কেন্দ্রগী মন্ত্রীমন্দলনা ঙসি প্রধান মন্ত্রী শ্রী নরেন্দ্র মোদীবু লৈঙাক অসিগী মকোক ওইনা চহী ২৫ মপুং ফানা লুচিংলকপগী নুংঙাইবা ফোংদোক্লদুনা ৱারেপ অমা পাস তৌখ্রে। মহৌশাদগী চৎনরক্লবা ইকাই খুম্নবগী মওংদগী তোপ তোপনা মসিনা নেসন ফর্স্ত অমসুং সিতিজন ফর্স্তকী প্রিন্সিপলনা লমজিংলিবা প্রধান মন্ত্রী মোদীগী অখন্নবা খোঙচৎপু শিংথারি। গুজরাত্তা মেনদেত অহুম মায় পাক্লকপা অমসুং  লোক সভাগী মীখল অহুমদা থংন-থংননা শৌগৎখিপা অসিনা প্রধান মন্ত্রী নরেন্দ্র মোদীদা মীয়াম্না থম্লিবা থাজবা অদু উৎলি।

হায়রিবা মরুওইবা মগুন ১০ অসিনা গুজরাতকী লুচিংবা অমসুং ভারতকী লুচিংবা অনিগী মরক্তা লৈনরিবা মরী অদু উৎলি।

1. গুজরাত্তগী ভারত্তা চাউখৎপগী মঙলান অমা শাফোংলকপা

ৱারেপ অসিদা প্রধান মন্ত্রী মোদীনা গুজরাতকী মাই পাক্লবা থৌরাংশিংবু জাতীগী থাক্তা মতৌ করম্না পুরকখিবগে হায়বদু উৎলি। স্বাগৎকী খুত্থাংদা মহাক্না প্রজাশিংগী অৱা-অনাশিং মশানা পুক্নিং চিংশিনখি, অদুনা ২০১০দা য়ুনাইতেদ নেসন্স পব্লিক সর্বিস এৱার্দ ফংখি। মসিগী মতুং তারকপদা মসিনা প্রগতিবু পুক্নিং থৌগৎখি। মসিনা লৈঙাকশিংবু থেংথরবা প্রোজেক্তশিং অমুক হন্না য়েংশিন্নবা, খুদোংচাদবশিং কোকহন্নবা অমসুং লোইশিনবদা খোঙজেল য়াংশিন্নবা পুন্সিনখি। জ্যোতিগ্রামগী তোঙানবা লৌউ-শিংউগী ইলেক্ত্রিসিতী ফিদরশিং অসিসু নেস্নেল এপ্রোচ অমা ওইখি, মসিনা গুজরাতকী এক্সপরিয়েন্স অসি ভারত পুম্বদা শন্দোকখি৷

2. লাইরবশিংবু নুংশিবনা ইকাই খুম্নবা হেনগৎলকপা

প্রধান মন্ত্রী মোদীনা মহাক্কী অপোকপীনা নুমিৎ খুদিংগী থেংনবা খুদোংচাদবশিং অমসুং মহাক্কী খোঙচৎ মনুংদা থেংনরিবা অৱাবা কয়া অসি য়েংদুনা লাইরবশিংদা পুক্নিং চিংশিনবা হেনগৎলকখি। ৱারেপ অসিনা মসিগী এক্সপরিয়েন্সশিং অসি য়ুম, ঈশিং, বেঙ্কিং অমসুং হেল্থকেয়র ফংহন্নবা প্রোগ্রামশিংগা শম্নহল্লি। জন ধন একাউন্ত কোতি ৬০ রোম, য়ুম কোতি ৪ হেনবা অমসুং লাইরবদগী লাপথোকপা মীওই কোতি ২৫না পার্সোনেল অন্দরস্তেন্দিংবু মীয়ামগী থবক ওইনা মতৌ করম্না ওইরকপগে, ইমুং মনুংগী ইকাই খুম্নবা করম্না পুরকপগে হায়বদু উৎলি।

3. শক্তি পীবনা খুন্নাই শিনবা থুংনা থোঙ হাংহল্লি

প্রধান মন্ত্রী মোদীনা মীয়াম্বু মখোয়গী তুংলমচৎ শেমগৎপদা মতেং পাংনবা লৌখিবা ৱাশক অসি ৱারেপ অসিদা য়াওরি। চাউরাক্না নুপী কোতি ৩.৫ লাক্ষপতিদিদি ওইহনখি, অদুগা নারী শক্তি বন্দনঅধিনিয়মনা নুপীশিংগী রিজর্ভেসনগীদমক থৌরাং তৌখি। স্তার্ত-অপশিং, স্কিলশিং অমসুং এজুকেসন রিফোর্মশিংনা নহাশিংগী খুদোংচাবশিং হেনগৎহনখি। প্রধান মন্ত্রী-কিসান ত্রান্সফরনা লুপা করোর লাখ ৪ হেনখি, অদুগা প্রধান মন্ত্রী-জনমাননা অখন্ননা খুদোংচাদবা ত্রাইবেল কম্ম্যুনিতীশিংদা অচৌবা মতেং পীদুনা, পুৱারীগী ওইনা মাংজিল থারিবা মীওইশিংদা চাউখৎপা পুরক্লি।

4. শেমদোক-শাদোক তৌবদা অচেৎপা থৌদাং লৌবা

রিজোলুসন অসিনা রাজনিতীগী ওইবা রিস্ক লৈরবসু রিফোর্ম চৎথবগী প্রধান মন্ত্রী মোদীগী অপাম্বা অদুদা অখন্নবা মীৎয়েং থম্লি। জি.এস.তি., ৱেলফেয়র দেলিভরী রিফোর্মশিং অমসুং কোলোনিএল লোশিং মহুৎ শিনখিবনা মতম শাংনা লৈরক্লবা শিংনবশিং কোকহন্নবা মহাক্কী ফিরেপ অদু উৎলি। মশা-মউ ফবা, দিজিতেল পেমেন্ত অমসুং লোকেল প্রদক্তশিংগী মতাংদা মহাক্কী আপিলনা নাগরিকশিংবু অহোংবা পুরক্নবা হোৎনখি। রিফোর্ম অসি মহাক্কী লুচিংদা লেপ্পা লৈতনা থাজবা, মীয়ামগী শরুক য়াবা অমসুং জাতিগী পান্দম্না মপাঙ্গল কনখৎহল্লি।

5. ইরোমদোম লেপচবা ভারত অমগী য়ুম্ফম শেমগৎপা

প্রধান মন্ত্রী মোদীগী লুচিং মখাদা, লম্বী-থোং পাকথোক চাউথোকহনবা অমসুং রেলৱেজ ইলেক্ত্রিফিকেসনগা লোয়ননা পব্লিক কেপিতেলগী চাদিং অসি অসি লুপা করোর লাখ ২দগী লুপা করোর লাখ ১২ হেনখ্রে। ইলেক্ত্রোনিক্স পুথোকপা অসি চাউরাক্না লুপা করোর লাখ ২দগী লুপা করোর লাখ ১৩ হেনখ্রে। দিফেন্স প্রদক্সন অমসুং সেমিকন্দক্তর মেন্যুফেকচরিং অসিসু ভারতকী মথৌ তাবশিং ফংহন্নবা ভারতকী তৌবা ঙম্বশিং মপাঙ্গল কনখৎহন্নবা মহাক্কী ফিরেপ অদু উৎলি।

6. তেক্নোলোজীনা নাগরিকশিংদা মতেং পাংলি অমসুং নেস্নেল এম্বিসন হেঙ্গৎহল্লি

তেক্নোলোজীদা প্রধান মন্ত্রী মোদীনা থম্লিবা থাজবা অসি নোংমগী সর্ভিসশিং অমসুং সাইন্তিফিক ফ্রন্তিয়রশিংদা ফংলিবা এচিবমেন্তশিংগী খুত্থাংদা উবা ফংই। জনধন, আধার অমসুং মোবাইল কনেক্তিবিতীনা য়াইফ-থৌরাংগী থবক ফগৎহনখি, অদুগা য়ু.পি.আই.না পেমেন্তশিং শেমদোকখি। ভারতনা মশাগী কোবিদ ভেক্সিন পুথোকপা অমসুং চন্দ্রয়ান-৩বু থাগী খা থংবা পোলগী মনাক্তা থাগৎপা অসিনা সাইন্তিফিক ওইবা শক্তি, সেল্ফ রিলাএন্ত, আত্মানির্ভর ভারতকী মঙলান প্রধান মন্ত্রী মোদীদা লৈরিবা অদু উৎলি। আর্তিফিসিএল ইন্তেলিজেন্স, ক্বান্তম তেক্নোলোজী অমসুং বাইওতেক্নোলোজীদা প্রাইবেৎ স্পেসকী শরুক য়াবা অমসুং থবক তৌবনা রিজোলুসন অসিদা থাগৎপা ফোংদোকখিবা মিৎয়েং অদু মাংলোমদা পুখৎলি: তেক্নোলোজীনা পুন্সিদা অহেনবা পুরকপা অমসুং লৈবাক্কী ওইথোকপা য়াবশিং হেনগৎহল্লি।

7. অৱাবা মতমশিংদা অচেৎপা লুচিং

ৱারেপ অসিনা মালেমগী অওনবা কয়াগী মরক্তা ভারতপু লমজিং-লমতাকপা ঙম্বা প্রধান মন্ত্রী মোদীগী মতিক অদু উৎলি। কোবিদকী মতমদা, মহাক্না লৈবাক অসিবু অমত্তা ওইনা পুন্সিনখি, দোমেস্তিক ভেক্সিন দিবেলপমেন্তদা মতেং পাংখি অমসুং ভেক্সিনেসন য়াম্না থুনা পাংথোকহনখি। নোংচুপ এসিয়াগী ৱারবা মতমদা, মতম চানা লৌখিবা ৱারেপশিং অমসুং ইনর্জী সেক্যুরিতীগী খোঙথাংশিংনা ভারতপু অৱাবা মায়োক্নবদা মতেং পাংখি। মহাক্কী লুচিং অসিনা খুদক্কী ওইবা পাউখুম অমসুং চহি কয়া অসিদা শেমগৎলকপা কেপাসিতীশিং পুনশিন্দুনা লৈবাক অসিদা অরুবা মতমশিংদা রেজীলিয়েন্স অমসুং থাজবা পীখি।

8. ৱারেপ লৌবা ঙম্বা লুচিংনা শান্তি অমসুং থাজবা পী

২০১৬কী সর্জিকেল স্ত্রাইক, ২০১৯গী বালাকোত এয়র স্ত্রাইক অমসুং ২০২৫গী ওপরেসন সিন্দুরনা প্রধান মন্ত্রী মোদীগী মখাদা শেমখিবা নেস্নেল সেক্যুরিতীগী রেদ লাইনশিং উৎলি। রিজোলুসন অসিনা আর্তিকল ৩৭০ মুথৎপা, ৱান রেঙ্ক ৱান পেন্সন অমসুং চীফ ওফ দিফেন্স স্তাফকী পোস্ত শেমদুনা হায়রিবা ৱাফমশিং অসি থম্লি। মাওস্ত তেরোরিজমগী মায়োক্তা থবক পায়খৎপা অমসুং অৱাং-নোংপোক্কী শান্তিগী খোঙথাংশিং অসিনা চাউখৎপা, তংদু লৈতাবা অমসুং মীয়ামগী থাজবগা লোইননা লৈবাক্কী ৱারেপ পুন্সিন্নবা লুচিংবা অমা পুথোক্লি।

9. মালেমগী থাক্তা ভারতকী খোঞ্জেল হেনগৎলক্লি

ৱারেপ অসিনা ভারতকী ৱাংখৎলক্লিবা থাক অসি দিভিজনশিংগী মরক্তা তেংবাং পীনবা প্রধান মন্ত্রী মোদীগী তৌবা ঙম্বগা মরী লৈনহল্লি। জি.২০ অমসুং ব্রিক্সতা য়ানবা পুরকপা, গ্লোবেল সাউথকীদমক ৱা ঙাংবা অমসুং জি.২০দা অফ্রিকান য়ুনিয়ন য়াওহনবনা মহাক্কী দিপ্লোমেতিক লিদরশিপ অদু উৎলি। ভেক্সিন মৈত্রীনা ভারতকী তৌবা ঙম্বশিং অসি অতোপ্পশিংদা করম্না মতেং পাংবগে হায়বদু উৎখি। লৈবাক ৩৬তগী ইকাই খুম্নবা উৎলকপনা প্রধান মন্ত্রী মোদী অমসুং ভারতকী চাউখৎলক্লিবা ইথিল অমসুং শরুক য়ামিন্নরিবা সোলুসনশিংদা তেংবাংবগী মতাংদা মালেমগী থাক্তা ইকাই খুম্নবগী মমি তারি।

10. খুমাং চাউশিনবনা ইনোৎ অমসুং থৌদাংদগী পাঙ্গল ফংলি

প্রধান মন্ত্রী মোদীগী মিৎয়েং অসিনা চাউখৎপা, নাৎকী থাজবা অমসুং অকোইবগী ফিভমগীদমক থৌদাং লৌবা ঙমহল্লি। ক্লাইমেৎ এক্সন অসি গুজরাতকী অখন্নবা দিপার্তমেন্তদগী রিন্যুএবল ইনর্জী পাকথোক চাউথোকহনবা অমসুং ইন্তরনেস্নেল পার্তনরশিপ ফাওবা খুমাং চাউশিল্লকখি। য়োগ, মিল্লেৎ, কাশী বিশ্বনাথ ধাম অমসুং রাম লালাগী লাইশঙ শঙ্গাবা অসিনা ভারতকী হেরিতেজগা লৈনরিবা মরী অসি মপাঙ্গল কনখৎহনখি। ৱারেপ অসিনা ২০৪৭ ফাওবগী মনুংদা চাউখৎপা, ইশা-ইরোমদোম লেপচবা অমসুং চাউখৎপা ভারত অমগী মায়কৈদা পুন্না হোৎনমিন্নবগী মহাক্কী ৱাখল্লোনগীদমক নৌনা ফিরেপ লৌবগী মমি তারি।

কেন্দ্রগী মন্ত্রী মন্দলগী ৱারেপ অসি হিন্দিদা পানবা মফম অসিদা নম্বীয়ু

কেন্দ্রগী মন্ত্রী মন্দলগী ৱারেপ অসি ইংলিসতা পানবা মফম অসিদা নম্বীয়ু

***