ভগবান শ্রী রাম্না য়াইফরে!

ভগবান শ্রী রাম্না য়াইফরে!

ভগবান শ্রী রাম্না য়াইফরে!

বিজয়দসমীগী শেংলবা থৌরম অসিদা, ঐনা ভগবান শ্রী রাম, ইমা জনকি অমসুং বাজরং বালিগী খুয়াদা কোক নোঞ্জরি। শেংলবা মতম অসিদা, বিজয়দসমী লাকপদা ইরৈচাশিংদা ঐনা ঐগী য়াইফ পাউজেল পীজরি।

মরুপশিং,

ঙসি ভারতকী কাচিন কোয়া খুদিং ভগবান রামদা লুপ্লে। খুঙ্গং অমগী মথংদা খুঙ্গং অমা, সহর অমগী মথংদা সহর অমা, লৈবাক অসি রামলিলাগী ৱাখল্লোন্না থল্লে। লৈবাক শীনবা থুংনা রামলিলা উত্তুনা, ভগবান রামগী অচুম্বা ফিদমশিং হিংদুনা লৈহনবগী চৎনবী লৈরি, ফত্তবা অমসুং কিহনবা লোইশিল্লকপা অমসুং অরানবগী মথক্ত লোম্বা নাইদ্রবা অচুম্বনা মাইপাকপগী গুনশিং উৎলি। লৈবাক শীনবা থুংনা অচুম্বনা অরানবা মাইথিবা পীবগী থৌরম পাংথোকপগা লোয়ননা ভগবান থাগৎনবা খোল্লাউ মহাক্ক লোয়ননা লাউমিন্ননবা মহাক্না মীয়ামদা খঙহনখি। প্রধান মন্ত্রীনা হায়খি মদুদি ঐখোয়গীদমক, মসি ইচম চম্বা কুহ্মৈ অমা নত্তে; মসি ভারতকী পুন্সিগী শক্তিনি। মরম অদুনা, ঙসি লৈবাক অসিগী মীওই খুদিংমক্না অচুম্বনা অরানবা মাইথিবা পীরে হায়না লাউরি, লাক্লো, অমুক হন্না, ঐগা অমুক লাউমিন্নসি:

ভগবান শ্রী রাম্না য়াইফরে!

ভগবান শ্রী রাম্না য়াইফরে!

ভগবান শ্রী রাম্না য়াইফরে!

মরুপশিং,

লৈবাক অসিনা, লৈবাক অসিগী চৎনবীনা অমসুং লৈবাক অসিগী অহল লমনশিংনা চহি লিশিং কয়া ভগবান রাম লাত্তুনা লাক্লি। মসিগী থাজবা অসি শ্রী রাম্না হিংচাবগী নিংথৌ রবন হাৎখিবা খক্তগী নত্তে। লৈবাক অসিগী থাজবা ভগবান রাম্না মালেমদা শন্দোকখিবা মুৎপা নাইদ্রবা গুনশিংনা পুন্দুনা থম্লি। মীওইবা খুন্নাইগী পুৱারিদা লাম্বা লৈত্রবা অসিগুম্বা ফিদমশিং ভগবান রাম্না ঐখোয়গী পীরম্বদগী মসিগী থাজবা অসি লৈরিবনি। 

মরুপশিং,

ভগবান শ্রী রাম্না মহাক্কী পুন্সিদা মশিং থিঙমদ্রবা অৱাবশিং মায়োক্নখি, অদুবু মহাক্না কৈদৌঙৈদা অচুম্বা অমসুং অফবা লম্বী থাদোকখিদে। অসিগুম্বা অসি মহাক্কী লমচৎনি: “প্রসন্নতাং যা ন গতোऽভিষেকতঃ তথা ন মম্লে বনবাসদুঃখতঃ”। মসিনা হায়খি মদুদি ভগবান শ্রী রাম্না নিংথৌ ওইবদা হরাওখিদে অমসুং উমংদা লোই থাবদা অৱাবা পোকখিদে। অৱাবা খুদিংমক মায়োক্নরবসু, মহাক অচুম্বা অমসুং অচুম্বা থবক পাংথোকখি। ভগবান শ্রী রাম্না উমংদা চৎপা মতমদা, নিসাদ্রাজ লৌশিনখিবা অমসুং ইমা সাবারি ইকায়খুম্নবা উৎখি। মহাক্না মীওইবগী মীনুংশি, নুংশিবা অমসুং নুংশিন্ননা হিংমিন্নবগী খ্বাইদগী ৱাংবা থাকশিং হৌদোকখি। ভগবান রাম হল্লক্তুনা অয়োধ্যগী নিংথৌ ওইদুনা রামরাজ্য লিংখৎখি। মসি মীওই খুদিংমক অচুম্বা ৱায়েল অমসুং খুদোংচাবা ফংখিবা অমসুং শক্তি পায়শিনবগী মহুত্ত শক্তিনা মীয়ামগী য়াইফনবা থবক তৌখিবা মীচং মীখাই নাইদবা লৈঙাক অমনি। মরম অদুনা মসি গোশ্বামী তুলসিদাসকী শ্লোগতা ইখি: “দৈহিক দৈবিক ভৌতিক তাপা, রাম রাজ নহি কাহুঁহি ব্যাপা।” মসি মরয়াদা পুরুসোত্তম ভগবান শ্রী রামগী ফিদমনি। মরম অদুনা ঐখোয়না নাগরি দেবো ভাবাগী লাইৱাগী মখাদা মীয়াম অসি ঈশ্বরনি হায়না লৌখিবা ভগবান শ্রী রামগী অচুম্বা ফিদমশিং ইন্নবা হোৎনগদবনি। লায়রবা অমসুং তোল্লবশিংগী থবক তৌবা ঐখোয়না মরুওইনা লৌগদবনি।

মরুপশিং,

ঐখোয়না ভগবান শ্রী রামগী পুন্সিদগী অচৌবা পারা অমা তম্লে। অৱাবা অদু কয়া য়াম্না চাউবগে হায়বা থিদনা, অৱাবা অদু কয়া য়াম্না লুবগে হায়বা থিদনা, ঐখোয়না অতোপ্পশিং ঙাইদুনা ফমদুনা লৈথোক্লোইদবনি। ঐখোয়না ঐখোয় ইশাগী থৌনা মশক খঙগদবনি। ঐখোয়না ঐখোয় ইশাগী লনশিংদা থাজবা থমগদবনি। ঐখোয়না ঐখোয়গী ৱাশক শক্তিদা ওন্থোক্কদবনি। ঐখোয় ইশা থবক কন্না শুদুনা ঐখোয়না পাম্বৈশিং থিগদবনি। লম্বীদা থেংনবা খুদোংথিবশিংনা ঐখোয়গী খোঙচৎ লেপহনবা ঙম্লোই হায়বা ভগবান রাম্না ঐখোয়দা তাকপীখি। মহাক্কী মাঙদা সমুদ্র লৈখি। লঙ্কা য়াম্না লাপখি। অদুবু ৱাশক অদু নিংহন্নবা লৈখিদে। মরম অদুনা অৱাবা অমা থেংনবা মতমদা অতোপ্পশিংগী মখা পোনবগী মহুত্ত, ভগবান রাম্না মীয়াম পুন্না শরুক য়াবা (জনভাগিদারি) হৌদোকখি অমসুং থাজবা, তৌবা ঙম্বা অমসুং অচেৎপা ৱাশক্কী খুৎথাংদা পাংথোকপা ঙম্লোই খনবা থবক পাংথোক্নবা অফংবা মচাক-মথুমশিং খোমজিনখি। থবক কন্না শুবা অমসুং মীয়ামগী অপাম্বশিং ফংহনবা অমসুং বিকসিত ভারত অমা অমসুং অত্মনির্ভর ভারত অমগী পান্দমশিং ফংনবা মরুওইবা লাইৱা অসিগা লোয়ননা ঐখোয় মাঙলোমদা চঙশিনগদবনি। মীয়ামগী শক্তি আমসুং মীয়াম য়াইফনবা থবকশিংগী খুৎথাংদা, ঐখোয়না মীওই খুদিংমক্কী অনিংবশিং থুংহনগদবনি। মসিসু, ঐখোয়না ভগবান শ্রী রামদগী ইথিল লৌগদবনি।

মরুপশিং,

লৈবাক অমনা মশানা মশাবু ইকায়খুম্নবা মতম খক্তদা লৈবাক অমা চাউখৎলকই। মশানা মশাবু ইকায়খুম্নবদা চৎনবী অমসুং নাৎনা মরুওইবা থৌদাং অমা লৌরি। মরম অদুনা, লৈবাক অসিগী হেরিতেচ অমসুং শক্তম ঙাক-শেন্নবা লৈবাক অসিনা থবক পায়খৎলে। চহি কয়া ঐখোয়গী লন-থুমশিং হুরানখি অমসুং মপান লৈবাকশিংদা পুখি। ঙসি হায়রিবা পোৎলমশিং অদু ঐখোয়না পুরক্লে। হৌখিবা চহি ১২ দা অরিবা মীতম ৬৫০ হেন্না অমুক হন্না পুরক্তুনা ভারতকী শক্তম ঙাক-শেন্নবা সরকারনা অকনবা থবকশিং পায়খৎলে। ভারতকী নাৎকী মফমশিং মালেমদা মশক খঙবা হেনগৎলক্লি, লৈবাক অসিগী মফম কয়া য়ুনেস্কো ৱার্ল্দ হেরিতেচ সাইত্ত য়াওরে অমসুং ভারতমচা করোর কয়াগী অপুনবা থৌনাগী খুৎথাংদা হৌখিবা চহিদা য়ুনেস্কোগী ইতেঞ্জিবল কলচরেল হেরিতেচ ওফ হুমেনিতি লিষ্টতা দিপাৱালগী ইনস্ক্রিপসন য়াওরে। ঐখোয়না তুংদা চপ মান্নবা কৎথোকপগা লোয়ননা মখা তানা থবক তৌগদবনি।

মরুপশিং,

বিজয়দসমী অসি মাইপাকপগী কুহ্মৈনি। য়েক্নবা অদু মপাঙ্গল য়াম্না কল্লবসু, ঐখোয়না অচুম্বগা লোয়ননা লেপ্পা মতমদা, ঐখোয়না মাইপাকপা ঙম্মী হায়বগী থাজনবা থৌনা কুহ্মৈ অসিনা ঐখোয়দা পীরে। বিজয়দসমীগী ৱাখল্লোন অসি ভারত লমজিংলিবা ৱাঙুলোন্নি। ঐখোয়গী সাধুশিংনা ঐখোয়দা ইথিল পীখি: “সমানো মন্ত্রঃ সমিতিঃ সমানী, সমানং মনঃ সহ চিত্তমেষাম্”। মসিনা হায়রিবদি ঐখোয়গী ৱাখলশিং অমতা ওইগদবনি, ঐখোয়গী কাউন্সিলশিং অমতা ওইগদবনি অমসুং লৈবাক্কী য়াইফনবা লৈবাক অসিগী ইন্সতিতুসনশিং অমসুং রাজনিতি দলশিং অমতা ওইনা লেপকদবনি।

মসিগী ৱাখল্লোনগা লোয়ননা ঐখোয় মাঙলোমদা চঙশিনগদবনি। লৈবাক অসিগী য়েক্নবশিংগী মায়োক্ত ঐখোয় অমতা ওইনা লেপকদবনি। লৈবাক অসিগী ইকায়খুম্নবা শিংনরিবা শাফুশিং, খুন্নাই অসি তোখায় তাহল্লিবশিং অমসুং ঐখোয়গী চৎনবীদা হন্থনা য়েংলিবশিং অমসুং লৈবাক্কী য়েক্নবশিং। বিজয়দশমীগী শেংলবা থৌরম অসিদা, ঐখোয়না অমুক হন্না ঐখোয়গী ৱাশক লৌগদবনি। ঐখোয়না ইমা ভারতকী য়েক্নবশিং মশক খঙগদবনি। ঐখোয়না মখোয় মাইথিবা পীগদবনি। ‘নেসন ফাষ্ট’ গী ৱাশক অমা মীয়াম্না লৌগদবনি। ঐখোয়না অচুম্ব অমসুং মীওইবা খুন্নাইগীদমক লেপ্পা মতমদা, অরোইবদা, ঐখোয় মাইপাক্কনি। অয়োধ্য লাইশঙদা প্রান প্রাতিস্থা মনুংদা লৌখিবা শেংলবা ৱাশকশিং, “রামদগী লৈবাক” অমসুং “ঈশ্বরগী থবক্তগী লৈবাক্কী থৌদাং” ঐখোয়না থবক ওইনা পাংথোক্কদবনি। ঐনা অমুক হন্না মীয়ামদা দসেরাগী য়াইফ পাউজেল পীজরি।

জয় সিয়া রাম!

জয় সিয়া রাম!

জয় সিয়া রাম!

ভারত মাতা কি জয়!

ভারত মাতা কি জয়!

অদোম থাগৎচরি।

দিসক্লেমর: মসি প্রধান মন্ত্রীগী ৱারোলদগী চাউরাকপা হন্দোকপনি। অশেংবা ৱারোল হিন্দিদা ফোঙদোকখি।

***