नवी दिल्‍ली, 27 ऑगस्‍ट 2026

 

राष्ट्रीय मानवाधिकार आयोगाने (एनएचआरसी) महाराष्ट्रातील अमरावती येथील जिल्हा महिला रुग्णालयाच्या नवजात बालकांच्या  देखभाल विभागात 24 ऑगस्ट 2026 रोजी आग लागल्याने तीन नवजात बालकांचा मृत्यू आणि इतर चार शिशू जखमी झाल्याच्या वृत्ताची स्वतःहून दखल घेतली आहे. व्हेंटिलेटर मशीनमध्ये झालेल्या स्फोटामुळे ही घटना घडल्याचे वृत्त आहे. 

या वृत्तातील मजकूर खरा असल्यास, मानवाधिकार उल्लंघनाचा गंभीर प्रश्न निर्माण होतो, असे आयोगाने म्हटले आहे. आयोगाने महाराष्ट्राच्या मुख्य सचिवांना नोटीस बजावली असून, या प्रकरणी दोन आठवड्यांच्या आत सविस्तर अहवाल मागवला आहे. या अहवालात जखमी बालकांच्या प्रकृतीची स्थिती आणि सरकारने जाहीर केलेल्या नुकसान भरपाईचे  वितरण याबाबतची माहिती अपेक्षित आहे.

25 ऑगस्ट 2026 रोजी प्रसिद्ध झालेल्या माध्यमांतील वृत्तानुसार, घटना घडली तेव्हा एसएनसीयूमध्ये नऊ शिशू दाखल होते. जखमी झालेल्या चार शिशूंपैकी एकाची प्रकृती गंभीर असल्याचे वृत्त आहे.

 

* * *

निलिमा चितळे/श्रद्धा मुखेडकर/दर्शना राणे

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 2303903) अभ्यागत कक्ष : 14