مرکزی حکومت ہند نے پی ایم ینگ اچیورز اسکالرشپ ایوارڈ اسکیم فار وائبرینٹ انڈیا (پی ایم-یسسووی) کے ذریعے دیگر پسماندہ طبقات (او بی سیز) اقتصادی طور پر پسماندہ طبقات (ای بی سیز) اور ڈی نوٹیفائیڈ،خانہ بدوش اور نیم خانہ بدوش قبائل (ڈی این ٹیز) سے تعلق رکھنے والے طلبا کے لیے تعلیمی مواقع کو مضبوط کیا ہے۔

پی ایم-یسسووی میں پری میٹرک اور پوسٹ میٹرک اسکالرشپس،او بی سی لڑکوں اور لڑکیوں کے لیے ہاسٹل کی تعمیر،اور اسکول اور کالج کی سطح پر اعلی درجے کی تعلیم کے اقدامات شامل ہیں۔

سماجی انصاف اور تفویض اختیارات کے مرکزی وزیر ڈاکٹر وریندر کمار نے کہا کہ یہ اسکیم جامع تعلیم کو آگے بڑھانا اور او بی سی،ای بی سی اور ڈی این ٹی برادریوں سے تعلق رکھنے والے طلباء کو ملک کی تعلیمی،سماجی اور اقتصادی ترقی میں بامعنی طور پر حصہ لینے کے لیے بااختیار بنانا جاری رکھے ہوئے ہے۔ انہوں نے کہا کہ اس اسکیم کا مقصد تعلیمی تسلسل کو فروغ دینا،ڈراپ آؤٹ کی شرحوں کو کم کرنا اور ہدف شدہ اسکالرشپ کی امداد،رہائشی بنیادی ڈھانچے اور سرکردہ اسکولوں،کالجوں اور اداروں میں پڑھنے والے ہونہار طلباء کی مدد کے ذریعے معیاری تعلیم تک رسائی کو آسان بنانا ہے۔

ڈاکٹر وریندر کمار نے بتایا کہ 2014-15 سے 2025-26 تک، پی ایم-یسسووی کے مختلف اجزاء کے تحت 15,555.53 کروڑ روپے کی مالی امداد جاری کی گئی ہے،جس میں ملک بھر کے 1069 لاکھ سے زیادہ طلباء اور مستفیدین کو مجموعی مدد فراہم کی گئی ہے۔

ڈاکٹر کمار نے کہا کہ پری میٹرک اسکالرشپ جزو او بی سی،ای بی سی اور ڈی این ٹی برادریوں سے تعلق رکھنے والے طلباء کو مالی مدد فراہم کرتا ہے جس کا مقصد سماجی اور معاشی طور پر پسماندہ طبقات کے طلباء کو اپنی تعلیم جاری رکھنے اور اسکول چھوڑنے کے خطرے کو کم کرنے کے قابل بنانا ہے۔ انہوں نے بتایا کہ 2014-15 سے 2025-26 تک اس جزو کے تحت کل 2,163.15 کروڑ روپے جاری کیے گئے،جس میں 642.58 لاکھ مستفیدین کا احاطہ کیا گیا۔ انہوں نے کہا کہ 2025-26 کے دوران 252.21 کروڑ روپے جاری کیے گئے اور 25.22 لاکھ طلبا کو عارضی طور پر کور کیا گیاہے۔

 

وزیر موصوف نے کہا کہ اعلی تعلیم تک رسائی کو بڑھانے کے لیے،پوسٹ میٹرک اسکالرشپ جزو میٹرک کے بعد اور اعلی تعلیم حاصل کرنے والے او بی سی،ای بی سی اور ڈی این ٹی برادریوں سے تعلق رکھنے والے طلباء کی مدد کرتا ہے جو طلباء کو تعلیمی اخراجات کو پورا کرنے میں مدد کرتا ہے اور اعلی تعلیمی اور پیشہ ورانہ مواقع تک ان کی رسائی کو بہتر بناتا ہے۔

ڈاکٹر کمار نے بتایا کہ 2014-15 اور 2025-26 کے درمیان اس جزو کے تحت 12,118.75 کروڑ روپے کی رقم جاری کی گئی،جس سے 425.66 لاکھ طلباء مستفید ہوئےہیں۔ انہوں نے مزید کہا کہ 2025-26 میں،فنڈ ریلیز 1,138.88 کروڑ روپے رہا،جس میں 31.29 لاکھ مستفیدین کی عارضی کوریج تھی۔

پری میٹرک اور پوسٹ میٹرک اسکالرشپ اجزاء کے تحت 2025-26 کے لیے رپورٹ کیے گئے مستفیدین کے اعداد و شمار آج کی تاریخ تک عارضی ہیں۔ ریاستوں اور مرکز کے زیر انتظام علاقوں کی طرف سے 2026-27 کے لیے ان کی تجاویز کے ساتھ اصل اعداد و شمار مرتب کیے جا رہے ہیں۔

اس بات کو تسلیم کرتے ہوئے کہ مناسب رہائش کی کمی سے طلبا کی تعلیمی اداروں تک رسائی میں رکاوٹ پیدا ہو سکتی ہے،وزیر موصوف نے کہا کہ پی ایم-یسسووی کا مقصد او بی سی لڑکوں اور لڑکیوں کے لیے ہاسٹل کی تعمیر کا احاطہ کرنا اور اس میں مدد کرنا ہے۔ انہوں نے مزید کہا کہ 2014-15 سے 2025-26 تک حکومت نے 28,865 ہاسٹل سیٹوں کی تخلیق کے لیے 346.79 کروڑ روپے جاری کیے۔ انہوں نے مزید کہا کہ صرف 2025-26 میں ہی 3,700 سیٹوں کی تخلیق کے لیے 21.06 کروڑ روپے جاری کیے گئے۔

وزیر موصوف نے کہا کہ ہاسٹل کا جزو رہائشی تعلیمی بنیادی ڈھانچے کو مضبوط بنانے میں مدد کر رہا ہے اور پسماندہ طبقات سے تعلق رکھنے والے طلباء کو اپنی رہائش گاہ سے دور تعلیم حاصل کرنے کے قابل بنا رہا ہے۔

وزیر موصوف نے کہا کہ اسکولوں میں اعلی درجے کی تعلیم کا جزو،جو 2022-23 سے نافذ کیا گیا ہے،ملک بھر کے شناخت شدہ اعلی اسکولوں میں پڑھنے والے ہونہار او بی سی،ای بی سی اور ڈی این ٹی طلباء کو مالی مدد فراہم کرتا ہے۔ انہوں نے مزید کہا کہ اس کی شروعات کے بعد سے 116.69 کروڑ روپے جاری کیے گئے ہیں اور 45,228 طلباء اس پہل سے مستفید ہوئے ہیں۔ انہوں نے مزید کہا کہ کوریج 2022-23 میں 1275 مستفیدین سے بڑھ کر 2025-26 میں 27,007 مستفیدین تک پہنچ گئی۔ انہوں نے کہا کہ 2025-26 کے دوران،جزو کے تحت 75.63 کروڑ روپے جاری کیے گئےہیں۔

ڈاکٹر کمار نے کہا کہ کالجوں کے حصے میں اعلی درجے کی تعلیم،جو 2023-24 سے نافذ کی گئی ہے،او بی سی،ای بی سی اور ڈی این ٹی برادریوں کے ہونہار طلباء کی شناخت شدہ ممتاز کالجوں اور اداروں میں اعلی تعلیم حاصل کرنے میں مدد کرتی ہے۔

انہوں نے کہا کہ 2023-24 سے 2025-26 کی مدت کے دوران،810.15 کروڑ روپے کی رقم جاری کی گئی جس سے 37,937 طلباء مستفید ہوئے اور 2025-26 میں،جزو نے 368.86 کروڑ روپے کے فنڈ ریلیز کے ذریعے 17,295 طلباء کی مدد کی ہے۔

وزیر موصوف نے کہا کہ اسکالرشپ،رہائشی سہولیات اور سرکردہ تعلیمی اداروں تک رسائی کا احاطہ کرنے والے اپنے مربوط نقطہ نظر کے ذریعے، پی ایم-یسسووی اس بات کو یقینی بنانے کے لیے حکومت کے عزم کی عکاسی کرتا ہے کہ سماجی یا معاشی  سہولیات کی کمی باصلاحیت طلباء کو اپنی تعلیمی امنگوں کو پورا کرنے سے نہ روکے۔

 

********

 (ش ح۔م م ع ۔ت ا )

U. No.3644

(ریلیز آئی ڈی: 2311035) وزیٹر کاؤنٹر : 5