انڈین ریلوے نے کانپور سینٹرل اور آنند وہار (ٹی) کے درمیان ایک نئی روزانہ ٹرین سروس کے آغاز کی منظوری دے دی ہے، جس سے کانپور اور دہلی کے درمیان رات کے وقت ریل سفر کا ایک نیا اختیار فراہم ہوگا۔

یہ نئی سروس ٹرین نمبر 14153/14154 کانپور سینٹرل - آنند وہار (ٹی) - کانپور سینٹرل میل کے طور پر چلے گی۔

کانپور اور دہلی کے درمیان آرام دہ اوورنائٹ سفر

ٹرین نمبر 14153 کانپور سینٹرل - آنند وہار (ٹی) میل کانپور سینٹرل سے رات 20:40 بجے روانہ ہوگی اور اگلے دن صبح 04:50 بجے آنند وہار (ٹی) پہنچے گی۔

واپسی کی سمت میں، ٹرین نمبر 14154 آنند وہار (ٹی) - کانپور سینٹرل میل آنند وہار (ٹی) سے رات 23:25 بجے روانہ ہوگی اور صبح 07:25 بجے کانپور سینٹرل پہنچے گی۔ یہ سروس دونوں سمتوں میں 428 کلومیٹر کا فاصلہ طے کرے گی۔ سفر کا وقت کانپور سینٹرل سے آنند وہار (ٹی) تک 8 گھنٹے 10 منٹ ہوگا، جبکہ واپسی کی سمت میں 8 گھنٹے ہوگا۔

آٹھ تجارتی اسٹاپجز کے ساتھ روزانہ سروس

نئی ٹرین سروس کے درج ذیل تجارتی اسٹاپجز ہوں گے:

• پھپھوند
• اٹاوہ
• ٹنڈلہ
• ہاتھرس
• علی گڑھ
• خُرجہ
• دادری
• غازی آباد

یہ روزانہ سروس مسافروں کو کانپور اور قومی دارالحکومت کے خطے (این سی آر) کے درمیان، دونوں سمتوں میں مناسب رات کے اوقات کے ساتھ ریل سفر کا ایک اضافی اختیار فراہم کرے گی۔

مسافروں کی آمدورفت میں بہتری

نئی روزانہ میل سروس کا آغاز کانپور سینٹرل اور آنند وہار (ٹی) کے درمیان ریل روابط کو مضبوط کرے گا، جبکہ مسافروں کو رات کے وقت سفر کا اختیار اور روٹ کے اہم اسٹیشنوں کے لیے آمدورفت کی سہولت فراہم کرے گا۔

یہ سروس کانپور، اٹاوہ، علی گڑھ، غازی آباد اور دہلی کے خطے کے درمیان آسان نقل و حرکت میں مددگار ثابت ہوگی، جس سے اس اہم ریل کوریڈور پر مسافروں کی آمدورفت کو فروغ ملے گا۔

*****

ش ح۔ ک ح۔ ف ر

U.No. 4022