়ন্তী থৌরমদা প্রধান মন্ত্রী শ্রী নরেন্দ্র মোদীনা মীয়ামদা য়াইফ পাউজেল পীখ্রে।
প্রধান মন্ত্রীনা হায়খি মদুদি মহর্ষি বাল্মীকিগী অচুম্বা ৱাখলশিং ভারতকী নাৎ অমসুং চৎনবীশিংগী মরুওইবা য়ুম্ফম ওইরি, মসিনা মখা তানা হিরম খুদিংমক্ত লৈবাক অসি য়োকখৎকনি অমসুং ফগৎহনগনি। মীওইবা খুন্নাইগী মহাক্কী মমল নাইদ্রবা পাউজেলশিংনা মতম পুম্নমক্ত লৈবাক অসিগী মীয়ামগী লমজিং মৈরা অমা ওইনা থবক তৌগনি।
ঙসি প্রধান মন্ত্রীনা সংস্কৃত সুভাসিতম অমা সিয়ার তৌখি, অহানবা শ্লোগ শেমখিবা অমসুং রামায়নগী য়ুম্ফম থোনখিবা মহর্ষি বাল্মীকিগী মীওইবগী মীনুংশি অদু ফোঙদোকখি।
এক্সতা পোষ্টশিংগী পরিং অমদা, প্রধান মন্ত্রীনা হায়খি:
“মহর্ষি বাল্মীকি জয়ন্তী থৌরমদা মীয়ামদা য়াইফ পাউজেল পীজরি। মহাক্কী অচুম্বা ৱাখলশিং ভারতকী নাৎ অমসুং চৎনবীশিংগী মরুওইবা য়ুম্ফম ওইরি, মসিনা মখা তানা হিরম খুদিংমক্ত লৈবাক অসি য়োকখৎকনি অমসুং ফগৎহনগনি। মীওইবা খুন্নাইগী মহাক্কী মমল নাইদ্রবা পাউজেলশিংনা মতম পুম্নমক্ত লৈবাক অসিগী মীয়ামগী লমজিং মৈরা অমা ওইনা থবক তৌগনি”।
“তামভ্যগচ্ছদ্রুদিতপ্রবাদাৎকবিঃ কুশেধ্মহারণায় যাতঃ।
নিষাদবিদ্ধাণ্ডজদর্শনোত্থঃ শ্লোকত্বমাপদ্যত যস্য শোকঃ॥"
মহর্ষি বাল্মীকিনা কুসা মনা অমসুং যজ্ঞগী শিং থিবা চৎপা মতমদা, মহাক্না উচেক ক্রোচ অমোম অমনা তেংথাদুনা কৌবা মহাক্না তাখি। মহাক্কী থম্মোয়দা ফাওরকখিবা মীনুংশি অদু শ্লোগ অমা ওইনা ফোঙদোকখি। হায়রিবা শ্লোগ অদুনা রামায়নগী য়ুম্ফম থোনখি, মীয়াম্না খঙনরবা মহর্ষি বাল্মীকিগী মীনুংশি, ৱাখল ইং-তপ্পা, অৱাবা খাংবা অমসুং লৌশিংগী মমি তাখি।
***