৩৩শুবা ফাউন্দেসন দে নকশিল্লকপগা ইরোইননা নেসনেল হ্যুমেন রাইৎস কম্মিসন (এন.ঐচ.আর.সি.) ইন্দিয়ানা MyGov কা খুৎশম্নদুনা ঙসি 'হ্যুমেন রাইৎস ক্বিজ ২০২৬: সেলেব্রেতিং লাইফ, লিবর্তে, ইক্বেলিতী এন্দ দিগ্নিতী' হৌদোকখ্রে। ওনলাইন ক্বিজ অসি MyGov প্লেৎফোর্মদা ওক্তোবর ১০, ২০২৬ ফাওবা ফংগনি। মসি চহি ১৪ অমসুং মথক্তা লৈবা ভারতকী প্রজাশিংনা শরুক য়াবা য়াগনি।

ক্বিজ অসিনা মীপুম খুদিংমকপু মীওইবগী হকশিংগী মতাংদা, প্রোতেক্সন ওব হ্যুমেন রাইৎস এক্ত (পি.ঐচ.আর.এ.), ১৯৯৩ অমসুং এন.ঐচ.আর.সি.না লৈবাক শীনবা থুংনা মীওইবগী হক খোঙ্গাওনবা থিংনবা লৌখৎলিবা থৌদাং, শক্তি অমসুং থবকশিংগী মতাংদা খঙহন্নবগী পান্দম থম্লি।

শরুক য়ারিবশিংনা য়াম্লবদা ৱাহং ১৫ সেকেন্দ ৩০০গী মনুংদা খুমগদবনি। অহানবা, অনিশুবা অমসুং অহুমশুবা তারবা শরুক য়ারিবশিংনা সর্তিফিকেতকা লোইননা মথংশিৎনা লুপা ১৫,০০০/-, লুপা ১০০০০/- অমসুং লুপা ৫০০০/- ফংগনি। মসিগী মথক্তা মখা তাবা মায় পাক্লবা তরেৎতনা কন্সোলেসন প্রাইজ ওইনা লুপা ২০০০ ফংগনি।

হ্যুমেন রাইৎস ক্বিজ অসিদা শরুক য়ারনবগী অকুপ্পা মরোলগীদমক MyGov পোর্তেলদা চঙদনা লোগ ইন তৌবা য়াগনি।

https://quiz.mygov.in/quiz/human-rights-quiz-2026-celebrating-life-liberty-equality-and-dignity/

***