ঙসি জৱাহরলাল নেহরু স্তেদিয়মদা ব্রীক্সকা খুৎশম্নদুনা পাংথোকখিবা ফিৎ ইন্দিয়া সন্দেজ ওন সাইকলগী অখন্নবা নেস্নেল স্পোর্তস দে ইদিসন্দা য়ুথ এফেয়রস অমসুং স্পোর্তসকি কেন্দ্রগী মন্ত্রী দোক্তর মনসুখ মন্দাভিয়া, ভারতকি ক্রিকেৎ তিমগী হেদ কোচ গৌতম্ গম্ভির, রেস্তলর শংগ্রাম সিংহ অমসুং এক্তর মাধুরিমা তুলিনা লুচিংদুনা শরুক য়ারিবশিংবু লুচিংদুনা শরুক য়াখি।

থৌরম অসি লৈবাক শিনবা থুংনা মফম ২৫,০০০ হেনবদা মতম অমদা পাংথোকখি, মসিনা নুমিৎ খুদিংগী সাইক্লিং মুবমেন্তকিদমক অতোপ্পা মরুওইবা মায়লস্তোন অমা ওইখি।

দা. মন্দাভিয়ানা হায়খি মদুদি ৮৮সুবা ইদিসন অসিগী মরুওইবা অমনি মরমদি ভারত অসি সেপ্তেম্বর ১২-১৩ দা ভারত মন্দপমদা ১৮সুবা খ্বাইদগী চাওবা ব্রীক্স সমীৎ পাংথোপদা থৌবু ওইগদৌরি৷

মহাক্না হায়খি, “চয়োল অসিগী ইদিসন অসি ১২ অমসুং ১৩দা সমিৎ অসিগী শরুক অমা ওইগদৌরিবা ঐখোয়গী ইকায় খুম্নজরবা শক্নাইরবা মীওইশিং অমসুং ব্রীক্সকি মেম্বরশিংদা কত্থোক্লি, ঙসি মখোয়বু তরাম্না ওকপদা ঐখোয় হরাওই।”

দা. মনসুখ মন্দাভিয়ানা সাইক্লিংগী মরোল অহুমগী খুদৌংচাবশিং-ফিৎনাস, পোলুসন হন্থহনবা অমসুং মী চিনবা হন্থহনবগী মতাংদা থোইদোক্না হায়খি-মতাং অসিদা মখোয়গী চয়োলগী রুতিন ওইনা প্রজা খুদিংমক্তা সাইক্লিং অসিবু সরুক অমা ওইহন্নবা তকশিনখি৷

"লৈবাক শিনবা থুংনা মফম ২৫,০০০ হেনবদা ‘সন্দজ ওন সাইকল’গী ৮৮সুবা ইদিসন হৌখ্রে। লৈবাক শিনবা থুংনা সাইক্লিংদা ঙাওনবা অসি হেনগৎলক্লি, অমসুং ‘সন্দেজ ওন সাইকল’ অসি মিয়ামগী মরক্তা তপ্না তপ্না থৱাই য়াওবা অমা ওইরক্লি। ঐখোয় পূম্নমক্না নুমিৎ খুদিংগী পূং অমা মোবাইল অমসুং কম্প্যুতর স্ক্রীন্দগী লাপ্না চত্তুনা মপান্দা চৎলসি, সাইকল থৌরসি, মশান্নশিং শান্নরসি, অমসুং ঐখোয় ইশাবু ফিৎ ওইনা লৈরসি," হায়না দা. মন্দাভিয়ানা মখা তানা হায়খি।

ব্রীক্স পার্ত্নর নেসনশিংগী মমিং লৈরবা মীহুৎশিংদগী শরুক য়াখিবা অদুদা শ্রীমতি সরিফা এজনিদা ৱাফা শৈয়দা জুলকারনাইন ৱাফা, চার্জ দি’ এফেয়রস, হায় কমিসন ওফ মলয়েসিয়া; শ্রী ত্রীনহ মিন মনহ, এম্বেসেদর-দিজিগনেৎ, ভিয়েৎনামগী এম্বেসি; শ্রী য়ুধো সাসোঙ্কো, চার্জ দি’এফেয়রস, ইন্দোনেসিয়াগী এম্বেসি; বেলারসকি এম্বেসিগী এম্বেসেদর শ্রী মিখাইল কাস্কো; ক্যুবাগী এম্বেসিগী এম্বেসেদর শ্রী জুয়ান কারলোস মারসান এগুইলেরা; ইথিওপিয়াগী এম্বেসিগী এম্বেসেদর শ্রী নেবিয়ু তেদলা নেগাস; অমসুং রুসিয়াগী এম্বেসিগী মিনিস্তর-কাওন্সেলর অমসুং দিপুতি চিফ ওফ মিসনগী শ্রী রোমান বাবুসকিন য়াওখি।

থৌরম অদুদা শরুক য়াখিবা সরকারগী মকোক থোঙবা ওফিসিএলশিংগী মনুংদা শান্ন-খোৎনবা বিভাগকি সেক্রেতরি শ্রী হরি রঞ্জন রাও; শ্রী সুনিল পালিৱাল, সেক্রেতরি, য়ুথ এফেয়রস দিপার্তমেন্ত; অমসুং শ্রী সুধাকর দলেলা, সেক্রেতরি (ইকোনোমিক রিলেসন), মপাল থৌরম পুবা মন্ত্রালয় য়াওখি।

সাইক্লিং রাইদ অসি ফ্লেগ ওফ তৌরদুনা পদ্ম শ্রী গৌতম গম্ভিরনা হায়খি, “ফিৎ ইন্দিয়াগীদমক সরকারনা পাংথোক্লিবা থৌরম অসি অখন্নবা থৌরাং অমনি। ঐহাক্কী থাজবদি ভারত অসি ফিৎ ওইনা লৈরবদি ভারত অসি হেন্না মপাঙ্গল কনখৎলক্কনি, অমসুং মশানা মশাবু থাজবা হেনগৎলক্কনি, মরম অসিনা ঐখোয়না মসি থৌরম অমখক ওইনা নত্তবদা, খোঙজং অমা ওইনা য়েংগদবনি।মসি ঐখোয়গী থৌদাংনি, মরুওইনা থৌরম অসিদা মফম অসিদা লৈরিবা নহাশিং, মসিবু হোত্‍‌নদুনা খোঙজং অমা ওইনা ওন্থোক্নবা, ঐখোয়গী নহাশিং অমসুং অতৈ মীওই খুদিংমক ফিৎ ওইনা লৈহন্নবা, হেন্না ফিৎ ওইবা অমসুং মপাঙ্গল কনবা জাতি অমা শেমগৎনবনি।”

নহাশিং, সেনিয়র সিতিজনশিং অমসুং তশেঙনা ব্রীক্স পার্ত্নর লৈবাকশিংগী মীহুৎশিং য়াওনা শরুক য়ারিবা মীওই ৫,০০০ হেনবনা ব্রীক্স রন এন্দ রাইদ ২০২৬কি থৌরাংগী মখাদা ন্যু দিল্লীগী জৱাহরলাল নেহরু স্তেদিয়মদা য়াম্না থৱাই য়াওনা নাৎকি ওইবা থৌরমশিংদা শরুক য়াখি।

আই.তি.বি.পি.গী ব্রাশ বেন্দগী পর্ফোমেন্স অমনা কুম্মৈ অদু মথোই হাপকি। ঙসি অয়ুক্তা পাংথোকখিবা ইদিসন অসি মরুওইনা মরুওইবা অমা ওইখি মরমদি মসি নেস্নেল স্পোর্তস দেগী নোংমখক্কী মতুংদা পাংথোকখিবনি, মসিনা নাগরিকশিংগী মরক্তা্ ফিৎনেস, স্পোর্তস‌ অমসুং এক্তিব ওইনা শরুক য়াবগী ৱাখল্লোন অদু হেনগৎহনখি।

'ফিৎ ইন্দিয়া সন্দেজ ওন সাইকল' য়ুম্ফম ওইবা অসি য়ুথ এফেয়রস অমসুং স্পোর্তস মন্ত্রী দা.মনসুখ মন্দাভিয়াগী থৌরাং অসি য়ুথ এফেয়রস অমসুং স্পোর্তস মন্ত্রী (এম.ৱাই.এ.এস.) না সাইক্লিং ফেদরেসন ওফ ইনব্দিয়া (সি.এফ.আই.), রাহগিরী ফাওন্দেসন অমসুং মাই ভারতকা খুৎশম্নদুনা পাংথোকপনি  অমসুং সাই অমদি খেলো ইনব্দিয়া নেতৱর্ক্কী খুত্থাংদা রাজ্য অমসুং য়ুনিয়ন তেরিতোরী খুদিংমক্তা পাংথোকহল্লি।

য়ুথ এফেয়র্স অমসুং স্পোর্তসকি য়ুনিয়ন্ মিনিস্তর দা. মনসুখ মন্দাভিয়ানা সাইক্লিং দ্রায়ব অসি সাইগী রিজনেল সেন্তরশিং, নেস্নেল সেন্তর ওফ এক্সেলেন্স (এন.সি.ও.ই.শিং), এস.এ.আই.গী ত্রেনিং সেন্তরশিং (এস.তি.সি.শিং), খেলো ইন্দিয়া স্তেত সেন্তর ওফ এক্সেলেন্স (কে.আই.এস.সি.ই.শিং), অমসুং খেলো ইন্দিয়া সেন্তরশিং (কে.আই.সি.শিং) য়াওনা রাজ্য অমসুং য়ুনিয়ন্ তেরিতোরি পুম্নমক্তা অমগা অমগা লোয়ননা পাংথোকই।

***