સેન્ટ્રલ બોર્ડ ઓફ ઈનડાયરેક્ટ ટેક્સિસ એન્ડ કસ્ટમ્સ (CBIC), ભારત, અને ન્યૂઝીલેન્ડ કસ્ટમ્સ સર્વિસ (NZCS) એ માલના વેપારના ઇલેક્ટ્રોનિક ઓરિજિન ડેટા એક્સચેન્જ અંગે સહયોગના MoC પર હસ્તાક્ષર કર્યા છે.

આ MoC બંને દેશો વચ્ચે કસ્ટમ્સ સહયોગને મજબૂત કરવા અને દ્વિપક્ષીય વેપારને સરળ બનાવવા તરફનું એક મહત્વપૂર્ણ પગલું છે. આ MoC પર ભારત-ન્યૂઝીલેન્ડ FTA હેઠળ હસ્તાક્ષર કરવામાં આવ્યા હતા, જે 20 ઓક્ટોબર, 2026 થી અમલમાં આવ્યો હતો.

આ MoC પર 19 ઓક્ટોબર 2026 ના રોજ શ્રી વિવેક ચતુર્વેદી, ચેરમેન, CBIC, અને સુશ્રી ક્રિસ્ટિન સ્ટીવન્સન, કમ્પટ્રોલર અને ચીફ એક્ઝિક્યુટિવ, ન્યૂઝીલેન્ડ કસ્ટમ્સ સર્વિસ દ્વારા હસ્તાક્ષર કરવામાં આવ્યા હતા.

આ MoC વધુ કાર્યક્ષમ, સુરક્ષિત અને અનુમાનિત સીમાપાર વેપાર માટે ડિજિટલાઇઝેશન અને સુધારેલા માહિતી આદાન-પ્રદાનનો ઉપયોગ કરવાની ભારત અને ન્યૂઝીલેન્ડની સરખી બન્ને દેશોની પ્રતિબદ્ધતાને દર્શાવે છે. માલના વેપાર પર ઓરિજિન ડેટાના આગોતરા ઇલેક્ટ્રોનિક આદાન-પ્રદાનને સક્ષમ કરીને, આ વ્યવસ્થા કસ્ટમ્સ સહયોગને વધુ ઊંડો બનાવશે અને વેપાર સુવિધાના પગલાંના અસરકારક અમલીકરણને ટેકો આપશે.

આ પહેલ ડિજિટલાઇઝેશન, માહિતી આદાન-પ્રદાન અને વેપાર સુવિધામાં વિકસતી આંતરરાષ્ટ્રીય પદ્ધતિઓ સાથે દ્વિપક્ષીય કસ્ટમ્સ સહયોગને સુસંગત બનાવવા માટેના ભવિષ્યલક્ષી અભિગમને પણ રજૂ કરે છે. ઓરિજિન ડેટાના ઇલેક્ટ્રોનિક આદાન-પ્રદાનથી ઓપરેશનલ કાર્યક્ષમતામાં સુધારો થવાની, માહિતીની ખામીઓ ઘટવાની અને દ્વિપક્ષીય વેપારમાં રોકાયેલા વેપારીઓને વધુ નિશ્ચિતતા મળવાની અપેક્ષા છે.

મહત્વપૂર્ણ રીતે, આ વ્યવસ્થા ભારત-ન્યૂઝીલેન્ડ મુક્ત વ્યાપાર કરાર (FTA) હેઠળ વેપાર પસંદગીઓના અસરકારક ઉપયોગને ટેકો આપશે અને કરાર હેઠળ વાટાઘાટો કરાયેલા લાભો બંને દેશોના પાત્ર વ્યવસાયો સુધી વધુ કાર્યક્ષમ રીતે અને વધુ નિશ્ચિતતા સાથે પહોંચે તે સુનિશ્ચિત કરવામાં મદદ કરશે.

SM/BS/JD

(રીલીઝ આઈડી: 2326069) મુલાકાતી સંખ્યા : 12