మహారాష్ట్రలోని ధూలే జిల్లా షిర్‌పూర్‌లోని జామ్నియాపాని గ్రామానికి సమీపంలో గల వన్యప్రాణి సంరక్షణ కేంద్రంలో పెద్ద విస్తీర్ణంలో గంజాయి అక్రమంగా సాగు చేస్తున్నట్లు నిఘా వర్గాల నుంచి డైరెక్టరేట్ ఆఫ్ రెవెన్యూ ఇంటెలిజెన్స్ (డీఆర్ఐ) సమాచారం అందుకుంది. ఈ సమాచారం ఆధారంగా... డీఆర్ఐ, సెంట్రల్ బ్యూరో ఆఫ్ నార్కోటిక్స్ (సీబీఎన్) అధికారుల సంయుక్త బృందం... 14.10.2026న మహారాష్ట్రలోని ధూలే జిల్లా షిర్‌పూర్‌లోని జామ్నియాపాని గ్రామానికి సమీపంలో ఉన్న వన్యప్రాణి సంరక్షణ కేంద్రానికి చేరుకుంది.

అభయారణ్యంలోని మారుమూల, దట్టమైన అటవీ ప్రాంతంలో అయిదు వేర్వేరు భూభాగాల్లో మొత్తం 2.87 హెక్టార్ల (7.08 ఎకరాల) విస్తీర్ణంలో అక్రమంగా గంజాయి సాగు చేస్తున్నట్లు అదికారుల బృందం గుర్తించింది. చేరుకోవడం కష్టంగా ఉండే భూభాగం, వన్యప్రాణుల సంచారం ఉండడం, మొబైల్ నెట్‌వర్క్ కనెక్టివిటీ లేకపోవడం వంటి కారణాల వల్ల ఈ ఆపరేషన్ గణనీయమైన సవాళ్లను ఎదుర్కొంది. అధికారులు పూర్తి అప్రమత్తతతో, అవసరమైన జాగ్రత్తలు తీసుకుంటూ ఆపరేషన్‌ను విజయవంతంగా పూర్తి చేశారు. చట్టపరమైన లాంఛనాలన్నీ పూర్తి చేసిన తర్వాత... పోలీసు, అటవీ శాఖ అధికారుల సమక్షంలో గంజాయి పంటను పూర్తిగా ధ్వంసం చేశారు. తదుపరి దర్యాప్తు కొనసాగుతోంది.