প্রধান মন্ত্রী শ্রী নরেন্দ্র মোদীনা সেপ্তেম্বর ২, ২০২৬তা ন্যু দিল্লীগী সুশ্মা স্বরাজ ভবনদা নুংথিল পুং ৪:৩০ রোম তাবদা জল শক্তি মন্ত্রালয়গী দিপার্তমেন্তেল সম্মিৎকী লোইশিনবগী থৌরমদা শরুক য়াগনি। থৌরম অসিদা মহাক্না মীয়ামদা ৱা ঙাংগনি।

সেপ্তেম্বর ১ – ২, ২০২৬তা পাংথোক্কদৌরিবা নুমিৎ নিনিগী দিপার্তমেন্তেল সম্মিৎ অসি কেন্দ্র অমসুং রাজ্যশিংগী মরক্তা হেন্না নক্না তেংবাং পীনদুনা তীম ইন্দিয়াগী স্পিরিতপু মপাঙ্গল কনখৎহন্নবা, কোওপরেতিব ফেদরেলিজমবু হেন্না চেৎশিলহন্নবা অমসুং নেস্নেল প্রাইওরিতীশিংদা অপুনবা ওনরশিপ হেনগৎহন্নবা প্রধান মন্ত্রীনা শাগৎখিবা দিপার্তমেন্তেল সম্মিৎশিংগী পরিং অমদা অহানবা ওইগনি। ইনিসিএতিব অসিনা মরুওইবা সেক্তরগী ওইবা প্রাইওরিতীশিংদা পুন্না খন্ন-নৈনবা অমসুং ইমপ্লিমেন্তেসন অমসুং মহৈশিং থুনা ফংনবগীদমক স্ত্রকচর তৌরবা প্লেৎফোর্ম অমা পীরি।

সম্মিৎ অসিদা কেন্দ্র অমসুং রাজ্য সরকারশিংগী রাজনিতীগী লুচিংবশিং অমসুং মকোক থোংবা ওফিসিএলশিংনা মরুওইবা প্রাইওরিতীশিং খন্ননবা, খ্বাইদগী ফবা থবকশিং শেয়র তৌনবা, থবক পায়খৎপদা থেংনবা খুদোংচাদবশিং কোকহন্নবা অমসুং মতম চানা থবক পায়খৎনবা থৌরাংশিং শেমগৎনবা পুনশিনগনি। ইনিসিএতিব অসিনা জাতিগী পান্দমশিংগীদমক শরুক য়ামিন্নদুনা থৌদাং লৌববু শৌগৎনবা অমসুং খন্ন-নৈনবশিং অসি গবর্নান্স অমসুং সর্ভিস দেলিভরিংদা চাং নাইনা ফগৎলকপা অমা ওইহন্নবা হোৎনরি।

মীফম অসিনা মরুওইবা হীরম মরিদা মীৎয়েং থমগনি:

১. ঈশিংগী ইনফ্রাস্ত্রকচর প্রোজেক্তশিং মতম চানা পায়খৎপা

২. জল সঞ্চয় জান ভাগিদারী – কেৎচ দি রেন

৩. থক্নবা ঈশিংগী সিস্তেমশিংগী সোর্স সস্তেনেবিলিতী

৪. জলজীবন মিসন ২.০গী মখাদা খুঙ্গংগী থক্নবা ঈশিং সপ্লাই স্কিমশিং ওপরেসন অমসুং মেন্তেনেন্স

ৱাতর ইনফ্রাষ্ট্রকচর প্রোজেক্তশিং য়াঙখৎহন্নবা, ঈশীং য়োকশিনবদা মীয়ামগী শরুক য়াবা হেনগৎহন্নবা, তুং কোইনা থক্নবা ঈশীংগী সোর্সশিং লৈহন্নবা অমসুং খুঙ্গংগী থক্নবা ঈশিংগী সর্ভিসশিংগী থাজবা অমসুং একাউন্তেবিলিতী হেনগৎহন্নবগীদমক্তা কংক্রিৎ ওইবা অমসুং মতম লেপথোক্লবা এক্সনশিং লৌখৎনবা খন্ন-নৈনবশিং অসিদগী মহৈ পীগনি হায়না পানরি।

*****