ಮಹಾರಾಷ್ಟ್ರದಲ್ಲಿ ರೈಲ್ವೆ ಸಾಮರ್ಥ್ಯವನ್ನು ಹೆಚ್ಚಿಸುವ ಮತ್ತು ರೈಲು ಕಾರ್ಯಾಚರಣೆಯನ್ನು ಸುಧಾರಿಸುವ ನಿಟ್ಟಿನಲ್ಲಿ ಪ್ರಮುಖ ಹೆಜ್ಜೆಯಾಗಿ, ಮಧ್ಯ ರೈಲ್ವೆಯ ಚೌಕ್-ಕರ್ಜತ್ ರೈಲ್ವೆ ವಿಭಾಗದ (10.86 ಕಿ.ಮೀ) ದ್ವಿಪಥಗೊಳಿಸುವಿಕೆ (ಡಬ್ಲಿಂಗ್) ₹497 ಕೋಟಿ ವೆಚ್ಚದಲ್ಲಿ ಭಾರತೀಯ ರೈಲ್ವೆಯು ಅನುಮೋದನೆ ನೀಡಿದೆ. ರೈಲ್ವೆ ಜಾಲದ ಸಾಮರ್ಥ್ಯವನ್ನು ಹೆಚ್ಚಿಸುವ ಉದ್ದೇಶದಿಂದ ದ್ವಿಪಥಗೊಳಿಸುವಿಕೆ, ತ್ರಿಪಥಗೊಳಿಸುವಿಕೆ   (ಟ್ರಿಪ್ಲಿಂಗ್), ನಾಲ್ಕು ಪಥ ನಿರ್ಮಿಸುವುದು (ಕ್ವಾಡ್ರುಪ್ಲಿಂಗ್), ಫ್ಲೈಓವರ್ ಮತ್ತು ಬೈಪಾಸ್ ಕಾಮಗಾರಿಗಳ ಸಮಗ್ರ ಯೋಜನೆಯಡಿ ಈ ಯೋಜನೆಗೆ ಅನುಮೋದನೆ ನೀಡಲಾಗಿದೆ.

ಚೌಕ್-ಕರ್ಜತ್ ವಿಭಾಗವು ಪನ್ವೇಲ್-ಚೌಕ್-ಕರ್ಜತ್ ಮಾರ್ಗದ ಒಂದು ಭಾಗವಾಗಿದ್ದು, ಇದು ಪ್ರಯಾಣಿಕರ ಮತ್ತು ಸರಕು ಸಾಗಣೆ ಎರಡಕ್ಕೂ ಪ್ರಮುಖ ಕಾರಿಡಾರ್ ಆಗಿದೆ. ಈ ವಿಭಾಗದ ದ್ವಿಪಥಗೊಳಿಸುವಿಕೆಯು ಪ್ರಸ್ತುತ ಇರುವ ಏಕಪಥ ಹಳಿ ಮಾರ್ಗದಲ್ಲಿ ಹೆಚ್ಚುವರಿ ಸಾಮರ್ಥ್ಯವನ್ನು ಒದಗಿಸುತ್ತದೆ ಮತ್ತು ರೈಲುಗಳ ಸಂಚಾರವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.

ಯೋಜನೆಯು ಪೂರ್ಣಗೊಂಡ ನಂತರ, ಈ ವಿಭಾಗವು ಪ್ರತಿದಿನ ಎರಡೂ ದಿಕ್ಕುಗಳಲ್ಲಿ ಐದು ಹೆಚ್ಚುವರಿ ಪ್ರಯಾಣಿಕ ರೈಲುಗಳ ಸಂಚಾರವನ್ನು ಸುಲಭಗೊಳಿಸುವ ನಿರೀಕ್ಷೆಯಿದೆ. ಈ ಯೋಜನೆಯು ಪ್ರತಿ ವರ್ಷಕ್ಕೆ 18.35 ಮಿಲಿಯನ್ ಟನ್ ಗಳಷ್ಟು  ಹೆಚ್ಚುವರಿ ಸರಕು ಸಂಚಾರಕ್ಕೆ ಅನುಕೂಲವಾಗುವ  ನಿರೀಕ್ಷೆಯಿದೆ. ಇದು ಸರಕು ರೈಲುಗಳ ಅನಗತ್ಯ ವಿಳಂಬವನ್ನು  ಕಡಿಮೆ ಮಾಡಲು ಸಹ ಸಹಾಯ ಮಾಡುತ್ತದೆ.

ಚೌಕ್-ಕರ್ಜತ್ ವಿಭಾಗದ ದ್ವಿಪಥಗೊಳಿಸುವಿಕೆಯು ರೈಲ್ವೆ ಮೂಲಸೌಕರ್ಯವನ್ನು ಬಲಪಡಿಸುವುದು, ಸಾಮರ್ಥ್ಯವನ್ನು ಹೆಚ್ಚಿಸುವುದು ಮತ್ತು ಪ್ರಯಾಣಿಕರ ಹಾಗೂ ಸರಕುಗಳ ಸಂಚಾರವನ್ನು ಸುಧಾರಿಸುವುದರ ಮೇಲೆ ಭಾರತೀಯ ರೈಲ್ವೆಯ ನಿರಂತರ ಗಮನವನ್ನು ಪ್ರತಿಬಿಂಬಿಸುತ್ತದೆ.

*****