গুজরাতকি মুখ্য মন্ত্রী ভুপেন্দ্র পতেল, কেন্দ্রগী পোর্ত, শিপিং অমসুং ৱাতরৱেজ (এম.ও.পি.এস.দবল্যু.), সর্বনন্দা সোনোৱাল অমসুং অসামগী মুখ্য মন্ত্রী দা. হিমন্ত বিস্বা শর্মনা ভারতকী অহানবা পোর্ততা য়ুম্ফম ওইবা ই-মিথানোল প্লান্ত অসি ঙসি গুজরাতকী কান্দলাদা উরেপ-উয়ুং তমদুনা ভারতনা গ্রীন ইনর্জি এক্সপোর্তর অমা ওইবগী মায়কৈদা অচৌবা খোঙথাং অমা লৌখৎখ্রে৷

নোংমদা তন ১৫০ শাবা প্লান্ত অসিনা রিন্যুএবল পাৱর, ইশিং অমসুং বাইওজেনিক সি.ও.২ শিজিন্নদুনা ই-মিথানোল, গ্রীন ফ্যুএল অমা পুথোক্কনি, মসিনা হেন্না শেংলবা শিপ্পিং তৌবা ঙমহনগনি অমসুং মসি মালেমগী খ্বাইদগী য়াম্না চৎথোক-চৎশিন তৌবা ললোন-ইতিক্কী লম্বিশিংগী মনুংদা অমা ওইরিবা এসিয়া-য়ুরোপ ইন্তর্নেস্নেল ত্রেদা কোরিদোরদা চৎলিবা ভেসেলশিংদা সপ্লাই তৌগনি। প্রোজেক্ত অসিনা ভারতপু মালেমগী শিপিংদা গ্রীন ফ্যুএল এক্সপোর্তর অমা ওইনা থম্লি । প্লান্ত অসিনা ভারতপু গ্রীন ফ্যুএল পুথোকপা অমসুং সপ্লাই তৌবদা মালেমগী ওইনা লুচিংবা অমা ওইনা থম্লগনি, অমসুং মালেমগী ওইনা তন অমদা য়ু.এস. দোলর ১৩০০গী চাংদা পুথোক্লগনি৷

লুপা করোর ২৩০০গী প্লান্ত অসি দিনদয়াল পোর্ত ওথোরিতি (দি.পি.এ.) অমসুং নামরুপতা য়ুম্ফম  ওইবা অসাম পেত্রো-কেমিকেলশ লিমিতেদ (এ.পি.সি.এল.)গী অপুনবা থৌরাং অমনি, অমসুং মসি ফেজশিংদা, শ্কেলেবল মোদ্যুল ওইনা ইনস্তোল তৌগনি। প্রোজেক্ত অসিগী ফেজ Iনা নোংমদা লুপা করোর ১,২০০গী ইনভেস্তমেন্ত অমদা কেপাশিতি তন ৫০ হাপচিনগনি, মসি ২০২৭গী জনুৱারি ফাওবগী মনুংদা লোয়শিন্নবা পান্দম থম্লি, মসিগী মতুংদা ফেজ II অসিনা মার্চ ২০২৭দা পান্দম থম্লিবা লুপা করোর ১,১০০গী ইনভেস্তমেন্ত অমদা নোংমদা মখা তানা তন ১০০ হাপকনি, মসিনা অপুনবা ইনভেস্তমেন্ত অসি লুপা করোর ২,৩০০ য়ৌহনগনি। পার্ত্নর অনিগী মরক্তা কেপিতেল কন্ত্রীব্যুসন অসি দি.পি.এ. অমসুং এ.পি.সি.এল.গী মরক্তা ৭৬:২৪গী রেশিওদা লৈরি। প্রোজেক্ত অসিদা দি.পি.এ.গী কন্ত্রীব্যুসন অসিগী মনুংদা লুপা করোর ৫৬৭.৩২গী ইক্বিতি কেপিতেল, লম একর ৭৫, দিসেলিনেৎ তৌরবা ইশিং, অমসুং গ্রীন হায়দ্রোজেনগী মওংদা রিন্যুএবল ইনর্জি য়াওরি। মসি ভারতকি খ্বাইদগী চাওবা ই-মিথানোল পুথোকপগী খুদোংচাবশিংগী মনুংদা অমনি অমসুং মসিনা হকথেংননা অমসুং নাকোয়ননা থবক ৩৫০০ হেন্না পিগনি। মসিনা কান্দলা অমসুং মসিগী অকোয়বদা লৈবা মপূঙ ফাবা গ্রীন ইনর্জি ভেল্যু চেন অসি থৌগৎকনি, মসিদা ত্রান্সপোর্তেসন, স্তোরেজ, সপ্লাই অমসুং গ্রীন মোলিক্যুলশিং পুথোকপদা য়াওরিবা অতোপ্পা মরি লৈনবা এন্সিল্লরিশিং য়াওরি।

প্রোজেক্ত অসিনা ২০৭০ ফাওবগী মনুংদা নেৎ জিরো ইমিসন য়ৌবা ঙম্নবা প্রধান মন্ত্রী নরেন্দ্র মোদীগী ৱাশক অসিবু শৌগত্‍‌লি অমসুং ইনর্জিদা প্রধান মন্ত্রীগী মিসন আত্মনিরভরতা (মীপাল তাংদনা হিংবা), অমসুং মেক ইন ইন্দিয়া, মেক ফোর ৱর্ল্দ অসি ইমপ্লিমেন্ত তৌবদা মতেং পাংগনি অমসুং ভারতকি মেরিতাইম সেক্তর অসি পাকথোক চাওথোকহন্নবা পাক শন্না ​​পুক্নিং থৌগৎপগী মরক্তা লাক্লি। লাক্কদৌরিবা চহি মঙাদা লৈবাক অসিগী মার্চেন্ত ফ্লিত্তা অনৌবা জহাজ ১০০ হাপচিন্নবা সরকারনা থৌরাং তৌরি অমসুং ২০৪৭ ফাওবদা ভারতপু মালেমগী মকোক থোঙবা জহাজ মপু ওইবা লৈবাক মঙাগী মনুংদা অমা ওইহন্নবা পান্দম থম্লি।গ্লোবেল শিপিং মেজর মার্কসনা ভারত্তা শাবা কন্তেনরশিংসু ওরদর তৌবা হৌখ্রে। দিনদয়াল পোর্ত ওথোরিতিগী পাক চাওরবা মেগা পোর্ত অসি খংহেন হেনগৎহল্লকপগী শরুক অমা ওইনা, ৱাদিনারদা লুপা করোর ১,৫২০গী দি.পি.এ.-কোচিন শিপয়ার্দ লিমিতেদ (সি.এস.এল.)গী জহাজ শাবগী প্রোজেক্ত অসিসু চত্থরি, মসিগা লোয়ননা পোরবন্দরগী কুচদিদা প্রপোজ তৌরিবা গ্রীনফিল্দ জহাজ শাবা অমসুং রিপেয়র ক্লস্তর অমসু চত্থরি, মসিনা ইন-প্রিন্সিপল এপ্রুবেল ফংখ্রে।

লোক সভাদা দিব্রুগরগী মিহুৎ ওইরিবা সর্বনন্দা সোনোৱালনা অসাম পেত্রো-কেমিকেলশ অসি মহাক্কী কন্সতািৎয়ুএন্সিগী নমরুপতা য়ুম্ফম  ওইবনি হায়না পনখি। মহাক্না অসাম অমসুং গুজরাতকি মরক্তা লৈরিবা কলচরেলগী ওইবা মরিশিংসু পনখি, অৱাং নোংপোক্কি দ্বারকাগী ভগবান কৃষ্ণ অমসুং অৱাং নোংপোক্কি রুক্মিনিগী ৱারি, তেজপুরগী উশা অমসুং অনিরুদ্ধগী ৱারি, অমসুং ১৫সুবা চহিচাগী অসামগী শন্ত শ্রীমন্ত শঙ্করদেবগী লায়রিকশিং পনখি। প্রোজেক্ত অসি জাতিগী সেবাদা অসাম অমসুং গুজরাতকি পাঙ্গল পুনশিন্নদুনা এক ভারত শ্রেস্থ ভারতকি মঙাল নাইরবা খুদম অমা ওইনসু ফোঙদোকখি।

ভুপেন্দ্র পতেলনা হায়খি, “প্রধান মন্ত্রী নরেন্দ্র মোদীগী লিচিং মখাদা ভারত হান্নদগী হেন্না য়াংনা অমসুং গ্রীন ওইনা চাওখৎলক্লি, অমসুং গুজরাতনা খোঙচৎ অদু লুচিংবদা চাওথোকচৈ।” "কচ্চ অমসুং গুজরাতকি শাংলবা শমুদ্র খোঙবালনা হৌজিক কান্দলাগী খুৎথাংদা মালেমগী জহাজশিংদা পাৱর পিগনি। প্লান্ত অসিনা ঐখোয়গী রিন্যুএবল পাঙ্গল অসি এক্সপোর্ত অমদা ওন্থোক্লি অমসুং গুজরাতকি শমুদ্র খোঙবাল অসি মালেমদা ভারতকি গ্রীন ইনর্জিগী থোঙ অমা ওইহল্লি।"

সর্বনন্দা সোনোৱালনা হায়খি, “পি.এম. নরেন্দ্র মোদীনা ভারত্তা তুং ইনবা নত্তবা লুচিংবা ওইনবা থাজবা অদু পীরি৷ "হৌজিক ভারতনা মশাগী জহাজশিং অমসুং কন্তেনরশিং শাবগুমনা, মালেমগী ললোন-ইতিক্তা শক্তি পিরিবা ক্লিন ফ্যুএল অসি অথুবা মতমদা শেমগত্‍‌লগনি। লাক্কদৌরিবা চহিশিংদা কান্দলা অসি শিঙ্গাপুর–রোতেরদাম লম্বিদা গ্রীন-ফ্যুএল হবা অমা ওইরগনি, অমসুং প্লান্ত অসি লৈবাক অসিগী অচৌবা পোর্ত খুদিংমক্কি মোদেল অমনি।"মসিনা ঐখোয়গী নহাশিংগীদমক্তা হৈথোই-শিংথোইরবা কেরিয়রশিং হাংদোক্লগনি অমসুং ২০৭০ ফাওবদা ভারতপু নেৎ জিরোগী মায়কৈদা অমসুং ২০৪৭ ফাওবদা বিকসিত ভারতকি পান্দমশিং ফংবদা চেৎনা পুদুনা চৎকনি।”

দোক্তর হিমন্ত বিস্বা শর্মানা হায়খি, “পি.এম. "থৌরবা ব্রহ্মপুত্র, নুমিৎকি মঙাল য়াম্না লৈবা অমসুং পাক চাওরবা হায়দ্রোপাৱরগী পোতেন্সিয়েলগী থৌজাল ফংলদুনা অসাম অসি গ্রীন ইনর্জি পাৱরহাওস অমা ওইনবা শেম শারে। ঙ অসামগী কম্পেনি অমনা নামরুপ্তগী কান্দলা ফাওবা পাঙ্গল অদু পুদুনা চৎলি, মসিনা অৱাং-নোংপোকনা ভারতকি ক্লিন ইনর্জিগী তুংগী শক্তি পিগনি হায়বা প্রমান তৌরি।"

মসিদা নত্তনা কচ্চ লোক সভাগী এম.পি. বিনোদ চাৱরা, গান্ধীধাম এম.এল.এ. মাল্তিবেন কিশোর মহেস্বরী, পোলিতিকেল সেক্রতরী, অসাম সরকার তারঙ্গা গোগোই, অসাম পেত্রো কেমিকেল্স চেয়রমেন বাইকুল দেকা অমসুং ভাইস চেয়রমেন হেমন্তা গোগোই অমসুং দীনদয়াল পোর্ত ওথোরিতী(দি.পি.এ.) গী চেয়রমেন সুশীল কুমার সিংহ অমসুং সরকারগী অখং-অহৈ কয়াগা লোয়ননা ওর্গনাইজেসন অনীমক্তগী মীওই কয়ানা শরুক য়াখি। থৌরম অসি গান্ধিধামগী দি.পি.এ.গী একজিবিসন গ্রাওন্দদা পাংথোকখি।

*****