جنگلی حیات کی غیر قانونی تجارت کے معاہدے سے متعلق مخصوص خفیہ اطلاع پر کارروائی کرتے ہوئے، ڈی آر آئی کے اہلکاروں نے 22.09.2026 کو ماریانی، آسام کے بندر چالیہ گاؤں گراؤنڈ میں دو افراد کو روکا۔

آپریشن کے دوران، ان کے قبضے سے 86 زندہ ٹوکے گیکو، جو کہ جنگلی حیات کی ایک خطرے سے دوچار نوع ہے، برآمد کیے گئے اور وائلڈ لائف (پروٹیکشن) ایکٹ، 1972 کے دفعات کے تحت ضبط کر لیے گئے۔

ٹوکے گیکو وائلڈ لائف (پروٹیکشن) ایکٹ، 1972 کے شیڈول I اور سی آئی ٹی ای ایس کے اپینڈکس-II کے تحت درج ہے، جو اس کی بین الاقوامی تجارت کو منظم کرتا ہے۔ گرفتار کیے گئے دونوں افراد کو، برآمد شدہ زندہ گیکوز کے ساتھ، وائلڈ لائف (پروٹیکشن) ایکٹ، 1972 کی متعلقہ دفعات کے تحت مزید کارروائی کے لیے ماریانی رینج فاریسٹ آفس، آسام کے حوالے کر دیا گیا۔

یہ کارروائی جنگلی حیات کی غیر قانونی اسمگلنگ کا پتہ لگانے اور اسے روکنے کے لیے ڈی آر آئی کی مسلسل کوششوں کو اجاگر کرتی ہے، جس میں وہ انواع بھی شامل ہیں جنھیں ان کی مبینہ طبی خصوصیات اور غیر قانونی منڈیوں میں غیر ملکی پالتو جانوروں کے طور پر مانگ کے لیے نشانہ بنایا جاتا ہے۔

***

(ش ح - ع ا)

U.No. 3995