করিগীদমক ভারতনা দিস্ত্রিক্তনা লমজিংবা এক্সপোর্ত মোদেল অমা মথৌ তারিবনো

এক্সপোর্তশিং অসি ভারতকী গ্রোথ স্তোরীগী মরুওইবা ইঞ্জিন অমা ওইরক্লি। মপান লৈবাক্কী কৈথেলশিংদগী ফংলকপা রুপী খুদিংমক্না লমদম অসিগী থবক, ইনকম অমসুং ইন্দস্ত্রীদা মতেং পাংই। ভারতকী অপুনবা গুদস অমসুং সর্বিসেসকী এক্সপোর্ত অসি ২০২৪-২৫দা য়ু.এস. দোলর বিল্লিয়ন ৮২৫.২৫গী মতম পুম্নমক্তা খ্বাইদগী ৱাংবা ওইখি অমসুং ২০২৫-২৬দা য়ু.এস. দোলর বিল্লিয়ন ৮৬৩.১১ ওইগনি হায়না পানরি। দিকেদ কয়াগী মমাংদগী, এক্সপোর্তকী থবকশিং অসি ইন্দস্ত্রীএল ক্লস্তর অমসুং পোর্ত সিতী খরা খক্তদা য়ুম্ফম ওইদুনা লৈরকখি। অপিকপা সহরশিং, খুঙ্গংগী দিস্ত্রিক্তশিং অমসুং অরাপ্পা মফমশিংদা অখন্নবা, অৱাংবা থাক্কী পোত্থোকশিং লৈজরবসু, মখোয়শিং অসি শুপ্নগী শিপমেন্ত মেনিস্তরশিংদা য়াওবা ফংদে। বস্তরগী য়োৎকী খুৎনা শাবা পোৎলমশিং, জালগাওনগী লফোইশিং অমসুং মেঘালয়াগী মেন্দরিন ওরেঞ্জশিং অসিগুম্বা পোত্থোকশিংনা মাগী শীজিন্নদ্রিবা মপাঙ্গল অসিবু উৎলি।

মসিগী খুদোংচাবা অসি খঙলদুনা সরকারনা দিস্ত্রিক্ত-লেদ এক্সপোর্ত স্ত্রেতেজী অমা দিস্ত্রিক্তশিংবু এক্সপোর্ত হবশিং ওইহন্নবা থৌরাংগী মওংদা পুথোকখি। মসিনা দিস্ত্রিক্ত খুদিংমকপু মখোয়গী অখন্নবা মপাঙ্গলশিং শীজিন্নদুনা ভারতকী এক্সপোর্ত গ্রোথতা শরুক য়াবা ঙমহল্লি।

ও.দি.ও.পি.দগী দি.ই.ঐচ. ফাওবা: ফ্রেমৱার্ক্তা অহোংবা লাকপা

দিস্ত্রিক্তস এস এক্সপোর্ত হবস (দি.ই.ঐচ.) ওইনবা খোঙথাং অসি দিস্ত্রিক্ত খুদিংমক্কী মপাঙ্গল অমসুং রিসোর্সশিং শীজিন্ননবা অমসুং মখোয়গী এক্সপোর্ত পোতেন্সিএলশিং ফংহন্নবা হৌদোকখ্রে। দিস্ত্রিক অমমম অসি পোত্থোক পুথোকপগী য়ুনিৎ অমা ওইনা খক নত্তনা এক্সপোর্ত প্লানিংগী য়ুনিৎ অমা ওইনা লৌই। মসিনা লোকেল ইন্তর্প্রাইজেসপু মালেমগী কৈথেলশিংদা চঙবদা মতেং পাংলি, কম্পিতিতিবনেস ফগৎহল্লি অমসুং দিস্ত্রিক্তনা লুচিংবা শেন্মিৎলোনগী গ্রোথ লাকহল্লি। মসিনা আত্মনির্ভর ভারত অমসুং ভোকেল ফোর লোকেলগী ভারতকী পাক চাউবা মীৎয়েংগা লোয়ননা চৎমিন্নরি।

দি.ই.ঐচ.গী ৱারী অসি ৱান দিস্ত্রিক্ত ৱান প্রদক্ত (ও.দি.ও.পি.) প্রোগ্রামদগী হৌরকখি। ও.দি.ও.পি.না দিস্ত্রিক্ত খুদিংমক্তগী তোপ-তোপ্পা পোত্থোক অমা খনগৎপা, ব্রান্দ অমসুং প্রমোৎ তৌবা হৌরকখি। মসিনা লোকেল আইদেন্তিতীবু শেন্মিৎলোনগী খুদোংচাবদা ওন্থোকখি।

মসিগী এপ্রোচ অসিবু মপাঙ্গল কনখৎহন্নবা, দিপার্তমেন্ত ওফ কম্মর্সনা দিরেক্তোরেত জেনরেল ওফ ফোরেন ত্রেদ (দি.জি.এফ.তি.) গী মখাদা দি.ই.ঐচ.কী থৌরাংগী খুত্থাংদা পোত্থোক প্রমোসন তৌবদগী মপুং ফানা এক্সপোর্ত প্রমোসন অমসুং ইকোসিস্তেম মপাঙ্গল কনখৎহনবদা মীৎয়েং চংলি। ২০২৬কী জনুৱারী ফাওবদা, দি.ই.ঐচ.কী খোঙথাং অসিনা লৈবাক শীনবা থুংনা দিস্ত্রিক্ত ৭৭০ হেন্না কোনশিল্লি, মসিনা মাগী পাকথোক চাউথোকপা অমসুং অপুনবা এক্সপোর্ত প্লান্নিংগা লোয়ননা হেন্না চেৎশিল্লকপা অদু উৎলি।

দি.ই.ঐচ. অসি ফন্দ স্কিম অমা ওইনা নত্তনা কনভর্জেন্স ফ্রেমৱার্ক অমা ওইনা খ্বাইদগী ফজনা খঙনৈ। তোঙানবা ফাইনান্সিং স্কিম অমা হৌদোকপগী মহুত্তা, দি.ই.ঐচ.না হৌজিক চৎথরিবা তোঙান তোঙানবা সেন্ত্রেল অমসুং স্তেৎ স্কিমশিংগী মখাদা ফংবা ফন্দিংবু শীজিন্নৈ। মসিনা এক্সপোর্ত, মেন্যুফেকচরিং অমসুং গ্রাসরুৎ লেভেলদা থবক পীবা হেনগৎহল্লি। মসি পাংথোকপদা, মসিনা দিস্ত্রিক্ত-স্পেসিফিক এক্সপোর্তকী শিংনবশিং কোকহল্লি অমসুং দিস্ত্রিক্ত এক্সপোর্তকী কম্পিতিতিবনেস হেনগৎহল্লি।

ইন্সতিত্যুস্নেল আর্কিতেকচর

দি.ই.ঐচ. অসি কেন্দ্র, রাজ্যশিং অমসুং জিলাশিংগী মরক্তা কোওর্দিনেসনগী লেয়র সিস্তেম অমদা চল্লাইরি। কম্মর্স দিপার্তমেন্তনা পোলিসীগী অপুনবা লমজিং-লমতাক পীরি, অদুগা দি.জি.এফ.তি.না ইমপ্লিমেন্ত তৌই, স্তেকহোল্দরশিংগী কোওর্দিনেসন লাইথোকহল্লি অমসুং প্রোগ্রেস অদু মোনিতর তৌই।

• রাজ্যগী থাক্তা, স্তেৎ এক্সপোর্ত প্রমোসন কমিতী (এস.ই.পি.সি.) না থবক পায়খৎপদা লমজিং-লমতাক পীরি অমসুং দিপার্তমেন্তশিংগী মরক্তা মান্ননা চৎমিন্নবগী থবকসু পাংথোক্লি।
• দিস্ত্রিক্তকী থাক্তা, দিস্ত্রিক্ত এক্সপোর্ত প্রমোসন কমিতীশিংনা (দি.ই.পি.সি.শিং) এক্সপোর্তকী খুদোংচাবশিং মশক খঙদোকপা, লোকেলগী ওইবা শিংনবশিং কোকহন্নবা অমসুং ইন্দস্ত্রী, এক্সপোর্তরশিং অমসুং অতোপ্পা স্তেকহোল্দরশিংগা লোয়ননা কোওর্দিনেৎ তৌবা।

দিস্ত্রিক্ত এক্সপোর্ত এক্সন প্লানশিং (দি.ই.এ.পি.শিং) শেম-শাবা অসি দি.ই.পি.সি.শিংগী মরুওইবা থৌদাং অমনি। থৌরাংশিং অসিনা এক্সপোর্ত পোতেন্সিএল লৈবা পোত্থোকশিং অমসুং সর্ভিসশিং মেপ তৌই, ইনফ্রাস্ত্রকচর অমসুং লোজিস্তিক্সকী এসেসমেন্ত তৌই, এক্সপোর্ত বোতলনেকশিং মশক তাকই। মখোয়না কম্পিতিতিবিতী অমসুং মার্কেত এক্সেস ফগৎহন্নবা ইন্তরভেন্সনশিংসু রিকমেন্দ তৌরি। ২০২৬কী মার্চ ফাওবদা দি.ই.এ.পি.গী দ্রাফ অসি জিলা ৫৯০গীদমক শেমখ্রে। মসিগী মনুংদা দি.ই.এ.পি.সি.না ২৪৯ ফোর্মেল ওইনা এদোপ্ত তৌখ্রে।

দিস্ত্রিক্ত-লেবেল এক্সপোর্ত ইকোসিস্তেমশিং শেমগৎলি

এক্সপোর্ত তৌবদা কম্পিতিতিব প্রদক্ত অমা খক্তগী হেন্না মথৌ তাই। দি.ই.ঐচ.না দিস্ত্রিক্তশিংদা এক্সপোর্তর কেপাসিতী শেমগৎনবা অমসুং এক্সপোর্তকা মরী লৈনবা লোজিস্তিক্স, ক্বালিতী স্তেন্দর্দশিং অমসুং কৈথেলগী খুদোংচাবশিং খঙদোকপদা মতেং পাংলি।

প্রদক্তশিং অমসুং সর্বিসশিং মেপ তৌরি

দি.ই.ঐচ.না দিস্ত্রিক্তশিংগী মরক্তা এক্সপোর্ত তৌবা য়াবা পোত্থোকশিং অমসুং সর্বিসশিং মশক খঙদোকই। মসিগী মনুংদা জি.আই.তেগ তৌরবা পোত্থোকশিং, লৌউ-শিংউগী ক্লস্তরশিং, অমসুং শান্নপোৎশিংগী ক্লস্তরশিং, ইঞ্জিনীয়রিংগী পোৎলমশিং অসিনচিংবা য়াওরি। দিস্ত্রিক্ত-স্পেসিফিক মেপ্পিংনা পান্দম থম্লবা এক্সপোর্ত স্ত্রেতেজিশিং শেম-শাবদা মতেং পাংই। এক্সপোর্ত পোতেন্সিএল লৈবা পোত্থোক খরগী মনুংদা মখাগীশিং অসি য়াওই:

মসিদা জিলাশিংগী দি.ঐচ.ই. প্রদক্তশিংগী লিস্ত।

গ্লোবেল স্তেন্দর্দশিং থুংহল্লি

হায়রিবা পোত্থোকশিং অসি মশক খঙদোক্লবা মতুংদা, মখোয়না ইন্তর্নেস্নেল ক্বালিতী বেঞ্চমার্কশিংদু মপুং ফাহনগদবনি। দি.ই.ঐচ.না মগুনগী স্তেন্দর্দশিং, চাংয়েং তৌবগী খুদোংচাবশিং, পেকেজিং, ব্রান্দিং অমসুং সর্তিফিকেসনগী মতাংদা এৱেরনেস পীনবা অমসুং কেপাসিতী শেমগৎপদা মতেং পাংই। মসিনা লোকেলগী পোৎলমশিংবু মালেমগী থাক্তা চুনবা মথৌ তাবশিং খঙহনবদা মতেং পাংই।

দিজিতেল এক্সপোর্ত তৌহল্লি

দিজিতেল এক্সেসনা হাইপর-লোকেল রিচ তৌবা ঙমহল্লি অমসুং অথাপ্পা মফমশিংদা লৈবা বিজিনেসশিং ফাওবা কৈথেলগী এক্সেস পাকথোকহল্লি। দি.ই.ঐচ. ইনিসিএতিবকী মখাদা এম.এস.এম.ই.শিংদা কোরিয়র শিপ্পিংগী মহুৎ শিনবা শেল চঙবাংদবা পাম্বৈশিং ফংহন্নবা এম.এস.এম.ই.শিংদা এমাজোন, শিপরোকেত, অমসুং দি.ঐচ.এল.কুম্বা ই-কম্মর্স প্লেৎফোর্মশিংগা পার্তনরশিপ তৌবা। দোকুমেন্তেসন, পেকেজিং অমসুং অপীকপা কন্সাইনমেন্তশিংগীদমক পোস্তেল এক্সপোর্তকী শেনফম হন্থহন্দুনা দাক ঘর নির্য়াত কেন্দ্রশিংনা মাগী য়ৌশিনবা অসি পাকথোক চাউথোকহল্লি।

কেপাসিতী অমসুং আউৎরীচ হেনগৎহল্লি

এক্সপোর্ত রেদিনেস শেমগৎনবা, দি.জি.এফ.তি.গী রিজনেল ওথোরিতীশিংনা দিস্ত্রিক্ত এদমিনিস্ত্রেসনশিংগা লোয়ননা লোজিতিক্স প্লান্নিং, এক্সপোর্ত প্রোসিজরশিং, পেকেজিংগী চৎন-কাঙলোনশিং, অমসুং রেগুলেতরী কমপ্লাইএন্স য়াওনা কেপাসিতী বিল্দিং অমসুং এৱেরনেস প্রোগ্রামশিং পাংথোক্লি। তোঙান তোঙানবা ইকোসিস্তেম পার্তনরশিংনা হায়রিবা আউৎরীচ প্রোগ্রামশিং অসি মায় পাক্না পায়খৎপদা থৌনা লৈনা মতেং পাংখি। মখোয়গী মনুংদা এক্সপোর্ত ক্রেদিৎ গেরেন্তী কোর্পোরেসন ওফ ইন্দিয়া (ই.সি.জি.সি.), এক্সপোর্ত প্রমোসন কাউন্সিল ফোর হেন্দিক্রাফ্স (ই.পি.সি.ঐচ.), ফেদরেসন ওফ ইন্দিয়ন এক্সপোর্ত ওর্গনাইজেসন (এফ.আই.ই.ও.), এম.এস.এম.ই. হায়রিবা থৌদোকশিং অসিনা এক্সপোর্তর অদুদা মশক খঙদোক্লবা শিংনবশিং অসি কোকহন্নবগীদমক মমল য়াম্লবা স্কিলশিং ফংহনখি। মখোয়না ই-কম্মর্স শীজিন্নবদা থেংনরিবা অৱাবা কয়াগী মতাংদা, হায়বদি পেমেন্তকা মরী লৈনবা ইসুশিং, থাজবা অমসুং বায়র ভেরিফিকেসনগী মতাংদা হেন্না খঙহন্নবা মীৎয়েং থম্লি।

চাউখৎ-থৌরাংগীদমক গ্রাসরুত ইনিসিএতিবশিং থৌগৎলি

দি.ই.ঐচ.না স্পেসিএলাইজ ইন্সতিত্যুসনশিংগা পার্তনরশিপকী থোংদা মতেং পাংই। দি.জি.এফ.তি.না খনগৎলবা জিলাশিংদা এক্সপোর্ত ইকোসিস্তেম মপাঙ্গল কনখৎহন্নবগীদমক এক্সিম বেঙ্ককা খুৎশম্নখ্রে। কোলাবোরেসন অসিগী শরুক অমা ওইনা, জিলা তরুক- অনন্তপুর, রাইপুর, সোলান, তিরুপপুর, কানপুর অমসুং কোলহাপুর-বু এক্সিম বেঙ্ককী গ্রাসরুত ইনিসিএতিব ফোর দিবেলপমেন্ত (জি.আর.আই.দি.) প্রোগ্রামগী মখাদা মতেং পীনবগীদমক খনগৎখ্রে। ইনিসিএতিব অসিনা সেক্তর-স্পিসিফিক ওইবা অথিংবাশিং কোকহল্লি, পোতেন্সিএল বেনিফিসরীশিং মশক খঙদোক্লি অমসুং এক্সপোর্ত কম্পিতিতিবনেস হেনগৎহন্নবা দিস্ত্রিক্ত-স্পেসিফিক ওইবা ইন্তরভেন্সনশিং শেমগৎলি।

দি.ঐচ.ই. ইমপ্লিমেন্তেসনগী ফোকস এপ্রোচ

অথুবা মতমদা থবক পায়খৎনবা, সরকারনা ২০২৬কী জুন ১দগী দিস্ত্রিক্ত এস এক্সপোর্ত হবস ইনিসিএতিবকী মখাদা রিজল্ত-ওরিয়েন্তেদ, ফোকস অমসুং ফেজ তৌরবা থৌওং অমা লৌখৎলে। ইমপ্লিমেন্তেসনগী অহানবা ফেজদা, দি.জি.এফ.তি.গী রিজনেল ওথোরিতী ২৪ অমসুং পার্তনর এজেন্সী ১১গী মতেংগা লোয়ননা রাজ্য অমসুং য়ুনিয়ন তেরিতোরী ২৭কী দিস্ত্রিক্তশিং কোনশিনখ্রে। অনৌবা এক্সপোর্তর রেজিস্ত্রেসন তৌবা অমসুং হৌজিক চত্থরিবা কেন্দ্র অমসুং রাজ্যগী স্কিমশিং পুনশিন্নবা, জি.আই. প্রদক্তশিং অমসুং এম.এস.এম.ই. ক্লস্তরশিং শীজিন্নদুনা এক্সপোর্তকী ভেল্যু হেনগৎহনবা অসিনচিংবা অচৌবা মহৈশিং ফংনবা হোৎনবদা মীৎয়েং থম্লি।

পুন্না, দি.ই.ঐচ. ফ্রেমৱার্ক অসিনা দিস্ত্রিক্তশিংদা মতম শাংনা লৈরক্লবা স্ত্রকচরেল কনস্ত্রেন্তশিং কোকহন্নবা অমসুং লোকেল প্রদক্সনগী মপাঙ্গলশিংবু এক্সপোর্তকী খুদোংচাবশিংদা ওন্থোক্নবা মতেং পাংলি।

মাংদা লৈরিবা লম্বী

দিস্ত্রিক্তশিং অসি এক্সপোর্ত হবশিং ওইরকপা অসিনা ইন্দস্ত্রীএল সেন্তর খরদা চাউখৎপা পুরকপদগী দিস্ত্রিক্ত খুদিংমক্কী পোতেন্সিএল অদু ফংহন্নবা ভারতকী এক্সপোর্ত স্ত্রেতেজীদা অহোংবা অমা লাক্লি। লোকেলগী মপাঙ্গল অমসুং হেন্না ফবা এক্সপোর্ত কেপাসিতী, মার্কেৎ এক্সেস অমসুং ইন্সতিত্যুস্নেল সপোর্ত পুনশিন্নদুনা ইনিসিএতিব অসিনা হেন্না ইনক্লুসিব অমসুং রেসিলিয়েন্ত এক্সপোর্ত ইকোসিস্তেম অমা শেমগৎলি।

ভারতনা য়ু.এস. দোল্লর ত্রিল্লিয়ন অমগী অচৌবা পান্দম অদুদা চংশিল্লকপদা, কেন্দ্র, রাজ্য অমসুং জিলাশিংগী মরক্তা মপাঙ্গল কনখৎহনবা অসি মরু ওই। মসিনা লোকেল ইকোনোমীশিংবু ললোন-ইতিক, ইনভেস্তমেন্ত অমসুং থবক পীবগী ইঞ্জিনশিং ওইহল্লগনি। মসিনা লৈবাক শিনবা থুংনা এক্সপোর্ত-লেদ গ্রোথ পাকথোক চাউথোকহল্লগনি।

রিফরেন্সশিং:

কম্মর্স অমসুং ইন্দস্ত্রী মন্ত্রালয়

https://www.pib.gov.in/PressReleasePage.aspx?PRID=2197651&reg=3&lang=1

https://content.dgft.gov.in/Website/dgftprod/a667478a-d204-4d95-a71c-a58452e1c6d9/Note%20-%20Districts%20as%20Export%20Hubs%20Initiative.pdf

https://sansad.in/getFile/loksabhaquestions/annex/187/AU5109_bmg27T.pdf?source=pqals

https://www.facebook.com/DeptofCommerceIndia/videos/india-is-strengthening-district-level-export-competitiveness-through-the-distric/1826517751372921/

https://www.pib.gov.in/PressReleasePage.aspx?PRID=2280927&reg=48&lang=2

https://www.pib.gov.in/PressReleasePage.aspx?PRID=2244401&reg=3&lang=1

https://www.pib.gov.in/PressReleasePage.aspx?PRID=1897408&reg=48&lang=2

https://www.pib.gov.in/PressReleasePage.aspx?PRID=2201284&reg=3&lang=1

https://www.pib.gov.in/PressReleasePage.aspx?PRID=2256724&reg=3&lang=1

দি.দি. ন্যুজ

https://ddnews.gov.in/en/services-boom-drives-indias-exports-to-record-usd-863-billion-in-2025-26/

অতোপ্পা ওর্গনাইজেসনশিং

https://ifpuat.gujarat.gov.in/DIGIGOV/digigov.htm;jsessionid=-VKltUfx4n22mbT4IYiYjyFavY2jMvzQVM49b4Hn.DIGIGOV?actionFlag=getDistrictAsExportHubForView&pagedisp=static

https://silpasathi.wb.gov.in/export-hub/

https://prsindia.org/policy/report-summaries/implementation-of-the-districts-as-export-hubs-initiative

https://eodbodisha.odisha.gov.in/Home/DEH

ও.দি.ও.পি.

https://odopup.in/en#district-products

আই.বি.ই.এফ.

https://www.ibef.org/news/government-expands-deh-initiative-to-boost-district-level-export-competitiveness

পি.আই.বি. আর্কাইবশিং

https://www.pib.gov.in/PressReleasePage.aspx?PRID=2217539&reg=3&lang=1

পি.দি.এফ. য়েংনবা মসিদা নম্বীয়ু

পি.আই.বি. রিসর্চ

***