ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ରାଷ୍ଟ୍ରପତିଙ୍କ ଶୁଭେଚ୍ଛା ଓ ଉଦାର ଶବ୍ଦ ପାଇଁ ପ୍ରଧାନମନ୍ତ୍ରୀଙ୍କ କୃତଜ୍ଞତା ପ୍ରକାଶ
ପୋଷ୍ଟ କରାଯିବା ଦିନାଙ୍କ:
07 OCT 2026 8:17PM by PIB Bhubaneswar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଭାରତର ରାଷ୍ଟ୍ରପତିଙ୍କୁ ତାଙ୍କ ଶୁଭେଚ୍ଛା ଏବଂ ଉଦାରପୂର୍ଣ୍ଣ ଶବ୍ଦ ପାଇଁ ଧନ୍ୟବାଦ ଜଣାଇଛନ୍ତି ।
ପ୍ରଧାନମନ୍ତ୍ରୀ କହିଛନ୍ତି ଯେ, ଏହି ବର୍ଷଗୁଡିକ ସେବାର ଏକ ଅତ୍ୟନ୍ତ ସନ୍ତୋଷଜନକ ଯାତ୍ରା ରହିଛି, ଯାହା ପ୍ରତ୍ୟେକ ପର୍ଯ୍ୟାୟରେ ଲୋକଙ୍କ ସ୍ନେହ, ବିଶ୍ୱାସ ଏବଂ ଆଶୀର୍ବାଦ ଦ୍ୱାରା ସମ୍ଭବପର ହୋଇପାରିଛି ।
ଶ୍ରୀ ମୋଦୀ ଉଲ୍ଲେଖ କରିଛନ୍ତି ଯେ, ଦେଶ ଯେଉଁ ଅଗ୍ରଗତି ହାସଲ କରିଛି ତାହା କୋଟି କୋଟି ଭାରତୀୟଙ୍କ ଆତ୍ମବିଶ୍ୱାସ ଓ ଦୃଢ଼ ସଂକଳ୍ପ ସହ ଦେଶର ରୂପାନ୍ତରଣ ପ୍ରକ୍ରିୟାରେ ଅଂଶଗ୍ରହଣ କରିବା ଯୋଗୁଁ ସମ୍ଭବ ହୋଇପାରିଛି । ସେ ଆହୁରିମଧ୍ୟ କହିଛନ୍ତି ଯେ ଦୈନନ୍ଦିନ ଜୀବନରେ ଏହି ପରିବର୍ତ୍ତନର ପ୍ରତିଫଳନ ଦେଖିବା ବିଶେଷ ଆନନ୍ଦଦାୟକ ଅଟେ ।
ପ୍ରଧାନମନ୍ତ୍ରୀ ଦୃଢ଼ତାର ସହ କହିଛନ୍ତି ଯେ ‘ବିକଶିତ ଭାରତ’ ଗଠନ ଦିଗରେ ସମସ୍ତେ ମିଳିତ ଭାବେ ଆଗକୁ ବଢ଼ୁଥିବା ବେଳେ ସେ ସମାନ କର୍ତ୍ତବ୍ୟବୋଧ ଓ ନିଷ୍ଠା ସହ ଦେଶର ସେବା ଜାରି ରଖିବେ ।
ଏକ୍ସରେ ଏକ ପୋଷ୍ଟରେ ପ୍ରଧାନମନ୍ତ୍ରୀ କହିଛନ୍ତି;
“ମାନ୍ୟବର ରାଷ୍ଟ୍ରପତି ମହୋଦୟା, ଆପଣଙ୍କ ଶୁଭେଚ୍ଛା ଏବଂ ଉଦାରପୂର୍ଣ୍ଣ ଶବ୍ଦ ପାଇଁ ଧନ୍ୟବାଦ।
ଏହି ବର୍ଷଗୁଡିକ ସେବାର ଏକ ଅତ୍ୟନ୍ତ ସନ୍ତୋଷଜନକ ଯାତ୍ରା ରହିଛି, ଯାହା ପ୍ରତ୍ୟେକ ପର୍ଯ୍ୟାୟରେ ଲୋକଙ୍କ ସ୍ନେହ, ବିଶ୍ୱାସ ଏବଂ ଆଶୀର୍ବାଦ ଦ୍ୱାରା ସମ୍ଭବପର ହୋଇଛି ।
ଆମେ ଯେଉଁ ପ୍ରଗତି ଦେଖିଛୁ ତାହା କୋଟି କୋଟି ଭାରତୀୟଙ୍କ ଆତ୍ମବିଶ୍ୱାସ ଓ ଦୃଢ଼ ସଂକଳ୍ପ ସହିତ ଦେଶର ରୂପାନ୍ତରଣ ପ୍ରକ୍ରିୟାରେ ଅଂଶଗ୍ରହଣ କରିବା ଯୋଗୁଁ ସମ୍ଭବ ହୋଇପାରିଛି । ଦୈନନ୍ଦିନ ଜୀବନରେ ଏହି ପରିବର୍ତ୍ତନର ପ୍ରତିଫଳନ ଦେଖିବା ବିଶେଷ ଖୁସିର ବିଷୟ ।
‘ବିକଶିତ ଭାରତ’ ଗଠନ ଦିଗରେ ଆମେ ସମସ୍ତେ ମିଳିତ ଭାବେ ଆଗକୁ ବଢ଼ୁଥିବା ବେଳେ ମୁଁ ସମାନ କର୍ତ୍ତବ୍ୟବୋଧ ଓ ନିଷ୍ଠା ସହ ଦେଶର ସେବା ଜାରି ରଖିବି ।”
SR
(ରିଲିଜ ଆଡି: 2321168)
ପରିଦର୍ଶକ କାଉଣ୍ଟର : 3
ଏହି ରିଲିଜ ପଢନ୍ତୁ :
Malayalam
,
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada