પોસ્ટેડ ઓન:
23 OCT 2026 3:20PM by PIB Ahmedabad
20 ઓક્ટોબર, 2026ના રોજ ડુંડીગલ સ્થિત એર ફોર્સ એકેડેમી ખાતે, ચીફ ઓફ એર સ્ટાફ (CAS) એર ચીફ માર્શલ એ.પી. સિંહે નેશનલ કેડેટ કોર્પ્સ (NCC)ના સિનિયર વિંગ (SW) કેડેટ જક્કુલા તેજસ્વી રેડ્ડી સાથે એક ઉડાન (ફ્લાઈંગ સોર્ટી) ભરી હતી. આ ફ્લાઈંગ સોર્ટી એર ચીફની તેમના પ્રથમ ફ્લાઈંગ ઇન્સ્ટ્રક્ટર સાથેની અંતિમ ફ્લાઈંગ સોર્ટી પહેલાં યોજાઈ હતી.
ઉડાન પૂર્વેની તૈયારીઓના ભાગરૂપે, કૅડેટને કૉકપિટ પરિચય, સુરક્ષા માર્ગદર્શિકા, ઇજેક્શન-પ્રક્રિયા પરિચય અને તબીબી તપાસમાંથી પસાર થવું પડ્યું હતું. કિરણ વિમાનમાં સવાર થતા પહેલા, એર ચીફ ઓફ ધ એર સ્ટાફે તેમને તેની વિશિષ્ટતાઓ, મુખ્ય ઘટકો, એન્જિન કામગીરી, કૉકપિટ પ્રક્રિયાઓ અને સુરક્ષા પદ્ધતિઓ વિશે જાણકારી આપી હતી. ઉડાન દરમિયાન, તેમણે વિવિધ ફ્લાઇટ પેચ પદ્ધતિઓ (ફ્લાઇટ મેન્યુવર્સ), ફ્લાઇટ એંગલ્સ અને તીવ્ર વળાંકો સમજાવ્યા હતા. તેમણે કૅડેટને તેમના માર્ગદર્શન હેઠળ આ પ્રક્રિયાઓનો અભ્યાસ કરવાની તક પણ આપી હતી.
આ ઉડાનથી કૅડેટ તેજસ્વીને વિમાનચાલનનો વ્યવહારુ અનુભવ મળ્યો અને એવિએટર બનવાની તેમની આકાંક્ષાને પ્રોત્સાહન મળ્યું હતું. તેમણે એનસીસી એર વિંગના કૅડેટ્સને વિમાનચાલનમાં અનુભવ મેળવવા અને સંરક્ષણ દળોમાં કારકિર્દી બનાવવા માટે ઉપલબ્ધ તકોને પણ રેખાંકિત કરી હતી.
નેશનલ કૅડેટ કોર્પ્સ કૅડેટ્સમાં કૌશલ્ય, આત્મવિશ્વાસ અને નેતૃત્વનો વિકાસ કરવા માટે તેની તાલીમ પ્રવૃત્તિઓનો વિસ્તાર કરવાનું ચાલુ રાખે છે. વિકસિત ભારત @2047ના દ્રષ્ટિકોણ અનુસાર, તેનો ઉદ્દેશ્ય યુવાનોને તેમની ક્ષમતાઓ વિકસાવવા અને રાષ્ટ્રનિર્માણમાં યોગદાન આપવાની તકો પૂરી પાડવાનો છે
SM/BS/JD