مرکزی وزیر داخلہ اور تعاون جناب امت شاہ نے آج دہلی میں رابطہ سہولت کو مضبوط بنانے اور دہلی کے عوام کے لیے سفر کو آسان بنانے کے مقصد سے  ایک ہزار نو سو اکتالیس(1941 )کروڑ روپے سے زائد مالیت کے مختلف منصوبوں کا افتتاح کیا اور ان کا سنگ بنیاد رکھا۔ انہوں نے آج 1635 کروڑ روپے کی لاگت سے تعمیر شدہ بارہ پلا ایلیویٹیڈ روڈ  فیز- 3 دہلی کے عوام کے نام وقف کیا۔

جناب امت شاہ نے ایکس پر اپنی پوسٹ میں کہا- ’’دہلی کے رابطے کو مضبوط بنانے اور دہلی کے باشندوں کے لیے سفر کو آسان بنانے کے مقصد سے آج ایک ہزار نو سو اکتالیس (1941 )کروڑ روپے سے زائد مالیت کے مختلف منصوبوں کا افتتاح کیا گیا اور ان کا سنگ بنیاد رکھا گیا۔ 1635 کروڑ روپے کی لاگت سے تعمیر شدہ بارہ پلا ایلیویٹیڈ روڈ  فیز- 3 آج دہلی کے باشندوں کے نام وقف کیا گیا۔ اس سے مشرقی اور جنوبی دہلی کے درمیان سگنل سے پاک رابطہ فراہم ہوگا، جس سے آمدورفت زیادہ آسان ہوگی، ٹریفک جام سے راحت ملے گی اور سفر کے وقت میں بھی بچت ہوگی۔ اس کے علاوہ مودی مل-ساوتری سنیما فلائی اوور اور لونی انڈر پاس کا بھی سنگ بنیاد رکھا گیا۔‘‘

*****

 ش ح – ظ الف – خ م

UR No. 4310