سابق فوجیوں کی فلاح و بہبود کا محکمہ (ڈی ای ایس ڈبلیو) حکومتِ ہند کی ملک گیر 'خصوصی مہم 6.0'  میں بڑھ چڑھ کر حصہ لے رہا ہے، جس کا مقصد صفائی ستھرائی کو مستقل ادارہ جاتی شکل دینا اور سرکاری طریقہ کار میں زیرِ التوا معاملات کو کم کرنا ہے۔ یہ مہم 2 اکتوبر سے 31 اکتوبر 2026 تک چلائی جا رہی ہے، جس میں کام کی جگہ کی کارکردگی کو بہتر بنانے اور دفاتر کے ماحول کو صاف ستھرا اور پائیدار بنانے پر توجہ مرکوز کی گئی ہے۔

مہم کے ایک حصے کے طور پر، ڈی ای ایس ڈبلیو اور اس کے منسلک اور ماتحت دفاتر اپنے تمام اداروں میں مختلف ہدف شدہ سرگرمیاں انجام دے رہے ہیں:

• الیکٹرانک – فضلے کے انتظام پر توجہ:  ڈی ای ایس ڈبلیو ای-ویسٹ (مینجمنٹ) رولز کے مطابق الیکٹرانک فضلے کو مؤثر طریقے سے جمع کرنے، سائنسی طور پر علیحدہ کرنے اور ذمہ دارانہ طریقے سے ٹھکانے لگانے کو ترجیح دے رہا ہے۔ یہ پہل قدمی فضلے کو قیمتی وسائل میں تبدیل کرنے کی حوصلہ افزائی کرتے ہوئے 'ویسٹ ٹو ویلتھ' کے تصور کو فروغ دیتا ہے۔

• صفائی ستھرائی اور کام کاج کی جگہ کی بہتری:  دفاتر میں صفائی ستھرائی، خوبصورتی اور نظم و ضبط کو بہتر بنانے کے لیے تمام اداروں میں جامع صفائی مہم اور شرم دان کی سرگرمیاں انجام دی جا رہی ہیں، تاکہ ملازمین اور وزیٹرس  کے لیے ایک صاف ستھرا اور سازگار ماحول پیدا کیا جا سکے۔

• زیرِ التوا معاملات میں منظم تخفیف:  سابقہ فوجیوں کی برادری کو خدمات کی فراہمی میں بہتری لانے کے مقصد سے، انتظامی طریقہ کار کو مزید آسان اور موثر بنایا جا رہا ہے تاکہ زیرِ التوا معاملات بشمول عوامی شکایات اور پارلیمانی یقین دہانیوں کو تیزی سے نمٹایا جا سکے۔

• بیداری اور مستقل ادارہ جاتی شکل دینا:  سابق فوجیوں کی فلاح و بہبود کا محکمہ سوچھتا کے اصولوں کو محکمہ کے روزمرہ کے معمولات کا حصہ بنانے کے لیے طویل مدتی اقدامات پر بھی عمل درآمد کر رہا ہے، تاکہ مہم پر مبنی ان کوششوں کو مستقل اور پائیدار انتظامی روایات میں تبدیل کیا جا سکے۔

ان مربوط کوششوں کے ذریعے، ڈی ای ایس ڈبلیو ’خصوصی مہم 6.0‘ کے مقاصد کو پورا کرنے کے لیے پوری طرح پرعزم ہے، جس کا محور ملک کے سابق فوجیوں کی خدمت کے لیے ایک صاف ستھرے، زیادہ فعال اور عوامی شکایات کا فوری ازالہ کرنے والے انتظامی نظام کو فروغ دینا ہے۔

**********

 (ش ح –ا ب ن)

U.No:4979

(ریلیز آئی ڈی: 2322030) وزیٹر کاؤنٹر : 10