மத்திய இளைஞர் நலன் விளையாட்டுத் துறை இணையமைச்சர் திருமதி ரக்ஷா கட்சே, இளைஞர் நலன் சார்ந்த முன்முயற்களில் உயர்கல்வி நிறுவனங்களின் ஈடுபாட்டை வலுப்படுத்தும் நோக்கில், நாடு முழுவதிலுமிருந்து 93 பல்கலைக்கழகங்களின் துணைவேந்தர்களுடன் ஒரு உயர்மட்டக் கூட்டத்திற்குத் தலைமை வகித்தார்.

இக்கூட்டத்தில், இளைஞர் நலத் துறை செயலாளர் திரு சுனில் பாலிவால், இளைஞர் விவகாரத் துறை இணைச் செயலாளர் திரு சிவ ரத்தன், மை பாரத் திட்டத்தின் இயக்குநர் திரு சலில் குமார், தேசிய சாரணர் இயக்கத்தின் இயக்குநர் திரு பிரசாந்த் பிரியா கௌதம் ஆகியோரும், பல்கலைக்கழகங்களின் துணைவேந்தர்களும் கலந்துகொண்டனர்.

இந்தக் கூட்டத்தில் 40 மத்தியப் பல்கலைக்கழகங்கள், 38 மாநிலப் பல்கலைக்கழகங்கள், 13 நிகர்நிலை தனியார் பல்கலைக்கழகங்களின் துணைவேந்தர்கள், மணிப்பூர் தேசியப் பல்கலைக்கழகப் பல்கலைக்கழகம், குவாலியர் தேசிய தேசியப் பல்கலைக்கழகப் பொறியியல் நிறுவனம் ஆகியவற்றின் பிரதிநிதிகள் கலந்து கொண்டனர். வளர்ச்சியடைந்த பாரத இளம் தலைவர்கள் கலந்துரையாடல் 2027, போதைப்பொருள் இல்லாத இந்தியா இயக்கம், இளைஞர் இணைப்புத் திட்டம் ஆகியவை குறித்து பல்கலைக்கழகத் நிர்வாகங்களுக்கு விளக்கமளிப்பதற்கும், இந்த முன்முயற்சிகளில் பல்கலைக்கழகங்களின் தீவிர ஈடுபாடு குறித்து விவாதிப்பதற்கும் இந்தக் கூட்டம் ஒரு தளத்தை வழங்கியது.

துணைவேந்தர்களிடையே உரையாற்றிய மத்திய இணையமைச்சர் ரக்ஷா கட்சே, வளர்ச்சி அடைந்த இந்தியா என்ற தொலைநோக்குப் பார்வையை முன்னெடுத்துச் செல்வதில் கல்வி நிறுவனங்களின் கூட்டுப் பொறுப்பை எடுத்துரைத்தார். மேலும், இளைஞர்களின் பங்கேற்பு, தலைமைத்துவம், சமூக ஈடுபாடு, ஆக்கப்பூர்வமான உரையாடல் ஆகியவற்றுக்கு சிறந்த வாய்ப்புகளை உருவாக்குமாறு பல்கலைக்கழகங்களை அவர் கேட்டுக்கொண்டார்.

வளர்ச்சி அடைந்த இந்தியாவுக்கான இளம் தலைவர்கள் கலந்துரையாடல் நிகழ்வில், மாணவர்களின் பங்கேற்பை பல்கலைக்கழகங்கள் தீவிரமாக ஊக்குவிக்க வேண்டும் என்றும் அவர் வலியுறுத்தினார்.

மேலும் விவரங்களுக்கு இந்த ஆங்கிலச் செய்திக் குறிப்பைக் காணவும்: https://www.pib.gov.in/PressReleasePage.aspx?PRID=2312134&reg=3&lang=1

***

(Release ID : 2312134)

TV/PLM/SM