কেন্দ্রগী পাৱর অমসুং হাউজিং অমসুং অর্বান এফিয়র্স মন্ত্রী, শ্রী মনোহর লালনা জর্মন ফেদরেল মিনিস্তর ওফ ইনভাইরনমেন্ত, নেচর কঞ্জার্বেসন, ক্লাইমেৎ প্রোতেক্সন অমসুং ন্যুক্লিয়র সেফতী, শ্রী কারস্তেন স্নাইদরগা লৈবাক অনিগী ওইবা মীফম অমা ঙসি নই দিল্লীদা পাঙথোকখ্রে। মীফম অসি ভারত অমসুং জর্মনীগী মরক্তা ইনর্জী সেক্তরদা হৌজিক চত্থরিবা কোওপরেসন অসি অমুক হন্না য়েংশিন্নবা অমসুং হেন্না মপাঙ্গল কনখৎহন্নবা পাংথোকখিবনি।

খন্ন-নৈনখিবা অদুদা ইনর্জী সেক্যুরিতী, ইলেক্ত্রিফিকেসন, কার্বন হন্থবা দিবেলপমেন্ত, কার্বন মার্কেৎশিং অমসুং সপ্লাই চেনশিং দিভর্সিফাই তৌবা য়াওনা হীরম কয়াগী মতাংদা খন্ন-নৈনখি। নাকল অনিমক্না হৌজিক পায়খৎলিবা খোংথাংশিংগী মতাংদা ৱাখল্লোনশিং ফোংদোক্নখি অমসুং হন্দক্তা দিপ্লোমেতিক রিলেসনশিপকী চহি ৭৫ অমসুং স্ত্রাতেজিক পার্তনরশিপকী চহি ২৫ মপুং ফারকখিবা ভারত-জর্মনীগী মরীশিংদা লৈরিবা মপাঙ্গল কনখৎহন্দুনা, হিরমশিং অসিদা মতেং পীনবগী লম্বীশিং থিদোক্নখি।

ইনর্জী সিক্যুরিতী, কার্বন হন্থবা দিবেলপমেন্ত অমসুং কার্বন মার্কেতশিং অসি য়াম্না মরী লৈনৈ অমসুং হীরম অহুম অসিদা ভারত-জর্মনীগী মতেং পীনবনা অমগা অমগা মপাঙ্গল কনখৎহনগনি হায়না মন্ত্রী অনিনা য়ানখি। মখোয়না সেক্যুর, এফোর্দেবল অমসুং সস্তেনেবল ওইবা ইনর্জীগী তুংলমচৎ অমা পুরক্নবগীদমক মখোয়গী শরুক য়ামিন্নবগী ফিরেপ অদু অমুক হন্না ফোংদোকখি, অমসুং লাক্কদৌরিবা থাশিংদা মখা তানা থবক তৌমিন্ননবা থাজবা থমখি।

ঙসিগী মীফম অসিনা ভারত-জর্মনীগী ইনর্জী কোওপরেসনদা হেনগৎলক্লিবা খোঙজেল অসি মপাঙ্গল কনখৎহল্লি। মসিনা দিকেদ কয়াগী পার্তনরশিপ অমসুং সস্তেনেবল দিবেলপমেন্ত অমসুং ইনর্জী সেক্যুরিতীগীদমক পার্তনরশিপ অমা শেমগৎলি।

***