કેન્દ્રીય સામાજિક ન્યાય અને અધિકારીતા રાજ્ય મંત્રી શ્રી બી. એલ. વર્માએ જણાવ્યું છે કે કેન્દ્ર સરકાર એ સુનિશ્ચિત કરીને 'વંચિતો કો વરીયતા' - વંચિતોને પ્રાથમિકતા આપવા માટે પ્રતિબદ્ધ છે કે જે લોકો ઐતિહાસિક રીતે વંચિત રહી ગયા છે અથવા જેમની ઉપેક્ષા કરવામાં આવી છે તેમને તેઓ જે સહાય અને સહયોગના હકદાર છે તે મળે.

ઉત્તર પ્રદેશના બુદૌનમાં 'સફાઈ મિત્રો માટે સન્માન, સ્વચ્છ ભારત માટે સંકલ્પ' ના સંદેશને પ્રોત્સાહિત કરવાના ઉદ્દેશ્ય સાથે સ્વચ્છતા હી સેવા અભિયાનના સંદર્ભમાં સભાને સંબોધિત કરતા, મંત્રીશ્રીએ નેશનલ એક્શન ફોર મિકેનાઇઝ્ડ સેનિટેશન ઇકોસિસ્ટમ (NAMASTE) યોજના પર પ્રકાશ પાડ્યો હતો, જે સફાઈ કામદારોની ગરિમા અને સુરક્ષા સુનિશ્ચિત કરવાનો તથા તેમને સામાજિક અને આર્થિક રીતે સશક્ત બનાવવાનો પ્રયાસ કરે છે.

શ્રી વર્માએ જણાવ્યું હતું કે જેઓ હાસિયામાં ધકેલાઈ ગયા છે તેમના પર ધ્યાન કેન્દ્રિત કરતી આવી પહેલો સરકારના વિકસિત ભારતના વ્યાપક વિઝનને પ્રતિબિંબિત કરે છે, જેમાં દરેક નાગરિકને ભારતની વિકાસયાત્રામાં યોગદાન આપવાની અને તેનો લાભ મેળવવાની તક મળે છે.

 

મંત્રીશ્રીએ પ્રતીકાત્મક રીતે 40 સીવર અને સેપ્ટિક ટેન્કના કામદારો તથા 30 કચરો ઉપાડનારાઓને PPE કિટ્સ એનાયત કરી હતી. આ ઉપરાંત, 31 સફાઈ મિત્રોને આયુષ્માન કાર્ડ્સ વિતરિત કરવામાં આવ્યા હતા, જ્યારે છ સફાઈ મિત્રોને ઓટો-રિક્ષાની ચાવીઓ સોંપવામાં આવી હતી.

મંત્રીશ્રીએ માહિતી આપી હતી કે આ યોજના હેઠળ 90,157 સીવર અને સેપ્ટિક ટેન્કના કામદારોની પ્રોફાઈલિંગ કરવામાં આવી છે, જેમાં 87,078 કામદારોને પર્સનલ પ્રોટેક્ટિવ ઇક્વિપમેન્ટ (PPE) કિટ્સ મળી છે અને 76,920 કામદારોને આરોગ્ય વીમા હેઠળ આવરી લેવામાં આવ્યા છે.

મંત્રીશ્રીએ વધુમાં જણાવ્યું હતું કે 5 લાખથી વધુ (5,00,013) કચરો ઉપાડનારાઓની પ્રોફાઈલિંગ કરવામાં આવી છે, જેમાંથી 3,15,593 ની ચકાસણી થઈ ગઈ છે. તેમણે કહ્યું કે કુલ 1,79,269 કચરો ઉપાડનારાઓને PPE કિટ્સ પૂરી પાડવામાં આવી છે. તેમણે ઉમેર્યું કે બુદૌનમાં પ્રોફાઈલિંગ પ્રક્રિયા દ્વારા 146 સીવર અને સેપ્ટિક ટેન્કના કામદારો તથા 339 કચરો ઉપાડનારાઓની ચકાસણી કરવામાં આવી છે.

 

નેશનલ સફાઈ કરમચારી ફાઇનાન્સ એન્ડ ડેવલપમેન્ટ કોર્પોરેશન (NSKFDC) ના મેનેજિંગ ડિરેક્ટર શ્રી પ્રભાત કુમાર સિંહે પણ આ પ્રસંગે સંબોધન કર્યું હતું.

 

ઉપસ્થિત રહેલા લોકોમાં દાતાગંજ શાખાના ધારાસભ્ય શ્રી રાજીવ સિંહ; બિલસીના ધારાસભ્ય શ્રી હરીશ ચંદ્ર; ઉત્તર પ્રદેશ વિધાન પરિષદના સભ્ય શ્રી વાગીશ પાઠક અને જિલ્લા પંચાયત બુદૌનના અધ્યક્ષ શ્રીમતી વર્ષા યાદવ સમાવિષ્ટ હતા.

SM/DK/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(રીલીઝ આઈડી: 2311944) મુલાકાતી સંખ્યા : 15