مواصلات اور شمال مشرقی خطے کی ترقی کے مرکزی وزیر جیوترادتیہ ایم سندھیا نے میزورم کے اپنے دو روزہ دورے کے دوران پیر کے روز میزورم یونیورسٹی میں طلبہ سے تبادلۂ خیال کیا۔ انہوں نے وزارتِ شمال مشرقی خطے کی ترقی کے ’اشٹ لکشمی درشن پروگرام‘ کے تحت شمال مشرقی ہندوستان کے دورے پر آئے گوا اور چنڈی گڑھ کے طلبہ سے بھی ملاقات کی اور ان کے تجربات اور خیالات پر گفتگو کی۔

طلبہ سے خطاب کرتے ہوئے، جیوترادتیہ ایم سندھیا نے شمال مشرقی ہندوستان کے مالا مال ثقافتی ورثے، روایات اور ترقی کے امکانات کو اجاگر کیا۔ انہوں نے اس بات پر زور دیا کہ اس طرح کے تبادلے نوجوانوں کو اس خطے کو بہتر طور پر سمجھنے میں مدد دیتے ہیں، ساتھ ہی ثقافتی روابط، باہمی مفاہمت اور قومی یکجہتی کو بھی مضبوط بناتے ہیں۔

وزیر اعظم جناب نریندر مودی کے اس تصور سے تحریک حاصل کرتے ہوئے کہ شمال مشرق کی آٹھ ریاستوں کو ملک کی ’اشٹ لکشمی‘ کے طور پر ترقی دی جائے، اس پروگرام کے تحت ملک بھر کے طلبہ کو اس خطے کے ثقافتی تنوع اور ترقی کے مواقع کا براہِ راست تجربہ حاصل کرنے کا موقع فراہم کیا جاتا ہے۔

گزشتہ ایک سال کے دوران 590 سے زائد طلبہ نے ’اشٹ لکشمی درشن پروگرام‘ میں شرکت کی ہے۔ جس سے شمال مشرقی خطے اور ملک کے دیگر حصوں کے درمیان روابط کو مزید مضبوط بنانے میں مدد ملی ہے۔

جیوترادتیہ ایم سندھیا نے مزید اس بات پر زور دیا کہ یہ پہل 2047 تک وکست بھارت کے تصور سے ہم آہنگ ہے۔ اس کا مقصد نوجوانوں کی شمولیت کو فروغ دینا، ہندوستان کے تنوع کا جشن منانا اور ملک کی ترقی کے سفر میں شمال مشرقی خطے کے کردار کو مضبوط بنانا ہے۔

اس تبادلۂ خیال سے وزارتِ شمال مشرقی خطے کی ترقی کے اس عزم کی توثیق ہوئی کہ نوجوانوں کی شمولیت کو فروغ دیا جائے، ثقافتی تبادلے کی حوصلہ افزائی کی جائے اور عوام کے درمیان روابط کو مضبوط بنایا جائے، ساتھ ہی نوجوان ذہنوں کو ایک زیادہ مربوط اور ترقی یافتہ ہندوستان کی تعمیر میں اپنا کردار ادا کرنے کی ترغیب دی جائے۔

میزورم یونیورسٹی کے ذہین طلباء سے دل کی گہرائیوں سے گفتگو ہوئی! ایک’وکست بھارت‘ کے لیے واضح اور واضح خیالات کا اشتراک کیا!

******

ش ح۔م ح ۔رض

U-No.5060