نائب صدر جمہوریہ جناب سی پی رادھا کرشنن نے نیشنل ڈیفنس کالج کے 66ویں کورس  کے شرکاء سے خطاب کیا

Vice President Shri C. P. Radhakrishnan addressed the 66th Course of the National Defence College in New Delhi, emphasising that national strategy must translate national purpose into action and national intent into tangible outcomes.

مسلح افواج، سول سروسز، پولیس اور دیگر سرکاری اداروں کے افسران سمیت دوست ممالک کے 41 افسران پر مشتمل 122 شرکاء سے خطاب کرتے ہوئے، نائب صدرِ جمہوریہ نے عصرِ حاضر کے سلامتی سے متعلق چیلنجوں سے نمٹنے کے لیے حکمتِ عملی پر مبنی سوچ، مربوط پالیسی سازی اور بین الاقوامی تعاون کی اہمیت کو اجاگر کیا۔

قومی اقدار کو قومی شناخت کی بنیاد قرار دیتے ہوئے اور دنیا کے ساتھ کسی ملک کے تعلقات کی رہنمائی میں ان کے کردار پر زور دیتے ہوئے، جناب سی پی رادھا کرشنن نے ہندوستان کے تہذیبی فلسفے ’واسودھیو کٹمبکم‘ (پوری دنیا ایک خاندان ہے) کا حوالہ دیا۔ انہوں نے کووِڈ-19 وبا کے دوران ہندوستان کی ’ویکسین میتری‘ پہل، قدرتی آفات کے دوران فوری امداد فراہم کرنے میں ہندوستان کے کردار اور موسمیاتی اقدامات و آفات سے نمٹنے کی صلاحیت کو مضبوط بنانے سے متعلق بین الاقوامی پہلوں میں ہندوستان کی قیادت کو ان اقدار کے عملی مظاہرے کی مثالوں کے طور پر پیش کیا۔

نائب صدرِ جمہوریہ نے کہا کہ ہندوستان کے قومی مفادات کی بنیاد آئینی اقدار پر ہے، جن میں خودمختاری، جمہوریت، سیکولرازم، انصاف، آزادی، مساوات، اخوت اور ملک کا اتحاد و سالمیت شامل ہیں۔ انہوں نے پانچ وسیع ترجیحات پر زور دیا: جن میں ہندوستان کی خودمختاری اور علاقائی سالمیت کا تحفظ؛ اس کے جمہوری، سیکولر اور وفاقی تشخص کو برقرار رکھنا؛ اس کےاسٹریٹجک، سیاسی، اقتصادی اور فوجی مقاصد کو آگے بڑھانا؛ ترقی اور انسانی فلاح و بہبود کے لیے مستحکم اور محفوظ ماحول کو یقینی بنانا اور بین الاقوامی امن و استحکام میں تعاون دینا شامل ہیں۔

قومی سلامتی کی بڑھتی ہوئی باہمی وابستگی کو اجاگر کرتے ہوئے، جناب رادھا کرشنن نے دہشت گردی، سائبر خطرات، وباؤں، موسمیاتی تبدیلی اور سرحد پار جرائم جیسے چیلنجوں سے نمٹنے کے لیے بین الاقوامی تعاون کو مزید مضبوط بنانے کی اپیل کی۔ انہوں نے کہا کہ قومی مفادات کا تحفظ اور عالمی سطح پر مشترکہ مفادات کو آگے بڑھانا اکثر ایک دوسرے کو تقویت دینے والے مقاصد ہوتے ہیں، جن کے حصول کے لیے ممالک کے درمیان مربوط اقدامات، معلومات کا تبادلہ اور باہمی اعتماد ضروری ہے۔

’وکست بھارت@2047‘ کو ایک اہم قومی مقصد قرار دیتے ہوئے، نائب صدرِ جمہوریہ نے طویل مدتی وژن کو دستیاب وسائل، دانش مندانہ پالیسی فیصلوں اور قومی ترجیحات سے ہم آہنگ کرنے کی ضرورت پر زور دیا۔ انہوں نے کہا کہ قومی سلامتی میں ہندوستان کی زمینی سرحدوں، فضائی حدود، بحری مفادات اور سائبر اسپیس کا تحفظ شامل ہے، جبکہ اس کے ساتھ پائیدار ترقی اور خوشحالی کے لیے سازگار حالات پیدا کرنا بھی ضروری ہے۔

نائب صدرِ جمہوریہ نے کہا، ’’ہندوستان دوسروں پر غلبہ حاصل کرنے کیلئے دنیا کا سب سے طاقتور ملک نہیں بننا چاہتا بلکہ اس بات کو یقینی بنانے لیے بننا چاہتا ہے کہ کوئی ملک ہم پر غیر اخلاقی شرائط مسلط نہ کر سکے۔‘‘ انہوں نے زور دیا کہ ہر ملک کی خودمختاری اور وقار کا احترام کیا جانا چاہیے اور ممالک کو ایک دوسرے کی علاقائی سرحدوں میں مداخلت سے گریز کرنا چاہیے۔

عالمی جنوب کے ممالک کے ساتھ مضبوط روابط استوار کرنے کی اپیل کرتے ہوئے، جناب سی پی رادھا کرشنن نے باہمی احترام، خودمختاری کی بنیاد پر مساوات اور ترقی کے مشترکہ اہداف کے اصولوں کو اجاگر کیا۔ انہوں نے ممالک پر زور دیا کہ وہ چیلنجوں سے آگے بڑھ کر ٹیکنالوجی، تجارت، رابطہ کاری، تعلیم، اختراع اور صلاحیت سازی کے شعبوں میں تعاون کو مضبوط بنائیں۔ انہوں نے اس بات پر بھی زور دیا کہ بدعنوانی عالمی جنوب کے لیے اب بھی ایک بڑا چیلنج ہے اور اس کے خاتمے کے لیے اجتماعی کوششوں کی اپیل کی۔

نائب صدرِ جمہوریہ نے مستقبل کے اسٹرٹیجک رہنماؤں کی حیثیت سے شرکاء پر زور دیا کہ وہ ادارہ جاتی اور پیشہ ورانہ دائرۂ کار سے آگے بڑھ کر ایک مربوط اور مستقبل پر نظر رکھنے والا نقطۂ نظر اپنائیں۔ انہوں نے شرکاء سے اپیل کی کہ وہ ان اقدار کو سمجھیں جو ان کی ملکی شناخت متعین کرتی ہیں، ان مفادات کی نشاندہی کریں جن کا تحفظ ضروری ہے، واضح مقاصد طے کریں، دانش مندی سے ترجیحات مقرر کریں اور قومی عزم کو ٹھوس نتائج میں ڈھالنے کے لیے حکمتِ عملی تیار کریں۔

اس موقع پر ایئر مارشل جناب منیش کمار گپتا، کمانڈنٹ، نیشنل ڈیفنس کالج، فیکلٹی کے اراکین اور کالج کے 66ویں کورس کے شرکاء موجود تھے۔

*****

ش ح۔ م ش۔ ص ج

U. No-5004

 

(ریلیز آئی ڈی: 2322211) وزیٹر کاؤنٹر : 10

یہ ریلیز پڑھیں: English , हिन्दी , Gujarati , Malayalam

Share