প্রধান মন্ত্রী শ্রী নরেন্দ্র মোদীনা ঙসি অঙনবা মতমদা লোক কল্যান মার্গ ৭তা ৱার্ল্দ স্কিল্স কম্পিতিতিব, সাংহাই ২০২৬তা টিম ইন্দিয়াগী মীহুৎশিংগা ৱারী শানখ্রে।

ৱারী শাবগী মনুংদা, শরুক য়ারিবশিংনা কম্পিতিসন অদুগী মনুংদা মখোয়গী এক্সপরিয়েন্সশিং শেয়র তৌখি। মখোয়না মালেমগী থাক্তা মখোয়গী লৈবাক্কী মহুৎ শিন্দুনা চৎপদা চাউথোকচবা ফোংদোকখি। শরুক য়ারিবশিংনা ইন্তর্নেস্নেল কম্পিতিসনগী মনুংদা অনৌবা খুৎলাইশিং, সোফৱেয়র, তেক্নিকেল সিস্তেমশিং অমসুং থবক তৌবগী থৌওংশিংদা খুমাং চাউশিলহন্নবা খন্নখি। নহারোলশিংদা মতেং পাংলিবা স্কিল দিবেলপমেন্তকী মায়কৈদা সরকারনা পায়খৎলিবা থবকশিংগী মতাংদসু মখোয়না পনখি।

মালেমগী থাক্তা ভারতকী মহুৎ শিনবগীদমক প্রধান মন্ত্রীনা শরুক য়ারিবশিংদা থাগৎপা ফোংদোকখি। মহাক্না মখোয়বু স্কিল দিবেলপমেন্তকী এম্বেসেদর ওইনবা হায়খি। মহাক্না হায়খি মদুদি একাদমিক দিগ্রীশিংগা মান্ননা প্রেক্তিকেল স্কিলশিংসু মরু ওই।

অখন্নবা স্কিলশিংগী মরুওইবা পল্লদুনা, প্রধান মন্ত্রীনা হায়খি তেক্নোলোজীনা খোঙজেল য়াংনা খুমাং চাউশিল্লকপগা লোয়ননা, নহাশিংনা লেপ্পা লৈতনা অনৌবা স্কিলশিং লৌগদবনি, মখোয়গী লৈরিবা কেপাসিতীশিং অপগ্রেদ তৌগদবনি অমসুং অনৌবা তেক্নোলোজীশিংদা খুমাং চাউশিলহনগদবনি। মহাক্না শরুক য়ারিবশিংদা মালেমগী কৈথেলগী মথৌ তাবশিংগী মতুং ইন্না স্কিলশিং শেমগৎনবা অমসুং মখোয়গী এক্সপরিয়েন্স অমসুং সজেসনশিংগী খুত্থাংদা ভারতকী স্কিল ত্রেনিং ইকোসিস্তেম ফগৎহনবদা মতেং পাংনবা হায়খি। মহাক্না ভারত অসি স্কিল লৈরবা হ্যুমেন রিসোর্সকী গ্লোবেল হব অমা ওইহন্নবা নহাশিং, সরকার অমসুং ত্রেনিং ইন্সতিত্যুসনশিংনা পুন্না হোৎনমিন্নবগী তঙাইফদবা অদুদা অকনবা ৱাফম থমখি।

তোঙানবা স্কিল দিবেলপমেন্ত মন্ত্রালয় অমা লিংখৎপগী পান্দম অদু প্রধান মন্ত্রীনা ফোংদোকখি। মহাক্না হায়খি মদুদি স্কিল ত্রেনিং ইন্সতিত্যুসনশিংগী মরুওইবা অসি আই.আই.তি.শিং অমসুং আই.আই.এম.শিংদগী হন্থদে। ভারতকী স্কিল ত্রেনিং সিস্তেম ফগৎহনবদা মতেং পাংনবা শরুক য়ারিবশিংদা মখোয়গী এক্সপিরিয়েন্স অমসুং সজেসনশিং অদু সরকারগা শরুক য়ামিন্নবা মহাক্না পুক্নিং থৌগৎখি।

ৱার্ল্দস্কিল্স অসি মালেমগী মকোক থোংবা ইন্তর্নেস্নেল স্কিল কম্পিতিসননি, মসিদা শরুক য়াবা লৈবাকশিং অমসুং লমদমশিংদগী নহা ওইরিবা প্রোফেস্নেলশিংনা মখল কয়াগী ভোকেস্নেল অমসুং তেক্নিকেল স্কিলশিংদা মগুন লৈ হায়বা উৎনবগীদমক পুনশিল্লি। ৱার্ল্দস্কিল্স সাংহাই ২০২৬, ৪৮শুবা ৱার্ল্দস্কিল্স কম্পিতিসন অসি ২০২৬গী সেপ্তেম্বর ২২দগী ২৭ ফাওবা সাংহাইদা লৈবা নেস্নেল একজিবিসন অমসুং কনভেন্সন সেন্তরদা পাংথোকখি। টিম ইন্দিয়ানা ৪৮শুবা ৱার্ল্দ স্কিল্স কম্পিতিতিব, সাংহাই ২০২৬তা সিলভর মেদল ৬ অমসুং এক্সলেন্সকী মেদল ২০ ফংদুনা ১০শুবা মফমদা লৈখি। ভারত অসি স্কিল ৬৩দা শরুক য়াখিবা কন্তিঞ্জেন্ত ৭০গী খ্বাইদগী চাউবা কন্তিঞ্জেন্তনা রিপ্রজেন্ত তৌখি।

ৱারী শানবগী থৌরম অদুদা ভারত সরকারগী স্কিল দিবেলপমেন্ত অমসুং এন্ত্রিপ্রেন্যুওরশিপকী রাজ্য মন্ত্রী (ইন্দিপেন্দেন্ত চার্জ) শ্রী জয়ন্ত চৌধরী অমসুং এজুকেসনগী রাজ্য মন্ত্রী অমসুং মকোক থোংবা ওফিসিএলশিংসু শরুক য়াখি।

***