حال ہی میں میڈیا میں تارا کوئلہ  بلاک کی نیلامی سے متعلق کچھ خبریں سامنے آئی ہیں۔ ان خبروں میں گمراہ کن معلومات پیش کی گئی ہیں اور حقائق کو مکمل طور پر بیان نہیں کیا گیا ہے۔ ان رپورٹس میں 2023 کے بعد ہونے والی اہم پیش رفت کو مدنظر نہیں رکھا گیا، جس کے نتیجے میں بالآخر 2026 میں تارا (نظرثانی شدہ) کوئلے کے بلاک کی نیلامی عمل میں آئی۔

حقیقت یہ ہے کہ 2023 میں ساتویں مرحلے کے تحت نیلامی کے لیے پیش کیے گئے تارا کوئلہ بلاک کو تجارتی کوئلہ کانوں کی نیلامی سے خارج کر دیا گیا تھا، کیونکہ چھتیس گڑھ حکومت کی جانب سے ایک خط موصول ہوا تھا، جس میں ہس دیو ارنڈ علاقے کے کوئلہ بلاکس کو تجارتی کوئلہ کانوں کی نیلامی سے باہر رکھنے کی درخواست کی گئی تھی۔

اس کے مطابق، ہس دیو ارنڈ علاقے کے وہ کوئلہ بلاکس جو لمرو ہاتھی کوریڈور کے دائرے میں آتے تھے، انہیں تجارتی کوئلہ کانوں کی نیلامی کے بعد کے مراحل میں پیش نہیں کیا گیا۔

تاہم، 11 دسمبر 2025 کو چھتیس گڑھ حکومت کی جانب سے ایک خط موصول ہوا، جس میں تارا کوئلے کے بلاک کو نیلامی میں شامل کرنے کی درخواست کی گئی۔ خط میں واضح طور پر کہا گیا کہ ’’کوئلے کا یہ بلاک لمرو ایلیفینٹ کوریڈور سے باہر ہے اور اسے نیلامی کے آئندہ مرحلے میں پیش کیا جا سکتا ہے۔‘‘

اسی پیش رفت کے بعد تارا (نظرثانی شدہ) کوئلے کے بلاک کو 2026 میں تجارتی کوئلہ کانوں کی نیلامی کے لئے پیش کیا گیا۔

اسی کے مطابق، لمرو ایلیفینٹ کوریڈور کے اثرانداز علاقے کو بلاک کی حدود سے نکالنے کے بعد، تارا کوئلے کے بلاک کو تجارتی کوئلہ کانوں کی نیلامی کے 15ویں مرحلے کے تحت نیلامی کے لیے پیش کیا گیا، جہاں اس کی کامیاب نیلامی ہوئی۔

یہ بات قابلِ ذکر ہے کہ تارا کوئلے کے بلاک کو مارکیٹ کی جانب سے خاصی دلچسپی حاصل ہوئی۔ 15ویں مرحلے کے تحت اس بلاک کے لیے مجموعی طور پر 9 بولیاں موصول ہوئیں۔ بلاک کی نیلامی 37.50 فیصد ریونیو شیئر پر ہوئی ہے۔ توقع ہے کہ اس کوئلے کا بلاک ریاست کو سالانہ 1200 کروڑ روپے سے زیادہ کی آمدنی فراہم کرے گا اور 8000 سے زیادہ افراد کے لئے روزگار کے مواقع پیدا کرے گا۔

مندرجہ بالا حقائق سے واضح ہے کہ تارا کوئلے کے بلاک کو جولائی 2023 میں چھتیس گڑھ حکومت کی جانب سے اٹھائے گئے خدشات کو مدنظر رکھتے ہوئے نیلامی سے خارج کر دیا گیا تھا۔ اس بلاک کو دوبارہ نیلامی کے لیے صرف 11 دسمبر 2025 کو ریاستی حکومت کی جانب سے موصول ہونے والے خط اور سی ایم پی ڈی آئی ایل کی جانب سے بلاک کی حدود میں نظرثانی کے بعد زیرِ غور لایا گیا۔

لہٰذا، میڈیا میں شائع ہونے والی رپورٹس مکمل حقائق پیش نہیں کرتیں اور ان اہم پیش رفتوں کو نظرانداز کرتی ہیں جن کے نتیجے میں بالآخر تارا (نظرثانی شدہ) کوئلے کے بلاک کی نیلامی عمل میں آئی۔

***

ش ح۔ ک ا۔ ن ع

U.NO.3309