مرکزی وزیر برائے ریل جناب اشونی ویشنو نے آج ریل بھون میں حفاظتی جائزہ کی تفصیلی میٹنگ کی۔ اجلاس میں ریلوے بورڈ کے چیئرمین اور چیف ایگزیکٹو آفیسر ، ریلوے بورڈ کے اراکین، زونل ریلوے کے جنرل منیجرز، ڈائریکٹر جنرلز اور ڈویژنل ریلوے مینیجرز نے شرکت کی۔

میٹنگ کے دوران وزیر ریلوے نے مشن موڈ میں سگنلنگ سے متعلق تکنیکی خامیوں کو دور کرنے کی ہدایات دیں۔ اوور ہیڈ ایکوئپمنٹ (او ایچ ای) کے حوالے سے، انہوں نے ان مقامات پر ان کی دیکھ بھال اور تبدیلی کے لیے ضروری کارروائی کو یقینی بنانے کے لیے کہا جہاں پرزوں نے اپنی مقررہ سروس لائف مکمل کر لی ہے۔

ریلوے کے وزیر نے کوچوں کی دیکھ بھال بالخصوص برقی سرکٹس اور فائر سیفٹی سے متعلق وائرنگ پر خصوصی توجہ دے کر ورکشاپس میں دیکھ بھال کی سطح کو بہتر بنانے کی ہدایات دیں۔ انہوں نے ویگنوں اور کوچوں کے کپلر اور پہیوں کی دیکھ بھال پر بھی توجہ دینے کو کہا۔

ٹریک کی دیکھ بھال کے حوالے سے، پوائنٹ مشینوں، ٹرن آؤٹ اور فاسٹنرز کی مناسب دیکھ بھال کو یقینی بنانے پر زور دیا گیا۔ جہاں کہیں بھی فاسٹنر غائب ہیں ان کی تنصیب کے انتظامات کو یقینی بنانے کے لیے کہا گیا۔

اجلاس میں ناقص سپلائی کی صورت میں سخت کارروائی کی ہدایت کی گئی۔ سگنلنگ اینڈ ٹیلی کمیونی کیشن اور او ایچ ای ٹریک، کوچز یا ویگنوں سے متعلق مواد کے معیار میں کسی قسم کی کمی کی صورت میں متعلقہ سپلائر کے خلاف سخت کارروائی کو یقینی بنانے کو کہا گیا۔ جان بوجھ کر غفلت برتنے کی صورت میں متعلقہ سپلائر کو مستقل طور پر بلیک لسٹ کرنے کی ہدایت بھی کی گئی۔

ریلوے کے وزیر نے تمام افسران سے کہا کہ وہ ضلع اور ریاستی انتظامیہ کے ساتھ تال میل قائم کریں اور ان مقامات پر پیشگی تیاری کریں جہاں تہواروں یا میلوں کی وجہ سے مسافروں کی بھیڑ میں اچانک اضافہ ہونے کا امکان ہو، تاکہ وہاں ضروری سہولیات بروقت دستیاب ہو سکیں۔

***

(ش ح۔اص)

UR No 3012