ইলেক্ত্রোনিক্স অমসুং আই.তি. মন্ত্রালয়
ভাসিনি রাজ্যম ৱর্কশোপ্তা মল্তিলিঙ্গুএল এ.আই. অমসুং লোলগী তেক্নোলোজী চাওখৎহন্নবগীদমক দিজিতেল ইন্দিয়া ভাসিনি দিভিজন অমসুং মনিপুর লৈঙাক্না এম.ও.য়ু. খুৎয়েক পীনখ্রে
ভাসিনি রাজ্যম ৱর্কশোপ - মনিপুর চেপ্তরনা লোলগী তেক্নোলোজী, মফম অদুগী লোলগী দেতা অমসুং মীয়ামদা য়ুম্ফম ওইবা দিজিতেল সর্বিসশিংগী মতাঙদা থিজিল্লি
থাগৎখিবা:
15 OCT 2026 10:47AM by PIB Imphal
প্রোগ্রাম অসি ইকায়খুম্নজরবা মনিপুরগী মুখ্য মন্ত্রী শ্রী য়ুম্নাম খেমচান্দ সিংহনা শরুক য়াদুনা পাঙথোকখি, অমসুং দিজিতেল সর্বিসশিং অসিবু হেন্না লায়না ফংহনবা য়াবা অমসুং পুম্নমক য়াওহনবা ঙমহনবদা লোলগী তেক্নোলোজীগী থৌদাংগী মতাঙদা খন্ন-নৈননবগীদমক লৈঙাক্কী মীহুৎশিং অমসুং অতোপ্পা স্তেকহোল্দরশিংবু অমত্তা ওইনা পুনশিনখি।
ৱর্কশোপ অসিগী মরুওইবা মহৈ অমা ওইনা দি.আই.বি.দি. অমসুং মনিপুর লৈঙাক্কী মরক্তা মেমোরেন্দম ওফ অন্দর্স্তেন্দিং (এম.ও.য়ু.)) অমদা খুৎয়েক পীনখি, মসিদা দি.আই.বি.দি.গী সিইও শ্রী অমিতাভ নাগ অমসুং মনিপুর লৈঙাক্কী ইনফোর্মেসন তেক্নোলোজী সেক্রেতরী শ্রী সোমোরজিৎ সলাম, আই.এ.এস. না মীহুৎ ওইদুনা শরুক য়াখি। এম.আই.য়ু. অসিনা স্তেত অসি শিনবা থুংনা লোলগী তেক্নোলোজীদা মতেং পাংনবগী থৌওং মপাঙ্গল কনখৎহনবা, লোলগী রিসোর্সশিং ফগৎহনবা অমসুং মল্তিলিঙ্গুএল দিজিতেল সর্বিসশিংগী পাম্বৈশিং থিজিন্নবা পান্দম থম্লি।
মীফম অদুদা ৱা ঙাংলদুনা, ইকায়খুম্নজরবা মনিপুরগী মুখ্য মন্ত্রী শ্রী য়ুম্নাম খেমচান্দ সিংহনা ভারতকী লোলগী তোঙান-তোঙানবা মশকশিংবু য়োকখৎনবা অমসুং স্তেত অসিগী কাঙলুপশিংগীদমক খুদোংচাবশিং পাকথোক-চাউথোকহন্নবা আর্তিফিসিয়েল ইন্তেলিজেন্স অমসুং লোলগী তেক্নোলোজীনা ওইথোকহনবা য়াবশিং পন্দুনা ফোঙদোকখি। “আর্তিফিসিয়েল ইন্তেলিজেন্স অমসুং লোলগী তেক্নোলোজীগী খুত্থাংদা, ঐখোয়না ভারতকী তোঙান-তোঙানবা লোলশিংবু য়োকখৎলি অমসুং মনিপুরগী য়াম্লবা লোলশিং দিজিতেল স্পেস্তা পুরক্নবগী খুদোংচাবশিং থিজিল্লি। ঐখোয়না মাঙলোমদা চঙশিনবদা ঐখোয়গী লোলগী তোঙান-তোঙানবা মশকশিং অসি য়াম্না মরুওইবা পাঙ্গল অমনি,” হায়না মহাক্না ফোঙদোকখি।
মনিপুর লৈঙাক্কী ইনফোর্মেসন তেক্নোলোজী সেক্রেতরী শ্রী সোমোরজিৎ সলাম, আই.এ.এস.না দিজিতেল সর্বিসশিং অসি কান্নবা ফংহন্নবা পান্দম থম্লিবা মীয়াম অদুগীদমক লায়না ফংহনবা য়াবা অমসুং কান্নবা ওইহনগদবনি হায়বা ৱাফম চেৎনা থমখি। “মীয়াম্না থাজবা লৈনা খঙলবা অমসুং শীজিন্নবা ঙম্লবা মতমদতা দিজিতেল সর্বিসশিং অসি কান্নবা ওইগনি। ভাসিনিগী খুত্থাংদা, মনিপুরগী মথৌ তাবশিংদা চুনবা অমসুং মতম কুইনা মীয়ামদা কান্নবা পীগদবা নীংথিনা চাংয়েং তৌরবা পাম্বৈশিংগা লোয়ননা ঐখোয়না লোলগী অপনবশিং কোকহনবা ঙমগনি,” হায়না মহাক্না ফোঙদোকখি।
ৱর্কশোপ অসিনা তোঙান-তোঙানবা লোলশিংদা দিজিতেল সর্বিসশিং ফংহনবদা লোলগী দেতাসেতশিং, এ.আই. মোদেলশিং, ঐ.পি.আই.শিং অমসুং এপ্লিকেসনশিংগী থৌদাং পল্লদুনা, ভেসিনিগী লেঙ্গুয়েজ-ফর্স্ত দিজিতেল পব্লিক ইনফ্রাস্ত্রকচর (দি.পি.আই.) অমসুং মসিগী মল্তিলিঙ্গুএল এ.আই. ইকোসিস্তেমগী অপুনবা শক্তম অমা পীখি। হেন্না লায়না ফংহনবা য়াবা সর্বিস পীথোক-পীশিন তৌবদা মতেং ওইনবা পাঙ্গলশিং অসি লৈঙাক্কী প্লেতফোর্মশিং অমসুং মীয়াম্না হকথেংননা শীজিন্নবা এপ্লিকেসনশিংদা করম্না য়াওহনবা য়াগনি হায়বগী মতাঙদা খন্ন-নৈনখি।
রিয়েল-তাইম ইংলিস-তু-মনিপুরী ত্রান্সলেসনগী লাইভ দেমোন্সত্রেসন অমনা পাউ ফাওনবগী অহোবশিং মেনশিনবদা লোলগী তেক্নোলোজীনা ওইথোকহনবা য়াবশিং উৎখি। সেসন অসিনা তশেংবা ফীভমশিংদা মখোয়গী কান্নবা হেনগৎহন্নবগীদমক লোলগী এক্সপর্তশিং অমসুং লমদম অদুগী কাংলুপশিংদগী ফংবা পাউতাকশিংগা লোয়ননা, মরী লৈনবা দেতা শীজিন্নদুনা দিজিতেল লোলগী রিসোর্সশিং শেমগৎপা অমসুং লোলগী মোদেলশিং চাংয়েং তৌদুনা চুমব্রা য়েংশিনবগী মরুওইবসু ফোঙদোকখি।
ভারতকী তোঙান-তোঙানবা মশকশিংবু তাকপা লোলগী তেক্নোলোজীশিং শেমগৎপগী তঙাইফদবগী মতাঙদা ৱাফম থম্লদুনা, দি.ই.বি.দি.গী সি.ই.ও. শ্রী অমিতাভ নাগনা ফোঙদোকখি: “এ.আই.না ভারতপু মসিগী লোলগী তোঙান-তোঙানবা মশক পুম্নমক্তা খঙগদবনি। মনিপুরগা থম্লিবা খোঙবু ওইবগী মরী অসিগী খুত্থাঙদা, ঐখোয়না লোলগী তেক্নোলোজীশিং মপাঙ্গল কনখৎহন্নবা, থবক ওইনা শীজিন্নবা য়াবশিং পাকথোক-চাউথোকহন্নবা অমসুং লোল অসিনা দিজিতেল সর্বিসশিং ফংহন্নবা নত্রগা খুদোংচাবশিং লৌবদা অপনবা অমা ওইহন্দনবগী পান্দম থম্লি,” হায়না মহাক্না ফোঙদোকখি।
ৱর্কশোপ অসিনা মনিপুরী, তাংখুল, থাদৌ, পাইতে, মার, লিয়াংমৈ অমসুং স্তেত অসি শিনবা থুংনা ঙাঙনরিবা অতোপ্পা লোলশিং য়াওনা মনিপুরগী লোলগী তোঙান-তোঙানবা মশকশিং ফোঙদোকখি। স্তেত অসিগী লোলগী লৌশিং, লমদম অদুগী এক্সপর্তাইজ অমসুং কম্ম্যুনিতীগী শরুক য়াবনা লমদম অদুগী মথৌ তাবশিং অমসুং পাউ ফাওনবগী চৎনবীশিং হেন্না মওং চুম্না ফোঙদোকপা ঙম্বা লোলগী তেক্নোলোজীশিং শেমগৎপদা মতেঙ পাংবা ঙমগনি।
সেসনশিং অসিনা এজুকেসন, হেল্থকেয়ার, লিগেল সর্বিসশিং অমসুং ৱাকৎ ৱারোইশিন পুরকপা য়াওনা লৈঙাক্লোন অমসুং মীয়ামগী সর্বিসশিংদা মল্তিলিঙ্গুএল এ.আই. শীজিন্নবগী মতাঙদা নৈনখি। দিভেলপরশিং, মহৈরোইশিং অমসুং ইনোভেতরশিংগী ওইবা ইন্তরেক্তিব প্লেতফোর্ম অমা ওইরিবা ভাসিনি शिल्पी না লোলগী এ.আই.গা লোয়ননা তমশিনবা, চাংয়েং তৌবা, খুদোংচাদবশিং লোইশিনবা অমসুং শেমগৎপগী খুদোংচাবা অমা পীখি। চৎনরক্লিবা তেক্নোলোজীগী সেসন অদুদগী হেন্না মাঙজিল থাদুনা, মসিনা শরুক য়ারিবশিং অদুবু তশেংবা তাইবংগী অৱাবা-খুদোংচাদবশিং থিজিন্নবা, ৱাখল্লোনশিং ফোঙদোক-ফোঙজিন তৌনবা অমসুং ভাসিনিগী লোলগী তেক্নোলোজীশিং, সর্বিসশিং অমসুং এ.পি.আই.শিংগা লোয়ননা চাওখৎহনবা, পাকথোক-চাউথোকহনবা অমসুং অনৌবা ৱাফমশিং পুথোকপগী ওইথোকপা য়াবশিং খঙদোক্নবা পুক্নিং থৌগৎখি। ইন্তরেক্তিব ৱাহং-পাউখুম অসিনসু শরুক য়ারিবশিং অদুবু শীজিন্নবা য়াবা মওংগী মতাঙদা খন্ন-নৈনবা অমসুং চৎনহনবগী মতাঙদা হেন্না ময়েক শেংনা খঙহনবদা মতেঙ পাংখি। স্তেতকী ইন্সতিত্যুসনশিং অমসুং লোলগী কাঙলুপশিংনা লোলগী দেতা থৌদাং লৌনবা অমসুং মল্তিলিঙ্গুএল এ.আই.গী রিসোর্সশিং মপাঙ্গল কনখৎহন্নবগী লম্বী অমা ওইনা ভাসিনী মিত্র ইনিসিয়েতিভকী মতাঙদসু ময়েক শেংনা থমখি।
মখা তাবা খোঙথাং অমা ওইনা, দি.আই.বি.দি. অমসুং মনিপুর লৈঙাক্না হান্না মথৌ তাবা শীজিন্নফমশিং মশক খঙদোক্কনি, লোলগী দেতা মথৌ তাবশিং য়েংশিনগনি অমসুং মরী লৈনবা লৈঙাক্কী প্লেতফোর্মশিংদা ভাসিনিগী লোলগী তেক্নোলোজীশিং য়াওহনবগী মতাঙদা থিজিনগনি। খুৎশম্ননা চৎমিন্নবা অসিনা লোলগী রিসোর্সশিং মপাঙ্গল কনখৎহনবা অমসুং স্তেত অসিগী লোলগী তোঙান-তোঙানবা মশকশিং অমসুং মীয়ামগী সর্বিসকী মথৌ তাবশিং ফোঙদোকপা সোল্যুসনশিং শেমগৎনবসু চাংয়েং তৌদুনা চুমব্রা য়েংশিন্নবগীদমক লোলগী এক্সপর্তশিং অমসুং লমদম অদুগী কাঙলুপশিংগা লোয়ননা থবক তৌমিন্নবদা মরুওইবা মীৎয়েঙ থমগনি।
ভাসিনি রাজ্যম ইনিসিয়েতিভ অসিনা ভাসিনি অমসুং স্তেত লৈঙাকশিংগী মরক্তা মতেং পাংনবগী থৌওং মপাঙ্গল কনখৎহন্নবা পান্দম থম্লি, মসিনা লোলগী তেক্নোলোজীগী পাঙ্গলশিং অসিবু দিজিতেল সর্বিসশিং ফংহনবা ফগৎহনবা অমসুং ভারতকী দিজিতেল ইকোসিস্তেমদা হেন্না পাক চাউনা শরুক য়াহনবা ঙমহনগদবা থবক ওইনা শীজিন্নবা য়াবা পাম্বৈশিংদা ওন্থোকপদা মতেঙ পাংই।
দিজিতেল ইন্দিয়া ভাসিনি দিভিজন (দি.আই.বি.দি.)গী মরমদা
ভারত লৈঙাক্কী মিনিস্ত্রী ওফ ইলেক্ত্রোনিক্স এন্দ ইনফোর্মেসন তেক্নোলোজী (MeitY) গী মখাদা লৈবা দিজিতেল ইন্দিয়া কোর্পোরেসন (দি.আই.সি.)গী মখাদা লৈবা দিজিতেল ইন্দিয়া ভাসিনি দিভিজন (দি.আই.বি.দি.) না দিজিতেল সর্বিসশিংদা মল্তিলিঙ্গুএল এক্সেস ফংহন্নবগীদমক ভারতকী লেঙ্গুয়েজ-ফর্স্ত দিজিতেল পব্লিক ইনফ্রাস্ত্রকচরবু মাঙদা পুখৎলি। ভাসিনিনা মল্তিলিঙ্গুএল এ.আই. সোল্যুসনশিং শেমগৎপদা লৈঙাক্কী দিপার্তমেন্তশিং, দিভেলপরশিং, রিসর্চরর্শিং অমসুং অতোপ্পা স্তেকহোল্দরশিংদা মতেং পাংনবগীদমক লোলগী দেতাসেতশিং, এ.আই. মোদেলশিং, এ.পি.আই. শিং অমসুং এপ্লিকেসনশিংবু অমত্তা ওইনা পুনশিল্লি। মসিনা লৈঙাক্কী ৱেবসাইত ৮০০ হেনবদা শক্তি পীরি, অপুনবা এ.আই. ইনফরেন্স বিলিয়ন ৯ হেন্না ওইথোকহনখ্রে অমসুং নোংমদা এ.আই. ইনফরেন্স মিলিয়ন ২৪ হেন্না প্রোসেস তৌরি। ভাসিনিনা তেক্স ওইনা ভারতকী লোল ৩৬, খোঞ্জেল ওইনা ভারতকী লোল ২৩ অমসুং মালেমগী ওইবা লোল ৩৫ সপ্পোর্ত তৌরি, মসিনা ভারতকী দিজিতেল ইকোসিস্তেম শিনবা থুংনা লোলগী তেক্নোলোজী শীজিন্নববু মাঙলোমদা চঙশিনহল্লি।
***
(রিলিজ আই.দি.: 2323773)
ভিজিতর কাউন্তর : 3