महाराष्ट्रातील रेल्वे क्षमता वाढवण्यासाठी आणि रेल्वे वाहतूक सुधारण्यासाठी एक महत्त्वपूर्ण पाऊल म्हणून, भारतीय रेल्वेने मध्य रेल्वेच्या चौक-कर्जत रेल्वे विभागाच्या (10.86 किमी) दुपदरीकरणासाठीच्या 497 कोटी रुपये खर्चाला मंजुरी दिली आहे. रेल्वे नेटवर्कची क्षमता वाढवण्याच्या उद्देशाने दुपदरीकरण, तिपदरीकरण, चौपदरीकरण, उड्डाणपूल आणि बायपास कामांच्या व्यापक योजनेअंतर्गत या प्रकल्पाला मंजुरी देण्यात आली आहे.

चौक-कर्जत विभाग हा पनवेल-चौक-कर्जत मार्गाचा एक भाग असून तो प्रवासी आणि मालवाहतूक या दोन्हीसाठी एक महत्त्वाचा मार्ग आहे. या विभागाच्या दुपदरीकरणामुळे सध्याच्या एकेरी मार्गावर अतिरिक्त क्षमता उपलब्ध होईल आणि रेल्वेची वाहतूक सुधारण्यास मदत होईल.

प्रकल्प पूर्ण झाल्यावर, या विभागातून प्रत्येक दिशेने दररोज पाच अतिरिक्त प्रवासी गाड्यांची सोय होण्याची अपेक्षा आहे. या प्रकल्पामुळे प्रतिवर्षी 18.35 दशलक्ष टन अतिरिक्त मालवाहतुकीलाही चालना मिळण्याची अपेक्षा आहे. यामुळे मालगाड्यांचा थांबा कमी होण्यासही मदत होईल.

चौक-कर्जत विभागाचे दुपदरीकरण हे रेल्वे पायाभूत सुविधा मजबूत करणे, क्षमता वाढवणे आणि प्रवासी व मालवाहतूक सुधारणे यावर भारतीय रेल्वेचे असलेले सातत्यपूर्ण लक्ष दाखवत आहे. 

***

NitinFulluke / RajeshShirbhate / DineshYadav

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai