ભારતીય રેલવે દ્વારા કાનપુર સેન્ટ્રલ અને આનંદ વિહાર (ટી) વચ્ચે નવી દૈનિક ટ્રેન શરૂ કરવાની મંજૂરી આપવામાં આવી છે, જે કાનપુર અને દિલ્હી વચ્ચે ઓવરનાઇટ રેલવે કનેક્ટિવિટીનો વિકલ્પ પૂરો પાડશે.

આ નવી સેવા ટ્રેન નંબર 14153/14154 કાનપુર સેન્ટ્રલ-આનંદ વિહાર (ટી)-કાનપુર સેન્ટ્રલ મેઇલ તરીકે દોડશે.

કાનપુર અને દિલ્હી વચ્ચે અનુકૂળ ઓવરનાઇટ મુસાફરી ટ્રેન નંબર 14153 કાનપુર સેન્ટ્રલ-આનંદ વિહાર (ટી) મેઇલ કાનપુર સેન્ટ્રલથી 20:40 કલાકે ઊપડશે અને પછીના દિવસે સવારે 04:50 કલાકે આનંદ વિહાર (ટી) પહોંચશે.

વળતા રૂટમાં, ટ્રેન નંબર 14154 આનંદ વિહાર (ટી)-કાનપુર સેન્ટ્રલ મેઇલ આનંદ વિહાર (ટી)થી 23:25 કલાકે ઊપડશે અને 07:25 કલાકે કાનપુર સેન્ટ્રલ પહોંચશે. આ સેવા બંને દિશામાં 428 કિમીનું અંતર આવરી લેશે. મુસાફરીનો સમય કાનપુર સેન્ટ્રલથી આનંદ વિહાર (ટી) માટે 8 કલાક 10 મિનિટ અને વળતી દિશામાં 8 કલાકનો રહેશે.

આઠ વ્યાવસાયિક સ્ટોપેજ સાથે દૈનિક સેવા આ નવી ટ્રેન સેવાના નીચેના સ્થળોએ વ્યાવસાયિક સ્ટોપેજ રહેશે:

· ફફુંદ

· ઇટાવા

· ટુંડલા

· હાથરસ

· અલીગઢ

· ખુર્જા

· દાદરી

· ગાઝિયાબાદ

આ દૈનિક સેવા મુસાફરોને કાનપુર અને રાષ્ટ્રીય રાજધાની ક્ષેત્ર (NCR) વચ્ચે બંને દિશામાં અનુકૂળ ઓવરનાઇટ સમય સાથે વધારાનો રેલ પ્રવાસ વિકલ્પ પૂરો પાડશે.

પેસેન્જર કનેક્ટિવિટી મજબૂત બનાવવી

નવી દૈનિક મેઇલ સેવાની શરૂઆત કાનપુર સેન્ટ્રલ અને આનંદ વિહાર (ટી) વચ્ચે રેલવે કનેક્ટિવિટીને મજબૂત કરશે અને સાથે જ મુસાફરોને ઓવરનાઇટ મુસાફરીનો વિકલ્પ અને રૂટ પરના મહત્વપૂર્ણ સ્ટેશનો સાથે કનેક્ટિવિટી પૂરી પાડશે.

આ સેવા કાનપુર, ઇટાવા, અલીગઢ, ગાઝિયાબાદ અને દિલ્હી ક્ષેત્ર વચ્ચે અનુકૂળ અવરજવરની સુવિધા આપશે, જે આ મહત્વપૂર્ણ રેલવે કોરિડોરમાં પેસેન્જર ગતિશીલતાને ટેકો આપશે.

SM/BS/JD