প্রধানমন্ত্রীগী লোইশঙ
প্রধান মন্ত্রীনা সাস্ত্রি মেমোরিএলদা লৈ কৎখ্রে অমসুং তাস্কেন্ত ষ্টেৎ য়ুনিভর্সিতি ওফ ওরিয়েন্তেল ষ্টদিজদা চৎখ্রে
থাগৎখিবা:
30 AUG 2026 7:29PM by PIB Imphal
ঙসি প্রধান মন্ত্রীনা তাস্কেন্তদা সাস্ত্রি মেমোরিএলদা লৈ কৎখ্রে। ১৯৬৫ দা তাস্কেন্ত হান্নগী প্রধান মন্ত্রী লৈখিদবগী চহি ৬০শুবা কুমওন থৌরম চহি অসিদা পাংথোক্লি। শ্রী লাল বহাদুর সাস্ত্রিগী মমিংদা থোনবা লম্বী অমদা মেমোরিএল অসি লৈরি। হান্নগী প্রধান মন্ত্রী অসিগী পুন্সি অমসুং মহাক্না পাংথোক্লম্বা থবকশিং তাস্কেন্তদা নুংশিনা নিংশিংলি। মেমোরিএল অমসুং লম্বী অসিগী মথক্ত, তাস্কেন্তদা লৈবা স্কুল অমা অমসুং ইন্দিয়ান কলচরেল সেন্তর মহাক্কী মমিংদা থোল্লে।
সাস্ত্রি মেমোরিএলদা লৈ কৎলবা মতুংদা, প্রধান মন্ত্রী তাস্কেন্ত ষ্টেৎ য়ুনিভর্সিতি ওফ ওরিয়েন্তেল ষ্টদিজদা চৎখি। য়ুনিভর্সিতিদা, উজবেকিস্তানগী রাষ্ট্রপতি অমসুং রেক্তরনা প্রধান মন্ত্রী মোদী তরাম্না ওকখি। মহাক্না মহাত্ম গান্ধী সেন্তর ওফ য়ুনিভর্সিতিদা ইন্দোলোজিষ্টশিং অমসুং পন্দিৎশিংগা উনখি। য়ুনিভর্সিতি অশিদা হিন্দী লোল অমসুং ভারতকী অতোপ্পা হিরমশিং তম্বীবগী ফজরবা রেকোর্দ অমা লৈরি। মহাক্কী খোঙচৎ মনুংদা, উজবেক মহৈরোয়শিংগীদমক হিন্দী লোলগী লাল বহাদুর সাস্ত্রি স্কোলারশিপ প্রধান মন্ত্রী মোদীনা লাউথোকখ্রে। য়ুনিভর্সিতি অসিদা হিন্দী তম্বীরকপা চহি ৮০ মপুংফারে। লৈবাক অনিগী মরক্ত লৈনরিবা অচেৎপা নাৎকী মরীশিংগী শরুক অমা ওইনা, উজবেক্কী মহৈরোয়শিংগী মরক্ত হিন্দী তম্নিংবগী অপাম্বা লৈরি। উজবেক অমসুং হিন্দী লোলগী মরক্ত মান্নবা ৱাহৈ ৩০০০ হেন্না লৈরি।
***
(রিলিজ আই.দি.: 2304770)
ভিজিতর কাউন্তর : 26