ఆంధ్రప్రదేశ్ ప్రయాణికులకు గొప్ప ఊరటనిస్తూ, దక్షిణ కోస్తా రైల్వేలోని విజయవాడ మీదుగా మచిలీపట్నం మరియు కర్నూలు నగరం మధ్య వారానికి మూడు సార్లు నడిచే కొత్త రైలు సర్వీసుకు భారతీయ రైల్వే ఆమోదం తెలిపింది. దీనితో ఆంధ్రప్రదేశ్‌లోని తీర, మధ్య ప్రాంతాల మధ్య అదనపు రైలు సదుపాయం అందుబాటులోకి వస్తుంది.

ఆమోదం పొందిన మచిలీపట్నం-కర్నూలు సిటీ ఎక్స్‌ప్రెస్ 499 కిలోమీటర్ల దూరాన్ని ప్రయాణిస్తుంది. ఇది మచిలీపట్నం నుండి 16:55 గంటలకు బయలుదేరి, మరుసటి రోజు 05:45 గంటలకు కర్నూలు సిటీ చేరుకుంటుంది. తిరుగు ప్రయాణంలో, కర్నూలు సిటీ-మచిలీపట్నం ఎక్స్‌ప్రెస్ కర్నూలు సిటీ నుండి 09:30 గంటలకు బయలుదేరి, అదే రోజు 21:35 గంటలకు మచిలీపట్నం చేరుకుంటుంది.

మచిలీపట్నం-కర్నూలు సిటీ ఎక్స్‌ప్రెస్ సోమవారం, బుధవారం మరియు శనివారాల్లో నడుస్తుంది, కాగా కర్నూలు సిటీ-మచిలీపట్నం ఎక్స్‌ప్రెస్ మంగళవారం, గురువారం మరియు ఆదివారాల్లో నడుస్తుంది.

అనుసంధానించబడే ప్రధాన స్టేషన్లు 

కొత్త రైలు ఈ కింది స్టేషన్లలో ఆగుతుంది:

• గుడివాడ

• విజయవాడ

• నరసరావుపేట

• వినుకొండ

• దొనకొండ

• మార్కాపూర్ రోడ్డు

• కంబం

• గిద్దలూరు

• దిగువమెట్ట

• నంద్యాల

• బెతంచెర్ల

• డోన్

ఈ కొత్త సర్వీసు ఆంధ్రప్రదేశ్ ప్రయాణికులకు అదనపు ప్రయాణ సౌకర్యాన్ని కల్పించడంతో పాటు, మచిలీపట్నం, విజయవాడ, కర్నూలు నగరాల మధ్య అనుసంధానాన్ని బలోపేతం చేస్తుంది. అలాగే, ఈ మార్గంలోని పలు పట్టణాలు, నగరాలకు రాకపోకల సౌకర్యాలన్ని మెరుగుపరుస్తుంది.

*****