وائس ایڈمرل ڈیمیئن فرنینڈو، سری لنکا بحریہ کے کمانڈر، 26 سے 29 اگست 2026 تک بھارت کے سرکاری دورے پر ہیں۔ اس دورے کا مقصد بھارت اور سری لنکا کے درمیان دوطرفہ بحری تعاون کو مزید مضبوط کرنا اور بحری سے بحری تعلقات کو فروغ دینا ہے۔

وائس ایڈمرل ڈیمیئن فرنینڈو کو نئی دہلی کے ساؤتھ بلاک میں گارڈ آف آنر پیش کیا گیا اور انھوں نے 27 اگست 2026 کو قومی جنگی یادگار پر پھولوں کی چادر چڑھا کر شہید فوجیوں کو خراج عقیدت پیش کیا۔ انھوں نے ایڈمرل کرشنا سوامی ناتھن، چیف آف دی نیول اسٹاف کے ساتھ دوطرفہ سمندری تعاون کو آگے بڑھانے کے لیے بھی گفت و شنید کی، جس میں مشترکہ آپریشنز، صلاحیت سازی، تربیت اور سمندری سلامتی سے متعلق اقدامات شامل ہیں۔

دورے کے دوران، وائس ایڈمرل فرنینڈو سینئر دفاعی اہلکاران سے ملاقات کریں گے اور تعاون اور اشتراک کے راستے تلاش کرنے کے لیے بھارتی دفاعی صنعت کے نمائندوں کے ساتھ بھی گفت و شنید کریں گے۔

دورے کے حصے کے طور پر، وائس ایڈمرل فرنینڈو کوچی کا سفر کریں گے تاکہ بھارتی بحریہ کے تربیتی اداروں اور ہیڈ کوارٹرز سدرن نیول کمانڈ کا دورہ کر سکیں، جس کا مقصد دونوں بحری افواج کے درمیان تربیتی روابط اور پیشہ ورانہ تبادلوں کو بڑھانا ہے۔

سری لنکا کی بحریہ بھارتی بحریہ کی ایک اہم اور دیرینہ سمندری شراکت دار ہے۔ وائس ایڈمرل ڈیمیئن فرنینڈو کے دورے سے بھارت اور سری لنکا کے درمیان دیرینہ اور کثیر جہتی بحریہ سے بحریہ کے تعلقات کو مزید مستحکم ہونے کی توقع ہے، جو بحر ہند کے خطے میں سمندری تعاون اور زیادہ استحکام میں معاون ثابت ہوگا۔

***

(ش ح - ع ا)

U.No. 2677