প্রধানমন্ত্রীগী লোইশঙ
প্রধান মন্ত্রীনা নই দিল্লীদা পাংথোকপা ব্রিক্স সম্মিতকা ইরোইননা মলেসিয়াগী প্রধান মন্ত্রীগা উনখ্রে
থাগৎখিবা:
12 SEP 2026 11:32AM by PIB Imphal
প্রধান মন্ত্রী, শ্রী নরেন্দ্র মোদীনা ২০২৬কী সেপ্তেম্বর ১২দা নই দিল্লীদা পাংথোকপা ১৮শুবা ব্রিক্স সম্মিতকা ইরোইননা মলেসিয়াগী প্রধান মন্ত্রী, ঐচ.ই. দাতো' সেরি অনৱর বিন ইব্রাহিমগা বাইলেতরেল মীফম অমা পাংথোকখ্রে।
প্রধান মন্ত্রী, মোদীনা প্রধান মন্ত্রী, ইব্রাহিমবু ভারত্তা তরাম্না ওকখি অমসুং মলেসিয়ানা পার্তনর কন্ত্রী অমা ওইনা ব্রিক্স সম্মিত্তা শরুক য়াখিবগীদমক থাগৎপা ফোংদোকখি। লুচিংবশিংনা ২০২৬কী ফেব্রুৱারিদা প্রধান মন্ত্রী, মোদীনা মলেসিয়াদা চৎখিবা খোঙচৎ অদুগী ফলশিং অমুক হন্না নৈনখি অমসুং ললোন-ইতিক অমসুং ইনভেস্তমেন্ত, দিফেন্স অমসুং সেক্যুরিতী, সেমিকন্দক্তরশিং, ইনফ্রাস্ত্রকচর, দিজিতেল ইকোনোমি, ইনর্জী, ফিনতেক, এজুকেসন, তুরিজম অমসুং মীয়াম-মীয়ামগগী মরক্তা লৈনবা মরী য়াওনা হিরম কয়াগী বাইলেতরেল কোওপরেসনগী খুমাং চাউশিনবগী ফীভম নৈনখি। প্রধান মন্ত্রী অনৱর ইব্রাহিমনা কোতা কিনাবালু, সাবাহদা কন্সুল্লেত জেনেরেল ওফ ইন্দিয়া লিংখৎপদা মলেসিয়ানা য়াবা ফোংদোকখি।
এসিয়ান (ASEAN)-ভারতকী মরীশিং চেৎশিনহনবদা মলেসিয়ানা লেপ্তনা শৌগৎপগীদমক প্রধান মন্ত্রী, মোদীনা থাগৎপা ফোংদোকখি। লুচিংবশিংনা নাকল আনিমক্তা কান্নমিন্নগদবা লমদম অসিগী অমসুং মালেমগী ওইবা মরুওইবা ৱাফমশিংদা মখোয়গী ৱাখল্লোনশিং ফোংদোক্নখি। মখোয়না ভারত-মলেসিয়া কম্প্রিহেন্সিব স্ত্রেতেজিক পার্তনরশিপপু মাংলোমদা পুখৎনবা মখোয়গী লেপ্তনা লৌরক্লিবা ফিরেপ অদু ফোংদোকখি।
********
(রিলিজ আই.দি.: 2309524)
ভিজিতর কাউন্তর : 18
রিলিজ অসি মসিদা পাবীয়ু:
Odia
,
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam