প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী দিল্লিদা বিজয়দসমী শরুক য়াখ্রে
বিজয় দসমীদা অফবনা ফত্তবা মাইথিবা পীবা হরাওবা ফোঙদোক্লি; মসিনা ঐখোয়দা অচুম্বা থবক পাংথোকপগী পাঙ্গল নিংশিংহল্লি: প্রধান মন্ত্রী
ঐখোয়গীদমক, মসি ইচম চম্বা কুহ্মৈ অমা নত্তে; মসি ভারতকী পুন্সিগী শক্তিনি: প্রধান মন্ত্রী
মীওইবা খুন্নাইগী পুৱারিদা লাম্বা লৈত্রবা অসিগুম্বা ফিদমশিং ভগবান রাম্না ঐখোয়গী পীরমখি: প্রধান মন্ত্রী
লায়রবা অমসুং তোল্লবশিংগী থবক তৌবা ঐখোয়না মরুওইনা লৌগদবনি: প্রধান মন্ত্রী
ঐখোয়না অচুম্ব অমসুং মীওইবা খুন্নাইগীদমক লেপ্পা মতমদা, অরোইবদা, ঐখোয় মাইপাক্কনি: প্রধান মন্ত্রী
ঐখোয়না শাগৎখিবা ‘রাম সে রাষ্ট্রা’ অমসুং ‘দেব সে দেস’ গী পান্দম, মসি ঐখোয়না শোইদনা থবক ওইনা পাংথোক্কনি: প্রধান মন্ত্রী
থাগৎখিবা:
20 OCT 2026 8:33PM by PIB Imphal
প্রধান মন্ত্রী শ্রী নরেন্দ্র মোদী দিল্লিদা বিজয়দসমী থৌরম শরুক য়াখ্রে। দিল্লিগী রাম লিলা মাইদান্দা বিজয়দসমী থৌরমদা ৱা ঙাংলদুনা, শেংলবা থৌরম অসিদা লৈবাক শীনবা থুংনা মহাক্কী য়াইফ পাউজেল পীরদুনা প্রধান মন্ত্রীনা মহাক্কী ৱারোল হৌদোকখি। “ ইরৈচাশিংদা ঐনা বিজয়দসমীগী য়াইফ পাউজেল পীজরি” হায়না প্রধান মন্ত্রীনা ফোঙদোকখি।
রাম লিলাশিং উৎনবা কমদৌনা ভারত শীনবা থুংবগী খুঙ্গং অমসুং সহর খুদিংমক্না হোৎনবগে হায়বা ফোঙদোক্লদুনা, প্রধান মন্ত্রীনা হায়খি মদুদি ভগবান রামগী অচুম্বা ফিদমশিং হিংদুনা লৈহনবগী চৎনবী লৈরি, ফত্তবা অমসুং কিহনবা লোইশিল্লকপা অমসুং অরানবগী মথক্ত লোম্বা নাইদ্রবা অচুম্বনা মাইপাকপগী গুনশিং উৎলি। লৈবাক শীনবা থুংনা অচুম্বনা অরানবা মাইথিবা পীবগী থৌরম পাংথোকপগা লোয়ননা ভগবান থাগৎনবা খোল্লাউ মহাক্ক লোয়ননা লাউমিন্ননবা মহাক্না মীয়ামদা খঙহনখি। প্রধান মন্ত্রীনা হায়খি মদুদি ঐখোয়গীদমক, মসি ইচম চম্বা কুহ্মৈ অমা নত্তে; মসি ভারতকী পুন্সিগী শক্তিনি।
ভগবান শ্রী রামগী মাইকৈদা ভারতকী চহি লিশিং কয়া শুরবা নাৎ অমসুং অহল-লমনশিংগী মতাং পল্লদুনা, প্রধান মন্ত্রীনা হায়খি মদুদি মসিগী চৎনবী অসি মহাক্না হিংচাবগী নিংথৌ রবন মাইথিবা পীখিবদগী হেন্না লৈরি। লৈবাক অসিগী থাজবা ভগবান রাম্না মালেমদা শন্দোকখিবা মুৎপা নাইদ্রবা গুনশিংনা পুন্দুনা থম্লি। মীওইবা খুন্নাইগী পুৱারিদা লাম্বা লৈত্রবা অসিগুম্বা ফিদমশিং ভগবান রাম্না ঐখোয়গী পীরমখি।
অচুম্বা অমসুং অফবা থবক থাদোক্তনা ভগবান শ্রী রাম্না অৱাবা কয়া খাংখিবা অদু নিংশিংলদুনা, মহাক্না ফম্বাল তোংখিবা অমসুং মহাক উমংদা লোই থাখিবা অনিমক্ত মহাক চপ মান্নখিবা অদু ফোঙদোকপা সংস্কৃত শ্লোগ অমা প্রধান মন্ত্রীনা পনখি। অৱাবা খুদিংদা কমদৌনা ভগবান রাম্না অচুম্বা থবক পাংথোকখিবগে, নিসাদ্রাজ লৌশিনখিবা অমসুং মহাক্না উমংদা লৈরিঙৈদা ইমা সাবারি ইকায়খুম্নবা উৎখিবা অদু প্রধান মন্ত্রীনা ফোঙদোকখি। প্রধান মন্ত্রীনা হায়খি থৌজাল লৈবা, মীওইবগী মীনুংশি, নুংশিবা অমসুং নুংশিন্না হিংমিন্নবগী থাকশিং মহাক্না হৌদোকখি।
ভগবান রাম হল্লক্তুনা অয়োধ্যগী নিংথৌ ওইদুনা রামরাজ্য লিংখৎখিবা অদু মচা খাইনা পল্লদুনা, প্রধান মন্ত্রীনা হায়খি মদুদি মসি মীওই খুদিংমক অচুম্বা ৱায়েল অমসুং খুদোংচাবা ফংখিবা অমসুং শক্তি পায়শিনবগী মহুত্ত শক্তিনা মীয়ামগী য়াইফনবা থবক তৌখিবা মীচং মীখাই নাইদবা লৈঙাক অমনি, মসি গোশ্বামী তুলসিদাসকী শ্লোগ “দৈহিক দৈবিক ভৌতিক তাপা, রাম রাজ নহি কাহুঁহি ব্যাপা।” দা মুৎপা নাইদনা লৈরি। নাগরি দেবো ভাবাগী লাইৱাগী মখাদা মীয়াম অসি ঈশ্বরনি হায়না লৌখিবা ভগবান শ্রী রামগী অচুম্বা ফিদমশিং ইন্নবা মহাক্না ফম্নাইবশিংদা তকশিনখি। প্রধান মন্ত্রীনা হায়খি মদুদি লায়রবা অমসুং তোল্লবশিংগী থবক তৌবা ঐখোয়না মরুওইনা লৌগদবনি।
সমুদ্রগী লঙ্কা তম্না চৎখিবা ভগবান শ্রী রামগী খোঙচত্তগী অত্মনির্ভরগী পারা তমখিবা অদু পল্লদুনা, প্রধান মন্ত্রীনা হায়খি মদুদি অৱাবা অমা থেংনবা মতমদা অতোপ্পশিংগী মখা পোনবগী মহুত্ত, ভগবান রাম্না মীয়াম পুন্না শরুক য়াবা (জনভাগিদারি) হৌদোকখি অমসুং থাজবা, তৌবা ঙম্বা অমসুং অচেৎপা ৱাশক্কী খুৎথাংদা পাংথোকপা ঙম্লোই খনবা থবক পাংথোক্নবা অফংবা মচাক-মথুমশিং খোমজিনখি। থবক কন্না শুবা অমসুং মীয়ামগী অপাম্বশিং ফংহনবা অমসুং বিকসিত ভারত অমা অমসুং অত্মনির্ভর ভারত অমগী পান্দমশিং ফংনবা মরুওইবা লাইৱা অসি মহাক্না মীয়ামদা তকশিনখি। প্রধান মন্ত্রীনা হায়খি মদুদি লম্বীদা থেংনবা খুদোংথিবশিংনা ঐখোয়গী খোঙচৎ লেপহনবা ঙম্লোই হায়বা ভগবান রাম্না ঐখোয়দা তাকপীখি।
লৈবাক চাউখৎপগা চৎনবীদা য়ুম্ফম ওইবা মশানা মশাবু ইকায়খুম্নবগী অকনবা ৱাখল্লোনা মরী লৈনবা অদু পল্লদুনা, প্রধান মন্ত্রীনা হায়খি মদুদি হৌখিবা চহি ১২ দা অরিবা মীতম ৬৫০ হেন্না অমুক হন্না পুরক্তুনা ভারতকী শক্তম ঙাক-শেন্নবা সরকারনা অকনবা থবকশিং পায়খৎলে। ভারতকী নাৎকী মফমশিং মালেমদা মশক খঙবা হেনগৎলক্লি, লৈবাক অসিগী মফম কয়া য়ুনেস্কো ৱার্ল্দ হেরিতেচ সাইত্ত য়াওরে অমসুং ভারতমচা করোর কয়াগী অপুনবা থৌনাগী খুৎথাংদা হৌখিবা চহিদা য়ুনেস্কোগী ইতেঞ্জিবল কলচরেল হেরিতেচ ওফ হুমেনিতি লিষ্টতা দিপাৱালগী ইনস্ক্রিপসন য়াওরে। ঐখোয়না তুংদা চপ মান্নবা কৎথোকপগা লোয়ননা মখা তানা থবক তৌগদবনি।
প্রধান মন্ত্রীনা হায়খি মদুদি বিজয়দসমীগী থৌনা ফবগী ৱাখল্লোন অসিনা অচুম্বা অমসুং মীওইবগী য়াইফনবা থবক তৌবা মতমদা মাইপাকপা ঙম্মী হায়বা উৎলি। লৈবাক্কী য়াইফনবা লৈবাক অসিগী ইন্সতিতুসনশিং অমসুং রাজনিতি দলশিং অমতা ওইনা লেপ্নবা তকশিল্লদুনা, প্রধান মন্ত্রীনা বেদগী লাইৱা “সমানো মন্ত্রঃ সমিতিঃ সমানী” পনখি। মহাক্না হায়খি মদুদি ইমা ভারতকী য়েক্নবশিং পুন্না মশক খঙদোক্নবা অমসুং মাইথিবা পীনবা ‘নেসন ফাষ্ট’ গী ৱাশক অমা মীয়াম্না লৌগদবনি। ঐখোয়না অচুম্ব অমসুং মীওইবা খুন্নাইগীদমক লেপ্পা মতমদা, অরোইবদা, ঐখোয় মাইপাক্কনি।
মহাক্কী ৱারোল লোইশিল্লকপদা, প্রধান মন্ত্রীনা অয়োধ্য লাইশঙদা প্রান প্রাতিস্থা মনুংদা লৌখিবা শেংলবা ৱাশকশিং নিংশিংখি অমসুং জয় সিয়া শ্রী রাম অমসুং ভারত মাতা কি জয় লাউবগা লোয়ননা মহাক্কী অরোইবা দসেরাগী য়াইফ পাউজেল পীখি। লৈবাক্কী অধ্যতিক অমসুং চাউখৎ-থৌরাংগী পান্দম থবক ওইনা পাংথোক্নবা লৈরিবা থাজবা অদু মহাক্না ফোঙদোকখি। মহাক্না হায়খি মদুদি ঐখোয়না শাগৎখিবা ‘রাম সে রাষ্ট্রা’ অমসুং ‘দেব সে দেস’ গী পান্দম, মসি ঐখোয়না শোইদনা থবক ওইনা পাংথোক্কনি।
***
(রিলিজ আই.দি.: 2325656)
ভিজিতর কাউন্তর : 6