مرکزی محکمہ انسداد منشیات (سی بی این) کی مدھیہ پردیش یونٹ نے مقررہ قانونی طریقہ کار کے مطابق ضبط شدہ منشیات کو مؤثر طریقے سے تلف کرنے کی اپنی مسلسل کوششوں کے تحت کل مدھیہ پردیش کے کھور میں واقع وکرم سیمنٹ میں ضبط شدہ منشیات کو تلف کرنے کی کارروائی انجام دی۔

منشیات کی تلفی کی اس کارروائی کے دوران 10,842.150 کلوگرام ضبط شدہ منشیات کو این ڈی پی ایس ایکٹ، 1985 کے تحت مقررہ  طریقہ کار کے مطابق ڈرگ ڈسپوزل کمیٹی کی کڑی نگرانی اور مدھیہ پردیش آلودگی کنٹرول بورڈ کے نمائندے کی موجودگی میں تلف کیا گیا۔ اس کے علاوہ سی بی این نے تلفی کے عمل کے تحت 154.375 کلوگرام ضبط شدہ افیون گورنمنٹ افیون اینڈ الکلائیڈ ورکس (جی او اے ڈبلیو)، نیمچ میں جمع کرائی۔

تلف شدہ  منشیات کی تفصیلات درج ذیل ہیں:

 

 

سی بی این کی جانب سے ضبط شدہ منشیات کو تلف کرنے اور ٹھکانے لگانے کی کارروائی قابل اطلاق ضوابط اور مقررہ طریقہ کار کے مطابق انجام دی جاتی ہے، جس سے یہ یقینی بنایا جاتا ہے کہ ضبط شدہ ممنوعہ نشہ آور مواد  دوبارہ غیر قانونی منشیات کی اسمگلنگ کے نیٹ ورک میں شامل نہ ہو سکے اور یہ بھی کہ  اسے ماحول کے موافق اور محفوظ طریقے سے تلف کیا جائے۔

 مرکزی محکمہ انسداد منشیات (سی بی این)  ملک بھر میں منشیات کی غیر قانونی اسمگلنگ کے خلاف جامع حکمت عملی کے تحت مسلسل کارروائی کر رہا ہے، جس میں خفیہ اطلاعات کی بنیاد پر کارروائی، ممنوعہ منشیات کی ضبطی، تحقیقات اور قانونی کارروائی کے ساتھ ہی قانون کے مطابق ضبط شدہ منشیات کو بروقت تلف کرنے کے اقدامات شامل ہیں۔

سی بی این ’منشیات سے پاک ہندوستان‘ کے عزم کے تحت مشترکہ کوششیں جاری رکھنے اور منشیات و نفسیاتی اثر رکھنے والے مادوں کی غیر قانونی اسمگلنگ کے خلاف جنگ کو مزید مضبوط بنانے کے لیے پوری طرح عہد بند ہے۔

 

************

ش ح ۔   م    ش ع  ۔  م  ص

(U : 4528 )

(ریلیز آئی ڈی: 2318219) وزیٹر کاؤنٹر : 9