மும்பை நவ ஷேவா துறைமுகத்தில் ₹3 கோடி மதிப்புள்ள பட்டாசுகளை வருவாய் புலனாய்வு இயக்குனரகம் பறிமுதல் செய்தது

உளவுத் தகவல் அடிப்படையில் நடவடிக்கையில், மும்பை நவ ஷேவா துறைமுகத்தில் பட்டாசுகள் இருப்பதாக சந்தேகிக்கப்பட்ட ஒரு இறக்குமதி சரக்கை வருவாய் புலனாய்வு இயக்குனரக (டிஆர்ஐ) அதிகாரிகள் சோதனையிட்டனர். அப்போது ​​“பாட்டில், வால்பேப்பர்” என்ற பெயரிலான பொருட்களின் போர்வையில் பட்டாசுகள் மறைத்து வைக்கப்பட்டிருந்ததைக் கண்டறிந்தனர்.

விரிவான பரிசோதனையின் விளைவாக, ஏறத்தாழ 10,000 கிலோ எடையும் சுமார் ₹3 கோடி சந்தை மதிப்பும் கொண்ட பட்டாசுகள் மீட்கப்பட்டன.  அந்தப் பட்டாசுகளும் 1962-ம் ஆண்டு சுங்கச் சட்டத்தின் விதிகளின் கீழ் பறிமுதல் செய்யப்பட்டன.

வெளிநாட்டு வர்த்தகக் கொள்கையின் கீழ் பட்டாசுகளின் இறக்குமதி கட்டுப்படுத்தப்பட்டதாகும். இதற்கு, வெளிநாட்டு வர்த்தக இயக்குநரகத்திடமிருந்து முறையான அங்கீகாரமும், 2008-ம் ஆண்டின் வெடிபொருள் விதிகளின் கீழ் வெடிபொருள் பாதுகாப்பு அமைப்பிடமிருந்து தேவையான உரிமமும் தேவைப்படுகிறது.

இந்த அனுமதிகள் இல்லாமல் இவற்றைக் கடத்தி வந்த நபர் ஒருவர் சுங்கச் சட்டத்தின் கீழ் கைது செய்யப்பட்டுள்ளார்.

மேலும் விவரங்களுக்கு இந்த ஆங்கிலச் செய்திக் குறிப்பைக் காணவும் : https://www.pib.gov.in/PressReleasePage.aspx?PRID=2314148&reg=3&lang=1

***

TV/PLM/SU