প্রধানমন্ত্রীগী লোইশঙ
প্রধান মন্ত্রীনা রাস্ত্রপতিবু মহাক্কী য়াইফ-পাউজেল অমসুং থাগৎৱাহৈশিংগীদমক থাগৎপা ফোংদোকখ্রে
থাগৎখিবা:
07 OCT 2026 8:17PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভারতকী রাস্ত্রপতিবু মহাক্কী য়াইফ-পাউজেল অমসুং থাগৎৱাহৈশিংগীদমক থাগৎপা ফোংদোকখ্রে।
প্রধান মন্ত্রীনা হায়খি মদুদি চহিশিং অসি মীয়ামগী নুংশিবা, থাজবা, অমসুং থৌজালনা তাঙ্কক খুদিংদা মপুং ফানা শেমগৎলবা, থম্মোয়দা অপেনবা ফাওবা সেবাগী খোঙচৎ অমা ওইখ্রে।
শ্রী মোদীনা পনখি মদুদি লৈবাক অসিনা উবা ফংলিবা চাউখৎ-থৌরাং অসি ভারতমচা করোর কয়ানা থাজবা অমসুং ফিরেপকা লোইননা লৈবাক অসিগী অহোংবা পুরকপদা শরুক য়ানবা খনখিবনা মরম ওইরগা ঙমখিবনি, মসিগী অহোংবা অসি নুমিৎ খুদিংগী পুন্সিদা মমি তারিবা অসি উবদা অখন্ননা থম্মোয় নুংঙাইবা ফাওই হায়না মহাক্না মখাতানা ফোংদোকখি।
প্রধান মন্ত্রীনা থাজবা পীখি মদুদি মীপুম খুদিংমক্না ভিক্সিত ভারত অমা শেমগৎনবা পুন্না মাংলোমদা চংশিল্লিবা অসিদা মহাক্নসু লৈবাক অসিবু চপ মান্নবা থৌদাং অমসুং কত্থোকপগী ইথিলগা লোইননা লৈবাক অসিগী সেবা মখাতানা তৌখিগনি।
Xকী পোস্ত অমদা, প্রধান মন্ত্রীনা অসুম্না শিয়র তৌখি:
“রাস্ত্রপতি জি, য়াইফ-পাউজেল অমসুং থাগৎৱাহৈশিংগীদমক অদোম্বু থাগৎচরি।
চহিশিং অসি মীয়ামগী নুংশিবা, থাজবা অমসুং থৌজালনা তাঙ্কক খুদিংদা মপুং ফানা শেমগৎলবা, থম্মোয়দা অপেনবা ফাওবা সেবাগী খোঙচৎ অমা ওইখি।
ঐখোয়না উবা ফংলিবা চাউখৎ-থৌরাং অসি ভারতমচা করোর কয়ানা থাজবা অমসুং ফিরেপকা লোইননা লৈবাক অসিগী অহোংবা পুরকপদা শরুক য়ানবা খনখিবনা মরম ওইরগা ঙমখিবনি। মসিগী অহোংবা অসি নুমিৎ খুদিংগী পুন্সিদা মমি তারিবা অসি উবদা অখন্ননা থম্মোয় নুংঙাইবা ফাওই।
ঐখোয় পুম্নমক্না ভিক্সিত ভারত অমা শেমগৎনবা পুন্না মাংলোমদা চংশিল্লিবা অসিদা, ঐহাক্নসু লৈবাক অসিবু চপ মান্নবা থৌদাং অমসুং কত্থোকপগী ইথিলগা লোইননা ঐখোয়গী লৈবাক অসিগী সেবা মখাতানা তৌখিগনি। @rashtrapatibhvn”
***
(রিলিজ আই.দি.: 2322165)
ভিজিতর কাউন্তর : 7
রিলিজ অসি মসিদা পাবীয়ু:
Malayalam
,
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada