امور داخلہ اور امدادد باہمی  کے مرکزی وزیر جناب امت شاہ منگل،20 اکتوبرکو پنجاب میں چِٹا(نقلی منشیات ) کے کاروبار یوں کے خلاف آواز اٹھانے کے باعث جان گنوانے والوں کے اہلِ خانہ سے مانسا، سنگرور اور گرداسپور میں ملاقات کریں گے۔

امور داخلہ اور امدادد باہمی  کے مرکزی وزیر جناب امت شاہ نے سوشل میڈیا پلیٹ فارم ایکس پر ایک پوسٹ میں کہا کہ پنجاب حکومت نے ریاست کو منشیات کی دلدل میں دھکیلنے میں کوئی کسر نہیں چھوڑی ہے۔ جس کے نتیجے میں متعدد خاندانوں کو اپنے بچوں سے محروم ہونا پڑا ہے۔ انہوں نے کہا کہ ان خاندانوں نے جو کچھ کھویا ہے، اس کے غم کو الفاظ میں بیان نہیں کیا جا سکتا۔

انہوں نے کہا کہ منشیات کے اس کالے کاروبار کے خلاف اٹھنے والی آوازوں کو دبانے کی کوشش کبھی کامیاب نہیں ہوگی اور ریاست کے عوام اس کا منہ توڑ جواب دیں گے۔  جناب امت شاہ نے کہا کہ حکومتِ ہند چِٹا (نقلی منشیات)کے کاروبار میں ملوث افراد کو چن چن کر جیل کی سلاخوں کے پیچھے بھیجے گی اور پنجاب سمیت پورے ملک کو منشیات کے اس کاروبار سے آزاد کرا کے رہے گی۔

آپ دا حکومت نے پنجاب کو منشیات کی دلدل میں دھکیلنے میں کوئی کسر نہیں چھوڑی ہے، جس کے نتیجے میں متعدد خاندانوں کو اپنے بچوں سے محروم ہونا پڑا ہے۔ عام آدمی پارٹی(آپ)حکومت کی سرپرستی میں پھل پھول رہے چِٹا کے کاروبار میں ملوث افراد کے خلاف آواز اٹھانے والے جن لوگوں کو حال ہی میں اپنی جان گنوانی پڑی۔ بروزمنگل،20 اکتوبر کو میں مانسا، سنگرور اور گرداسپور میں ان کے اہلِ خانہ سے ملاقات کروں گا۔ ان خاندانوں نے جو کچھ کھویا ہے، اس کے غم کو الفاظ میں بیان نہیں کیا جا سکتا۔ منشیات کے اس سیاہ کاروبار کے خلاف اٹھنے والی آوازوں کو دبانے کی کوشش کبھی کامیاب نہیں ہوگی اور ریاست کے عوام اس کا منہ توڑ جواب دیں گے۔ حکومتِ ہند چِٹا کے کاروبار میں ملوث افراد کو چن چن کر جیل کی سلاخوں کے پیچھے بھیجے گی اور پنجاب سمیت پورے ملک کو منشیات کے اس کاروبار سے آزاد کرا کے رہے گی۔

********

 (ش ح ۔م ح۔ش ب ن)

U. No.6289