سافٹ ویئر ٹیکنالوجی پارکس آف انڈیا (ایس ٹی پی آئی)، جو کہ وزارتِ الیکٹرانکس اور انفارمیشن ٹیکنالوجی (ایم ای آئی ٹی وائی) کے تحت ایک سرکردہ سائنس اور ٹیکنالوجی کا ادارہ ہے، اور سینٹر فار اِنوویشن، اِنکیوبیشن اینڈ انٹرپرینیورشپ (سی آئی آئی ای)، آئی آئی ٹی بی ایچ یو نے مشترکہ طور پر آئی آئی ٹی بی ایچ یو، وارانسی میں "صحت اور معاون ٹیکنالوجیز کے لیے اے آئی" کے موضوع پر ایک ٹیک کانفرنس کا انعقاد کیا۔ اس پروگرام میں حکومتی نمائندوں، تعلیمی ماہرین، صحت عامہ کے پیشہ ور افراد اور اسٹارٹ اپس کو ایک ساتھ ایک پلیٹ فارم پر لایا گیا تاکہ یہ جائزہ لیا جا سکے کہ آرٹیفیشل انٹیلیجنس عملی اور وسیع پیمانے پر قابلِ عمل حل کے ذریعے کس طرح صحت کی دیکھ بھال کو آگے بڑھا سکتی ہے، رسائی کو بہتر بنا سکتی ہے، اور شمولیت و شہریوں کی فلاح و بہبود میں مدد فراہم کر سکتی ہے۔

افتتاحی سیشن کا آغاز روایتی شمع روشن کرنے کی تقریب سے ہوا، جس کے بعد آئی آئی ٹی بی ایچ یو کے سی آئی آئی ای کے فیکلٹی انچارج پروفیسر منوج کمار میشرم نے استقبالیہ کلمات ادا کیے۔ سیشن میں حکومتِ ہند کی وزارتِ الیکٹرانکس اور انفارمیشن ٹیکنالوجی کے سکریٹری شری ایس کرشنن نے کلیدی خطبہ دیا، جس کے بعد ایس ٹی پی آئی کے ڈائریکٹر جنرل جناب اروند کمار اور آئی آئی ٹی بی ایچ یو کے ڈائریکٹر پروفیسر امت پاترا نے خصوصی تقاریر کیں۔ اس موقع پر حکومتِ اتر پردیش کے آئی ٹی اور الیکٹرانکس ڈیپارٹمنٹ کے تحت چلنے والے اتر پردیش اسٹارٹ اپ مشن کے سی ای او شری سمت مہاجن، اور انسٹی ٹیوٹ آف میڈیکل سائنسز، بی ایچ یو کے شعبہ آنکولوجی کی پروفیسر ڈاکٹر ملیکا تیواری نے بھی خصوصی خطابات کیے۔

حکومتِ ہند کی وزارتِ الیکٹرانکس اور انفارمیشن ٹیکنالوجی کے سکریٹری، جناب ایس کرشنن نے کلیدی خطبہ دیتے ہوئے کہا، " مصنوعی ذہانت صحت کی دیکھ بھال تک رسائی کو آسان بنانے، طبی فیصلہ سازی کو مضبوط کرنے اور خدمات کی فراہمی کو بہتر بنانے میں اہم کردار ادا کر سکتی ہے، خاص طور پر ان طبقوں کے لیے جنہیں صحت کی خدمات تک محدود رسائی حاصل ہے۔" انہوں نے مختلف تعلیمی شعبوں میں اے آئی کی تعلیم کو یکجا کرنے اور عملی حل تیار کرنے کے لیے ٹیکنالوجی، طبی علوم اور تحقیق کے ملاپ سے فائدہ اٹھانے کی ضرورت پر زور دیا۔ انہوں نے بیماریوں کی اسکریننگ، طبی تشخیص، دور دراز سے آئی سی یو کی نگرانی، اور اے آئی کی مدد سے سرجری کی منصوبہ بندی جیسی ایپلی کیشنز کے ذریعے صحت کی خدمات کی پہنچ، سستے پن اور معیار کو بہتر بنانے میں اے آئی کی انقلابی صلاحیتوں کو اجاگر کیا۔ انہوں نے صحت اور معاون ٹیکنالوجی کے وسیع پیمانے پر قابلِ عمل حل تیار کرنے کے لیے آئی آئی ٹی (بی ایچ یو)، ایس ٹی پی آئی، صنعت اور اسٹارٹ اپس کے درمیان مضبوط تعاون کی حوصلہ افزائی کی۔ انہوں نے انڈیا اے آئی مشن اور الیکٹرانکس اور اطلاعاتی تکنالوجی کی وزارت کے دیگر اقدامات کے ذریعے دستیاب تعاون پر بھی روشنی ڈالی، جبکہ اسٹارٹ اپس کو سرمایہ کاروں، وینچر کیپیٹل نیٹ ورکس اور مارکیٹ کے مواقع سے جوڑنے میں ایس ٹی پی آئی کے کردار پر زور دیا تاکہ ایک پائیدار اختراعی نظام تشکیل دیا جا سکے۔

ایس ٹی پی آئی کے ڈائریکٹر جنرل شری اروند کمار نے گزشتہ تین دہائیوں کے دوران بھارت کے تکنیکی نظام میں آنے والی تبدیلیوں پر روشنی ڈالی۔ 1991 سے بھارت کی آئی ٹی اور آئی ٹی ای ایس صنعت کی ترقی کو فروغ دینے میں ایس ٹی پی آئی کے کلیدی کردار کو اجاگر کرتے ہوئے، انہوں نے اس بات پر زور دیا کہ مقامی ایجادات اور انٹرپرینیورشپ کے ذریعے آرٹیفیشل انٹیلیجنس کے شعبے میں بھی اسی کامیابی کو دہرانے کا بہترین موقع موجود ہے۔ انہوں نے ماضی کو یاد کرتے ہوئے کہا کہ پہلے طلبہ کا بنیادی مقصد کیمپس پلیسمنٹ حاصل کرنا ہوتا تھا، لیکن آج کا اسٹارٹ اپ سسٹم نوجوان اختراع کاروں کو ملازمتیں تلاش کرنے کے بجائے ملازمتیں پیدا کرنے والا بننے کے قابل بنا رہا ہے۔ ایس ٹی پی آئی کے صنعتی روابط اور 27 سینٹرز آف انٹرپرینیورشپ کا ذکر کرتے ہوئے، انہوں نے عملی تحقیق، انٹلیکچوئل پراپرٹی کی تخلیق اور مارکیٹ تک رسائی کی اہمیت پر زور دیا۔ انہوں نے مزید کہا کہ قائم شدہ ٹیکنالوجی ہبز سے باہر، خاص طور پر ابھرتے ہوئے خطوں میں، آئی آئی ٹی جیسے تعلیمی اداروں، صنعت اور حکومت کے درمیان قریبی تعاون کے ذریعے اسٹارٹ اپ سسٹمز کو مضبوط کرنے کی اشد ضرورت ہے۔

آئی آئی ٹی بی ایچ یو کے ڈائریکٹر، پروفیسر امت پاترا نے "صحت اور معاون ٹیکنالوجیز کے لیے اے آئی" پر منعقدہ ایس ٹی پی آئی ٹیک کانفرنس سے خطاب کرتے ہوئے، سینٹر فار اِنوویشن، اِنکیوبیشن اینڈ انٹرپرینیورشپ (سی آئی آئی ای) کے قیام کے ذریعے اپنے اسٹارٹ اپ اور کاروباری نظام کو مضبوط بنانے کے لیے آئی آئی ٹی (بی ایچ یو) کی کوششوں پر روشنی ڈالی۔ انہوں نے طلبہ، فیکلٹی اور ابھرتے ہوئے اختراع کاروں میں کاروباری سوچ کو پروان چڑھانے کے لیے ایک منظم ادارہ جاتی فریم ورک بنانے کی اہمیت پر زور دیا، تاکہ وہ اپنے نت نئے آئیڈیاز کو کامیاب اسٹارٹ اپس میں تبدیل کرنے کے قابل بن سکیں۔ انہوں نے ابھرتے ہوئے کاروباری افراد کو فنڈنگ کے متعدد ذرائع سے جوڑنے اور اسٹارٹ اپس کا ایک پائیدار سلسلہ بنانے کی ضرورت پر زور دیا، اور جدت پسندی و ٹیکنالوجی پر مبنی کاروبار کو فروغ دینے کے لیے آئی آئی ٹی (بی ایچ یو) کے عزم کا اعادہ کیا۔

کانفرنس میں پینل ڈسکشن کے دو سیشنز بھی شامل تھے— "اے آئی کے ذریعے شہریوں کو بااختیار بنانا: صحت، شمولیت اور فلاح و بہبود" اور "جدت سے اثر تک: اے آئی ریسرچ کو صحت اور معاون ٹیکنالوجی کے وسیع پیمانے پر قابلِ عمل حل میں تبدیل کرنا"۔ ان سیشنوں میں حکومت، تعلیمی اداروں، صحت عامہ اور اسٹارٹ اپس کے ماہرین نے ایک ساتھ بیٹھ کر اے آئی کی صلاحیتوں اور اسے عملی و بڑے پیمانے پر قابلِ عمل حل میں تبدیل کرنے کے طریقوں پر تبادلہ خیال کیا۔ تقریب کے آخر میں ایس ٹی پی آئی لکھنؤ کے ایڈیشنل ڈائریکٹر اور او آئی سی جناب پروین کمار دویدی نے تمام مہمانوں کا شکریہ ادا کیا۔

پہلے پینل مباحثے، بعنوان "اے آئی کے ذریعے شہریوں کو بااختیار بنانا: صحت، شمولیت اور فلاح و بہبود" میں پروفیسر منوج کمار میشرم کواڈینیٹر،سی آئی آئی ای- آئی آئی ٹی بی ایچ یو؛  ڈاکٹر سنجے کمار سنگھ ، پروفیسر، شعبہ کمپیوٹر سائنس اینڈ انجینئرنگ، آئی آئی ٹی بی ایچ یو، پروفیسر اونیش سنگھ پرمار، پروفیسر، شعبہ فزکس، آئی آئی ٹی (بی ایچ یو)؛ ڈاکٹر شرو شرما، پروفیسر، بائیومیڈیکل انجینئرنگ کا محکمہ، آئی آئی ٹی بی ایچ یو، ڈاکٹر روچی چاولہ، ایسوسی ایٹ پروفیسر، فارماسیوٹیکل انجینئرنگ اور ٹیکنالوجی کا شعبہ، آئی آئی ٹی بی ایچ یو، جناب شہباز احمد، بانی، آرکیژن اے آئی پرائیویٹ لمیٹڈ اور شری امت کمار ورما، ایڈیشنل ڈائریکٹر، ایس ٹی پی آئی شامل تھے۔ اس گفتگو کا محور صحت کی دیکھ بھال کو زیادہ قابلِ رسائی اور جامع بنانے اور شہریوں کی فلاح و بہبود کو بہتر کرنے کے لیے اے آئی کی صلاحیتیں تھیں۔ اس کثیر الشعبہ جاتی شرکت نے تکنیکی مہارت، صحت سے متعلق تحقیق اور کاروباری نقطہ نظر کو ایک ساتھ لانے کی اہمیت کو اجاگر کیا تاکہ ایسے حل تلاش کیے جا سکیں جو لوگوں کی حقیقی ضروریات کو پورا کرتے ہوں۔

دوسرے پینل مباحثے، بعنوان "جدت سے اثر تک: اے آئی ریسرچ کو صحت اور معاون ٹیکنالوجی کے وسیع پیمانے پر قابلِ عمل حل میں تبدیل کرنا" میں جناب راجیشور سنگھ جینور ڈائریکٹر، ایم ای آئی ٹی وائی، ڈاکٹر آکاش مشرا، اسسٹنٹ پروفیسر، سینٹر آف بائیو اسٹیٹسٹکس، آئی ایم ایس – بی ایچ یو، ڈاکٹر درگیش نارائن سنگھ، سائنٹیفک آفیسر، بایو نیسٹ بی ایچ یو، محترمہ ترپتی ورما، بانی، لیمن اے آئی اور جناب شیام کمار، سی او او، ایس ٹی پی آئی میڈ ٹیک سینٹر آف انٹرپرینیورشپ، ایس جی پی جی آئی ایم ایس، لکھنؤ شامل تھے۔ یہ سیشن تحقیق اور جدت پسندی سے لے کر صحت اور معاون ٹیکنالوجی کے شعبے میں عملی و بڑے پیمانے پر قابلِ عمل حل تیار کرنے کے سفر کے گرد گھومتا رہا۔ ادارہ جاتی، سائنسی اور اسٹارٹ اپس کے متنوع نقطہ نظر نے امید افزا آئیڈیاز کو حقیقی دنیا میں لاگو کرنے کے لیے باہمی تعاون کی اہمیت کو مزید واضح کیا۔

اس کانفرنس نے صحت کی دیکھ بھال تک آسان رسائی، معاون ٹیکنالوجیز اور سب کی شمولیت کے ساتھ فلاح و بہبود کے لیے اے آئی سے فائدہ اٹھانے کی خاطر حکومت، تعلیمی اداروں، طبی مراکز اور اسٹارٹ اپس کے درمیان باہمی تعاون کی اہمیت کو مزید تقویت دی۔ مسلسل وابستگی، عملی تحقیق اور کاروباری صلاحیتوں کی مدد کے ذریعے، ایس ٹی پی آئی اور سی آئی آئی ای، آئی آئی ٹی بی ایچ یو کا مقصد ایک ایسے اختراعی نظام میں اپنا تعاون دینا ہے جو سماجی ضروریات کے لیے عملی، ذمہ دارانہ اور وسیع پیمانے پر قابلِ عمل ٹیکنالوجی کے حل تیار کرتا ہے۔

ایس ٹی پی آئی کے بارے میں:

سافٹ ویئر ٹیکنالوجی پارکس آف انڈیا (ایس ٹی پی آئی)، وزارتِ الیکٹرانکس اور انفارمیشن ٹیکنالوجی (ایم ای آئی ٹی وائی) کے تحت سائنس اور ٹیکنالوجی کا ایک سرکردہ ادارہ ہے، جو ابھرتے ہوئے ٹیکنالوجی کے شعبوں میں آئی ٹی/آئی ٹی ای ایس صنعت، جدت پسندی، تحقیق و ترقی، اسٹارٹ اپس، اور پروڈکٹ اور دانشورانہ ملکیت کی تخلیق کو فروغ دینے میں مصروف عمل ہے۔ ان ابھرتے ہوئے شعبوں میں انٹرنیٹ آف تھنگز، بلاک چین، مصنوعی ذہانت، مشین لرننگ، کمپیوٹر ویژن، روبوٹکس، آگمنٹڈ اور ورچوئل رئیلٹی، اینی میشن اور وژول ایفیکٹس، اور ڈیٹا سائنس و اینالیٹکس شامل ہیں۔ ایس ٹی پی آئی گیمنگ، مالیاتی تکنالوجی، زرعی تکنالوجی، طبی تکنالوجی، خودکار اور منسلک نقل و حمل، ای ایس ڈی ایم، سائبر سکیورٹی، انڈسٹری 4.0 اور ڈرونز جیسے مختلف شعبوں میں جدت پسندی کی معاونت کرتا ہے۔

**********

 (ش ح –ا ب ن)

U.No:6275

(ریلیز آئی ڈی: 2324883) وزیٹر کاؤنٹر : 8