প্রধান মন্ত্রী শ্রী নরেন্দ্র মোদীনা ঙসি নই দিল্লীদা সেমিকোন ইন্দিয়া ২০২৬ হৌদোকখ্রে। থৌরমদুদা ৱা ঙাঙলদুনা অমদি থৌরম অসিগী মঙাশুবা ইদিসনগী মরুওইবা ৱাফমশিং থম্লদুনা, প্রধান মন্ত্রীনা শরুক য়ারিবা পুম্নমক্কী মফমদা য়াইফ-পাউজেল পীখি। মীফম অসিদা শরুক য়ানবা ভারত্তা লাকখিবা মালেমগী শরুক য়ারিবশিং অদুবু মহাক্না অখন্ননা থাগৎপা ফোঙদোকখি। "মপান্দগী ভারত্তা লাক্লিবা মীথুংশিংবু ঐহাক্না অখন্ননা তরাম্না ওকচরি," হায়না শ্রী মোদীনা ফোঙদোকখি।

সেমিকোন ইন্দিয়া হৌদোকপা অমসুং বিশ্বকর্মা দিবসকী মরক্তা মতিক লৈনা মান্নবা ৱাফমশিং ফোঙদোক্লদুনা, প্রধান মন্ত্রীনা লৈবাক অসিগী চহিচা কয়াগী শেমগৎ-শাগৎপগী অমসুং নৌনা পুথোকপগী হেরিতেজবু ইকায়খুম্নবা উৎখি। মহাক্না হান্নদগী চৎনরকপা শেমগৎপগী মপাঙ্গলগা ২১শুবা চহিচাগী তেক্নোলোজী অমসুং মঙলানগা পুনশিন্নবগী ফজবা তানফম অদু পুথোক্তুনা থমখি। "মসি ঐখোয়গী মশানা মশাবু থাজবা ইন্দিয়া অমগী, বিকসিত ভারত অমগী ওইবা ইথিলনি," হায়না শ্রী মোদীনা ফোঙদোকখি।

হৌখিবা নুমিৎ ১৫নিদা লৈবাক অসিনা য়াঙনা চাওখৎলকপবু পল্লদুনা, গ্লোবেল ফিন্তেক ফেস্ততা ইনক্লুজিব ফাইনান্সকী মতাংদা খন্ন-নৈনবা, কিমি ৩,০০০ শাংবা দেদিকেতেদ ফ্রৈত কোরিদোর অমগী থবক হৌদোকপা অমসুং চাদা ৭.৮ গী চাউরবা ক্বার্তরলী জি.দি.পি. গ্রোথ য়াওনা প্রধান মন্ত্রীনা মরুওইবা পন্দোলশিং পুথোকখি। লৈবাক অসিগী ইকনমিক ক্রেদিবিলিতী ৱাংখৎলকপগী খুদম অমা ওইনা জাপানগী ক্রেদিৎ রেতিং এজেন্সী অমনা অনৌবা সোভরেন রেতিং অপগ্রেদ তৌরকপবুসু মহাক্না পনখি। "হায়বদি, নাকল অমদা ভারতকী শেন্মিৎলোন চাওখৎলক্লি, অমসুং নাকল অমরোমদনা ভারতকী মফমদা মালেম অসিনা থম্লিবা থাজবসু হেনগৎলক্লি," হায়না শ্রী মোদীনা ফোঙদোকখি।

ভারতনা য়ুম্বু ওইদুনা হন্দক্তা লোইশিনখিবা BRICS সম্মিৎকী দিপ্লোমেতিক মায় পাকপবু নীংশিংলদুনা, প্রধান মন্ত্রীনা নই দিল্লী দিক্লারেসনবু পুন্না য়ানখিবা অসি মালেমগী অপুনবা য়ানবগী মশক অমনি হায়না তাকখি। পুৱারী ওইরবা দিপ্লোমেতিক মায় পাকপা অসিনা লৈবাক অসিগী মতাঙদা মালেমগী খুন্নাইগী লেংদবা থাজবা লৈববু চেৎশিলহল্লে হায়না মহাক্না থমখি। "মসি ভারতকী মফমদা মালেম অসিনা থাজবা থম্বগী অতোপ্পা মরুওইবা খুদম চাংদম অমনি," হায়না শ্রী মোদীনা ফোঙদোকখি।

২০২২ দা হৌদোকখিবা মতমদগী সেমিকোন ইন্দিয়ানা ওল্লক্লিবা খোঙচৎ অদু নীংশিংলদুনা, অহানবা ওইনা পোলিসীগী খন্ন-নৈনবশিংদগী প্রোজেক্ত থৌরাং তৌবা, পাইলোৎ লাইনশিং, অমসুং অরোয়বদা কমর্সিএল পোত্থোক পুথোকপা হৌখিবা ফাওবগী খোঙথাংশিং প্রধান মন্ত্রীনা মশক তাকখি। মহাক্না মোহালি অমসুং সুরত্তা লৈবা অনৌবা প্লান্ত অনিদা কমর্সিএল পোত্থোক পুথোকপা হৌবগা লোয়ননা, হৌজিক চিপশিংনা মালেমগী কস্তমরশিংদা য়ৌবা ঙম্লিবা হোৎনজমলশিং অসিদা অপেনবা ফোঙদোকখি। "হৌজিক্তি ভারতকী প্লান্তশিংদগী পুথোরকপা ঐখোয়গী চিপশিং লৈবাক অসিগী অমসুং মালেমগী কস্তমরশিংদা য়ৌবা হৌরে," হায়না শ্রী মোদীনা পনখি।

চিপ দিজাইন, ইক্যুপমেন্ত মেনুফেকচরিং, অমসুং তেস্তিং কেপেবিলিতীশিং রেকোর্দ মতমগী মনুংদা মাংজিল থাখিবা অসিদা মথৌ তাখিবা খুৎশম্ননা চৎমিনন্নবগী থৌওংবু থাগৎপগা লোয়ননা, সেমিকন্দক্তর ইকোসিস্তেম অমা শেমগৎপদা লৈরিবা অরুবা ফীভমশিং অদু মহাক্না শকখঙখি। মহাক্না হৌজিক লৈরিবা ইন্দস্ত্রী লুচিংবশিংগী পার্ত্নরসিপ্পু খোঙজেল য়াঙনা চাওখৎলকখিবা তেক্নোলোজীগী খোঙচৎ অসিবু মায় পাকহনখিবা মরুওইবা য়ুম্ফমশিংনি হায়না শিংথাখি। "অদোম্না ভারতকী মায় পাকপা মসিগী য়ুম্বীনি, অদোম্না খোঙবুনি," হায়না শ্রী মোদীনা ফোঙদোকখি।

সেক্তর অসিগী লেপ্পা লৈতবা খোঙজেলগী মতাঙদা পল্লদুনা, প্রধান মন্ত্রীনা 'তেপ আউত' হায়বা ৱাখল্লোন অমসুং লৈঙাক অসিনা লেপ্তনা অনৌবা তেক্নোলোজী ভর্জন অমা পুথোক্নবা করম্না হোৎনখিবগে হায়বা শন্দোক্না তাকখি। মহাক্না সেমিকন্দক্তর মিসনগী য়াম্লবা দোলার বিলিয়ন ১৩.৫ গী অনিশুবা ফেজ লাওথোকখি অমসুং মালেমগী কম্পেনীশিং, স্তার্তঅপশিং, অমসুং দিজাইন ফর্মশিংগী মরক্তা পুন্না থবক তৌমিন্ননবা অনৌবা রিগুলেতরী রিফোর্মশিংগী মতাঙদসু পনখি। "ভারত লৈঙাক্না অদোমগী প্রোজেক্তশিং মায় পাক্নবা মথৌ তাবা খোঙথাং খুদিংমক লৌখৎলি," হায়না শ্রী মোদীনা ফোঙদোকখি।

অচৌবা দোমেস্তিক সপ্লাই চেনগী মঙলানগী মতাঙদা মচা খায়না পল্লদুনা, প্রধান মন্ত্রীনা ফেবলেস কম্পনীশিং য়োকখৎপা, ইন্তেলেকচুএল প্রোপর্তী শেমগৎপা, অমসুং এ.আই.-ইনেব্লিং ইনফ্রাস্ত্রকচরগীদমক সিলিকন ফোনোতিক্স পুনশিন্বগী মরুওইবা অদু ফোংদোকখি। মহাক্না ইকুইপমেন্ত, কেমিকেল, গ্যাস, অমদি মেতরিএলগী লুচিংবশিংগী মফমদা অয়াবা পীরবা প্রোজেক্ত ১২ অমসুং পাকথোক চাউথোরক্লিববা দিমান্দ পাইপলাইন অমনা পীরিবা নীংথিরবা খুদোংচাবশিং অসিগী কান্নবা লৌহৌনবা পুক্নিং থৌগৎখি। "ঐখোয়না ইকোসিস্তেম পুম্নমক পুন্না চাউখৎমিন্নহন্নিংই," হায়না শ্রী মোদীনা ফোঙদোকখি।

ভারতকী দেমোগ্রাফিক দিভিদেন্দগী স্ত্রেতেজিক ওইবা কান্নবা অদু পল্লদুনা, প্রধান মন্ত্রীনা ইঞ্জিনিয়রিং তেলেন্তকী অচৌবা মকোন অদু অমসুং চিপ দিজাইন তৌনবা অখন্নবা মওংদা শেম-শারবা স্কিলিং ইনিসিএতিভশিংগী মতাংদা ৱাফম কয়া ফোঙদোকখি। মহাক্না মহৈরোয়শিংদগী কস্তম-দিজাইন তৌরবা চিপশিং ফংখিবা অদুবু চাউথোকচবগা লোয়ননা পনখি অমসুং মমাঙদা মীওই ৭০,০০০ হান্ননা ত্রেন তৌখ্রবা ইঞ্জিনিয়রিং মহৈরোয় লাখ অমা ত্রেনিং পীনবা লৈঙাক্কী পান্দম অদু অমুক হন্না নীংশিংখি "অদুগুম্বা অচৌবা তেলেন্তশিং অসি, মওং অমদা, ময়াম পুম্নমক্বী ওইনদি গোল্দ মাইন অমদগী হেন্না তাদ্রবনি," হায়না শ্রী মোদীনা ফোঙদোকখি।

লৈবাক মনুং অমসুং মালেমগী থাক্তা থিজিনবগী থবক তৌরিবা হৈ-শিংলবা মীওইশিংগী মফমদা পাউজেল পীরদুনা, প্রধান মন্ত্রীনা নহা হৈথোই শিংথোইবশিংগী মফমদা লৈবাক অসিগী মনুংদা খুমাঙ চাওশিল্লবা তেক্নোলোজীশিং শেমগৎপদা ইচঙ থৌনা শরুক য়ানবা পুক্নিং থৌগৎখি। ইন্দস্ত্রী লুচিংবশিংগী মফমদা লমদম অসিদা থিজিনবা অমসুং শেমগৎ-শাগৎপদা মাঙজিল থানা শরুক য়ানবা, অমসুং বিজিনেস অমসুং লৈবাক অসিগী নহাশিং অনিমক পুন্না কান্নমিন্নহন্নবা মহাক্না পুক্নিং থৌগৎখি। "মসিদা ইন্দস্ত্রীগী কান্নবা লৈ, অমসুং মসিদগী ভারতকী নহাশিংদসু মপাঙ্গল ফংগদৌরিবনি," হায়না শ্রী মোদীনা ফোঙদোকখি।

সেমিকন্দক্তর কৈথেল অসিগী ওল্লক্লিবা অরুবা ফীভমশিং অদুবু পল্লদুনা, প্রধান মন্ত্রীনা আর্তিফিসিয়েল ইন্তলিজেন্সকী অচৌবা দিমান্দনা মেমোরী প্লেসমেন্ত অমসুং হীত মেনেজমেন্ত য়াওনা ইচম চম্বা ত্রান্সিস্তরগী সাইজতগী মপুং ফাবা সিস্তেম ইন্তিগ্রেসনলোমদা মায় ওনশিল্লক্লিবা অসিবু নৈনখি। মহাক্না লৈবাক অসিবু অনৌবা মালেমগী মেনুফেকচরিংগী শিংনবশিং থেংনবা ঙম্নবা থাজবা য়াবা অমসুং মতম পুম্বদা শেম-শারিবা লমথুংফম অমগী থাক্তা মহাক্না থমখি। "ভারতনা মসিগীদমক মতম পুম্বদা শেম-শারি," হায়না শ্রী মোদীনা ফোঙদোকখি।

হায়-পর্ফোর্মেন্স কম্প্যুতিংগী ইনর্জী সেক্যুরিতীগী মরুওইবা ৱাফমগী মতাঙদা ফোঙদোক্লদুনা, প্রধান মন্ত্রীনা এ.আই. দেতা সেন্তরশিংনা মৈ য়াম্না মথৌ তারিবা অমসুং পোত্থোক পুথোকপা প্লান্তশিংগীদমক অপনবা লৈতবা মৈগী তঙাইফদবা অদু শন্দোক্না তাকখি। সোলার কেপাসিতীদা 160 GW হেন্না হেনগৎলকপা, লন্নাই প্লেয়রশিংদা ন্যুক্লিয়র ইনর্জী ফংহনবা, অমসুং অপীকপা মোদুলর রিএক্তরশিং শেমগৎপা য়াওনা লৈবাক অসিনা পাৱর সেক্তরদা খোঙজেল য়াঙনা পাকথোক-চাউথোক্লকপগী মতাংদা মহাক্না শন্দোক্না তাকখি। "মরম অদুনা, ঙসি ভারতনা পাৱর সেক্তরদসু চাউরবা শেল থাদরি," হায়না শ্রী মোদীনা পনখি।

পৱার ইনফ্রাস্ত্রকচর খোঙজেল য়াঙনা পাকথোক চাউথোরকপগা ইন্দস্ত্রীশিংগী শেম-শারিবসিগা মরী শম্নহল্লদুনা, প্রধান মন্ত্রীনা ইনর্জী সিক্যুরিতী অসিনা সেমিকন্দক্তর ইকোসিস্তেম অসিগী মচং ওইবা মপাঙ্গল অমা ওইরি হায়খি। মহাক্না স্তেকহোল্দরশিংগী মফমদা লৈঙাক অসিনা ইন্দস্ত্রী চাওখৎহন্নবগীদমক লৈরিবা ফীভমশিং শেমদোক শাদোক্নবা খোঙফম চেৎনা লেপ্লি হায়খি। “ভারতনা লমদম অসিবু সেমিকন্দক্তর ইন্দস্ত্রীগী পাম্নবা লমথুংফম অমা ওইহন্নবগীদমক পায়খৎপা য়াবা খোঙথাঙ খুদিংমক পায়খৎলি,” হায়না শ্রী মোদীনা ফোঙদোকখি।

লৈবাক অসিগী দিমোক্রেসীগী ৱাখল্লোন মনুংদা লৈবাকসিগী তেক্নোলোজীনা মাঙদা থাংজিল্লক্লিবা খোঙথাঙশিংবু শিংথারদুনা মহাক্কী ৱারোল লোইশিল্লকপদা, প্রধান মন্ত্রীনা তিল্লিবা মীয়ামগী মফমদা ভারত সংবিধানগী চহি ৭৫ গী লিগেসীবু অমুক নৌহৌননা নীংশিংহনখি। “দিমোক্রেসীগী মমা” হায়নরিবা লমদমসিদা মায় পাকপা মরুওইবা ইন্দস্ত্রী অমনা মালেম পুম্বগী সপ্লাই চেনগী খোঙফম চেৎশিনহল্লি হায়রদুনা, মহাক্না মাঙদা তাদুনা লৈরবা মশিং থিঙমদ্রবা খুদোংচাবশিং অসি থিজিন্নবা পাউজেল পীখি। “ভারতকী অপাম্বশিং অদোমগী মাঙদা তাদুনা লৈরে, অমদি ভারত্তা শেমগৎলিবা অনৌবা খুদোংচাবশিংনা ময়ামবু তরাম্না ওক্ননবা শেম শাদুনা লৈরে,” হায়না শ্রী মোদীনা ফোঙদোকখি।

India's semiconductor ecosystem is expanding rapidly. It is opening new opportunities for innovation, investment and growth. Addressing SEMICON India 2026 in Delhi. https://t.co/a7A2Rs89DI

— Narendra Modi (@narendramodi) September 17, 2026

India's economy is growing...

The world's trust in India is also growing. pic.twitter.com/oP0Q3JGdmD

— PMO India (@PMOIndia) September 17, 2026

PM @narendramodi has a request for India's young talents and industry leaders... pic.twitter.com/Y8EFX5mJ3l

— PMO India (@PMOIndia) September 17, 2026

The world is looking for new and trusted manufacturing destinations. India is steadily preparing itself to meet this need. pic.twitter.com/RuwZAT6NZM

— PMO India (@PMOIndia) September 17, 2026

India is taking every step needed to become a preferred destination for the semiconductor industry. pic.twitter.com/djf4r1d2zS

— PMO India (@PMOIndia) September 17, 2026

*****