સ્ટીલ મંત્રાલય 28 ઓક્ટોબરના રોજ સ્ટીલ આયાત સંબંધિત મુદ્દાઓ પર ઓપન હાઉસનું આયોજન કરશે

સ્ટીલ મંત્રાલય 28 ઓક્ટોબર 2026ના રોજ સ્ટીલ રૂમ, 3જી મંજિલ, GPOA- 3, નેતાજી નગર નવી દિલ્હી ખાતે સ્ટીલની આયાત સંબંધિત મુદ્દાઓ પર ચર્ચા કરવા માટે ઓપન હાઉસનું આયોજન કરશે. કંપનીઓ અને એસોસિએશનો ઓપન હાઉસમાં ઉપરોક્ત વિષયો સંબંધિત પોતાના મુદ્દાઓ રજૂ કરી શકે છે. ઓપન હાઉસમાં ભાગ લેવા માટે ઉપરોક્ત તારીખે કન્ફર્મ ટાઇમ સ્લોટ મેળવવા tech-steel[at]nic[dot]in પર ઈ-મેઈલ મોકલી શકાય છે.

ઈ-મેઈલ મોકલતી વખતે, નીચે મુજબની માહિતી સામેલ કરી શકાય છે:

1.કંપની/એસોસિએશનનું નામ
2.ઉદ્યોગ અને ઉત્પાદનનો પ્રકાર – ઓટો/એરોસ્પેસ/ટેલિકોમ/ડિફેન્સ, વગેરે.
3.મુદ્દો SIMS/SARAL SIMS/QCO EXEMPTION સાથે સંબંધિત છે
4.SIMS/SARAL SIMS/QCO EXEMPTION અરજીનો સંદર્ભ જો કોઈ હોય તો
5.ટૂંકમાં મુદ્દો (મહત્તમ 50 શબ્દો)
6.સહભાગીનું નામ અને હોદ્દો (તૃતીય પક્ષના પ્રતિનિધિત્વની મંજૂરી નથી)
7.સહભાગીની સંપર્ક વિગતો (મોબાઇલ નંબર અને ઈ-મેઈલ)

ઓપન હાઉસ સવારે 11:00 AM થી સાંજે 5:00 PM સુધી યોજાશે અને ચોક્કસ ટાઇમ સ્લોટ ઈ-મેઈલ દ્વારા દર્શાવવામાં આવશે. લોજિસ્ટિક પડકારોને કારણે વોક-ઈન શક્ય બનશે નહીં અને વ્યાપક ભાગીદારી સુનિશ્ચિત કરવા માટે સંસ્થા દીઠ માત્ર એક પ્રતિનિધિને જ મંજૂરી આપવામાં આવશે. એવી સલાહ આપવામાં આવે છે કે સ્ટીલની આયાત માટે SIMS/SARAL SIMS/QCO EXEMPTION સંબંધિત મુદ્દાઓ ધરાવતી કોઈપણ કંપની અથવા એસોસિએશન કન્ફર્મ ટાઇમ-સ્લોટ મેળવવા માટે 26 ઓક્ટોબર 2026, બપોરે 12:00 વાગ્યા સુધીમાં ઉપરોક્ત ઈ-મેઈલ પર તેમની વિનંતી મોકલી શકે છે.

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com