ایمپلائز پراویڈنٹ فنڈ آرگنائزیشن (ای پی ایف او) نے اونم کے تہوار سے پہلے 26 اگست 2026 کو کیرالم زون کے تحت 4,40,901 پنشنرز کے کھاتوں میں اگست 2026 کے مہینے کی پنشن جمع کر دی ہے۔ ای پی ایف او اپنے تمام ممبران اور پنشنرز کو اونم کی بہت بہت مبارکباد دیتا ہے۔

عام طور پر، ملازمین کی پنشن سکیم 1995 کے تحت ماہانہ پنشن مہینے کے آخر میں دی جاتی ہے۔ تاہم، آئندہ اونم کی تقریبات کے پیش نظر،ای پی ایف اونے 26 اگست 2026 کو پنشن جاری کرنے کے لیے خصوصی انتظامات کیے، اس طرح پنشنرز اور ان کے اہل خانہ اپنی مالی ضروریات کو پورا کرنے اور بغیر کسی تکلیف کے تہوار منانے کے قابل ہوئے۔

پنشن کوای پی ایف اوکے سنٹرلائزڈ پنشن پیمنٹ سسٹم کے ذریعے کریڈٹ کیا گیا ہے، جو ملک بھر میں مستفید ہونے والوں کے بینک کھاتوں میں براہ راست پنشن کی بغیر کسی رکاوٹ اور موثر منتقلی کی سہولت فراہم کرتا ہے۔

ای پی ایف او سماجی تحفظ کے فوائد کی بروقت فراہمی کو یقینی بنانے کے لیے پرعزم ہے اور ٹیکنالوجی سے چلنے والے اقدامات اور شہریوں پر مبنی اصلاحات کے ذریعے پنشن خدمات کو بہتر بنانے کی مسلسل کوشش کرتا ہے۔

***

(ش ح۔اص)

UR No. 2627

(ریلیز آئی ڈی: 2303505) وزیٹر کاؤنٹر : 11