مودی جی نے 2047 تک ایک ترقی یافتہ ہندوستان کا ہدف مقرر کیا ہے، اور ترقی یافتہ ہندوستان کے لیے مضبوط داخلی سلامتی پہلی شرط ہے، ہر میدان میں سرخرو ہونے کے لیے داخلی سلامتی کو مزید مضبوط کرنا ہوگا

اگر پچھلی حکومتوں نے منشیات، نکسل ازم اور شمال مشرق کے مسائل کے سنگین ہونے سے پہلے ہی ان کا تصور (ویزولائز ) کر لیا ہوتا تو ملک کو کئی دہائیوں تک ان کا خمیازہ نہ بھگتنا پڑتا

ہم نے داخلی سلامتی کے تینوں ہاٹ اسپاٹ میں درپیش چیلنجوں کو ختم کر دیا ہے، اور اس کا سارا کریڈٹ ہر ریاستی پولیس فورس، مرکزی ایجنسیوں اور سیاے پی ایف کو جاتا ہے

اس این ایس ایس سی فورم کو اگلے 15-20 سالوں کے رجحانات کا جائزہ لینا چاہیے تاکہ یہ تعین کیا جا سکے کہ کون سے مسائل پیدا ہو سکتے ہیں اور ان کی روک تھام کے لیے کیا حکمت عملی اختیار کی جانی چاہیے

پچھلے آٹھ مہینوں میں تمام زمینی سرحدی ریاستوں کا دورہ کرنے کے بعد، ہم نے ریاستوں کے ساتھ ایک دستاویز کا اشتراک کیا، جس میں چار جہتی سرحدی حفاظتی نقطۂ نظر کی تفصیل دی گئی ہے، ہمارا مقصد بہت کم وقت میں ملک کو دراندازی سے پاک کرنا ہے

یہ ملک کوئی دھرم شالہ نہیں ہے اور یہاں رہنے کا حق صرف شہریوں کو ہے، درانداز ملک کی سلامتی، معیشت اور آبادیاتی تبدیلی کے لیے خطرہ ہیں

پی ایف آئی کے خلاف ایک رات میں کی گئی کارروائی، جس کے نتیجے میں اس پر پابندی عائد کرکے اس کے پورے کیڈر کو ختم کر دیا گیا، مرکزی-ریاستی تال میل کی ایک بہترین مثال ہے

وزیر داخلہ نے دہشت گردی کو مکمل طور پر ختم کرنے اور دہشت گرد نیٹ ورکس کو 360 ڈگری پر ختم کرنے کے لیے ’’پرہار‘‘ کو دستاویز سے لے کر روزانہ کی مشق میں لانے پر زور دیا

تمام ریاستوں کی پولیس کو نئی نسل کی حفاظت کے لیے نارکوٹکس کنٹرول وژن دستاویز 2026-2029 کو نافذ کرنا چاہیے اور منشیات سے پاک ہندوستان کے لیے تین ڈی پتہ لگانا، خلل ڈالنا اور تباہ کرنا، کی حکمت عملی اپنانی چاہیے

مودی حکومت نے مفرور مخالف  میکانزم کو مضبوط کیا ہے، 2019-26 کے دوران تقریباً 274 مفرور افراد کو بیرون ملک سے واپس لایا گیا، تمام ریاستوں کو اس بات کو یقینی بنانے کے واحد مقصد کے ساتھ کام کرنا چاہیے کہ بیرون ملک فرار ہونے والے افراد کو انصاف کے کٹہرے میں لایا جائے

مودی حکومت نے ایک ملٹی ایجنسی میکانزم شروع کیا ہے، میک سینٹر کو اپ گریڈ کیا گیا ہے اور کثیر جہتی نتائج فراہم کرنے کے لیے ایک پلیٹ فارم بنایا گیا ہے

سلامتی کی پالیسی کو عالمی عدم استحکام، توانائی کے وسائل کی عدم تحفظ، سپلائی چین میں خلل، بڑھتی ہوئی بنیاد پرستی اور سائبر غلط معلومات کی جنگ کو مدنظر رکھنا چاہیے

ہمیں چیلنجوں کی جلد شناخت کرنی چاہیے اور ان کو بڑے مسائل بننے سے پہلے ہی کم کرنا چاہیے، اس طرح کا ایکو سسٹم بنا کر ہم ایک محفوظ، دراندازی سے پاک اور منشیات سے پاک ہندوستان بنانے کے قابل ہو جائیں گے

امور داخلہ اور باہمی تعاون کے مرکزی وزیرجناب امت شاہ نے آج نئی دہلی میں انٹیلی جنس بیورو کی ’’قومی سلامتی حکمت عملی کانفرنس‘‘ کے اختتامی اجلاس سے خطاب کیا۔اس  دو روزہ کانفرنس میں ملک کے سینئر پولیس افسران، تمام ریاستوں کے ڈائریکٹر جنرل پولیس اور مرکزی سلامتی ایجنسیوں کے نمائندوں نے براہِ راست اور ورچوئل ذرائع سے شرکت کی۔ مرکزی وزیر داخلہ نے کانفرنس کے انعقاد اور اس کے موضوعات کے انتخاب پر انٹیلی جنس بیورو اور اس کی ٹیم کو مبارکباد دی۔

مرکزی وزیر داخلہ نے اپنے خطاب میں کہا کہ وزیر اعظم نریندر مودی نے 2047 تک ترقی یافتہ ہندوستان کی تعمیر کا ہدف مقرر کیا ہے اور ترقی یافتہ ہندوستان کے لیے پہلی شرط مضبوط داخلی سلامتی ہے۔ انہوں نے کہا کہ ترقی یافتہ ہندوستان کی تعریف بہت سادہ ہے: اگر ہندوستان کو ہر شعبے میں عالمی قائد بننا ہے تو داخلی سلامتی کو مضبوط بنانا ہوگا۔ جناب شاہ نے کہا کہ جب کوئی ملک ترقی کرنے کا فیصلہ کرتا ہے تو ملک کے اندر اور پوری دنیا میں چیلنجز ضرور پیدا ہوتے ہیں اور ہمیں ان چیلنجز کا پیشگی اندازہ لگانا چاہیے۔

مرکزی وزیر داخلہ نے کہا کہ اگر پچھلی حکومتوں نے منشیات، نکسل ازم اور شمال مشرق کے مسائل کے سنگین ہونے سے پہلے ہی ان کا تصور کر لیا ہوتا تو ملک کو کئی دہائیوں تک ان کا خمیازہ نہ بھگتنا پڑتا ۔ انہوں نے کہا کہ جب کوئی مسئلہ چھوٹا ہوتا ہے تو اس سے نمٹنا آسان ہوتا ہے، خصوصاً جب وہ پہلی بار سامنے آتا ہے۔ جناب شاہ نے کہا کہ یہ اطمینان کی بات ہے کہ آج ہم نے داخلی سلامتی کے ان تینوں اہم مراکز میں درپیش چیلنجوں کو ختم کر دیا ہے، اور اس کا تمام تر سہرا ہندوستان کی ہر ریاست کی پولیس فورس، مرکزی ایجنسیوں اور سی اے پی ایف کو جاتا ہے۔

مرکزی وزیر داخلہ نے کہا کہ این ایس ایس سی کے اس فورم کو آئندہ 15 سے 20 برسوں کے بین الاقوامی رجحانات کا جائزہ لینا چاہیے، تاکہ یہ تعین کیا جا سکے کہ کون سے مسائل پیدا ہو سکتے ہیں اور ان کی روک تھام کے لیے کیا حکمت عملی اختیار کی جانی چاہیے۔ انہوں نے کہا کہ ہماری ذمہ داری صرف اپنی کامیابیوں کو برقرار رکھنا یا شناخت شدہ چیلنجز پر قابو پانا نہیں ہے، بلکہ مستقبل میں پیش آنے والے چیلنجز کا پیشگی تصور کرنا اور انہیں پیدا ہونے سے روکنا بھی ہے۔

انصاف کے نظام پر بات کرتے ہوئے مرکزی وزیر داخلہ نے کہا کہ ماضی میں بروقت انصاف ایک خواب تھا اور اسے ناممکن سمجھا جاتا تھا۔ انہوں نے مزید کہا کہ مودی حکومت نے 3 نئے عدالتی ضابطے متعارف کرائے ہیں، ایف ایس ایل کا ایک نیٹ ورک قائم کیا ہے اور فارنسک سائنس یونیورسٹی کے ذریعے ہر سال 37,000 نئے گریجویٹس فارغ التحصیل ہو رہے ہیں۔ جناب شاہ نے کہا کہ عدالتی نظام کے 5 ستونوں کی جدید کاری، ٹیکنالوجی کی اپ گریڈیشن اور ڈیٹا کی تخلیق کو بہت مؤثر طریقے سے نافذ کیا جا رہا ہے۔ انہوں نے کہا کہ 3وں عدالتی ضابطوں پر 100 فیصد عمل درآمد اگلے سال کے اندر مکمل ہو جائے گا، جس کے نتیجے میں سپریم کورٹ تک فوجداری مقدمات 3 سال کے اندر نمٹائے جائیں گے اور سزا کی شرح میں 25 فیصد اضافہ ہوگا۔

مرکزی وزیر داخلہ نے کہا کہ پی ایف آئی کے خلاف ایک ہی رات میں کی گئی کارروائی، اس پر پابندی عائد کرنا اور اس کے پورے کیڈر کو ختم کرنا مرکزی اور ریاستی حکومتوں کے درمیان تال میل کی بہترین مثال ہے۔ جناب شاہ نے کہا کہ جیلوں کی جدید کاری سمیت متعدد اقدامات کے ذریعے ہم نے داخلی سلامتی کے لیے ایک مضبوط بنیاد اور ٹھوس پلیٹ فارم تیار کیا ہے۔ اب وقت آگیا ہے کہ اس پلیٹ فارم پر مزید تعمیر کی جائے اور بغیر کسی خامی کے داخلی سلامتی کا نظام قائم کیا جائے۔

اگلے 1 سال کے اہداف پر تبادلہ خیال کرتے ہوئے مرکزی وزیر داخلہ نے دہشت گردی کو مکمل طور پر ختم کرنے کے لیے ’’پراہار‘‘ کو محض ایک دستاویز سے روزمرہ کی عملی مشق میں تبدیل کرنے اور اس کے ذریعے دہشت گرد نیٹ ورکس کو 360 ڈگری پر ختم کرنے پر زور دیا۔ انہوں نے کہا کہ ’’پراہار‘‘ کو کم از کم ڈی وائی ایس پی کی سطح پر ایک ثقافت کے طور پر اپنایا جانا چاہیے، اور تمام ڈی جی پیز کو ریاست اور اپنے دائرۂ اختیار میں اس کی ضروریات پوری کرنے کے لیے کام کرنا چاہیے۔ بی این ایس میں دہشت گردی کی واضح تعریف اور عدم موجودگی میں مقدمے کی سماعت کی شق پر زور دیتے ہوئے جناب شاہ نے تمام ڈی جی پیز پر زور دیا کہ وہ اپنے دائرۂ اختیار میں اس پر عمل درآمد کے لیے ایک علیحدہ شعبہ قائم کریں۔

منشیات کے خلاف جنگ کے بارے میں مرکزی وزیر داخلہ نے کہا کہ نئی نسل کی حفاظت کے لیے تمام ریاستی پولیس کو نارکوٹکس کنٹرول وژن دستاویز 2026-2029 نافذ کرنی چاہیے اور منشیات سے پاک ہندوستان کے لیے( 3 ۔ڈی)   ڈیٹیکٹ، ڈسٹرپٹ اور ڈسٹرائے—پر کام کرنا چاہیے۔ انہوں نے تمام ڈائریکٹر جنرل پولیس (ڈی جی پیز) پر زور دیا کہ وہ اس وقت جاری پروگرام کا مطالعہ کریں اور ایسی ٹیمیں تشکیل دیں جو ہر پہلو کو اس کے منطقی انجام تک پہنچا سکیں۔ جناب شاہ نے کہا کہ صرف ہندوستان ہی منشیات کے خلاف کامیاب ترین جنگ لڑ سکتا ہے، اور یہ لڑائی حکومت ہند کے ہر محکمے اور ہر ریاستی حکومت کی مشترکہ کوششوں سے لڑی اور جیتی جائے گی۔

سرحدی سلامتی پر بات کرتے ہوئے مرکزی وزیر داخلہ نے کہا کہ وزارت داخلہ نے گزشتہ 8 ماہ کے دوران تمام زمینی سرحدی ریاستوں کا دورہ کیا ہے اور ریاستوں کے ساتھ 4 جہتی سرحدی سلامتی کے طریقۂ کار کی تفصیل پر مشتمل ایک دستاویز کا اشتراک کیا ہے۔ جناب شاہ نے کہا کہ ہمارا مقصد بہت کم وقت میں ملک کو دراندازی سے پاک کرنا ہے، اور اس کے لیے ہر ریاست میں سینئر آئی جی یا ایڈیشنل ڈی جی کے عہدے سے کم درجے کا ایک نوڈل افسر مقرر کیا جانا چاہیے۔

مرکزی وزیر داخلہ نے کہا کہ یہ ملک کوئی دھرم شالہ نہیں ہے اور یہاں رہنے کا حق صرف ملک کے شہریوں کو ہے۔ کوئی دوسرا شخص جو یہاں قیام کرنا چاہتا ہے، وہ وزارت خارجہ اور حکومت ہند کی وزارت داخلہ کی اجازت سے صرف قانونی ذرائع کے ذریعے ہی رہ سکتا ہے۔ انہوں نے کہا کہ درانداز ملک کی سلامتی، معیشت اور آبادیاتی تبدیلی کے لیے خطرہ ہیں اور دراندازی کے خلاف مہم مستقبل میں بہت اہم ہوگی۔

مرکزی وزیر داخلہ نے کہا کہ مودی حکومت نے 2019 اور 2026 کے درمیان تقریباً 274 مفرور افراد کو بیرون ملک سے ہندوستان واپس لا کر مفرور افراد کے خلاف نظام کو مضبوط کیا ہے۔ انہوں نے کہا کہ بھارت پول کے قیام کے ساتھ دستاویزات، ترجمہ، قانونی طریقۂ کار اور تربیت سمیت ان تمام شعبوں کو مضبوط کیا گیا ہے، جو بین الاقوامی قوانین اور عدالتی ضابطوں کے مطابق بیرون ملک مفرور افراد کو واپس لانے میں معاون ہیں۔ انہوں نے تمام ریاستوں پر زور دیا کہ وہ بیرون ملک فرار ہونے والے افراد کو انصاف کے کٹہرے میں لانے کے مشترکہ مقصد کے لیے کوشش کریں اور اس مقصد کے حصول کے لیے ہر ریاستی پولیس یونٹ کو اپنے اپنے دائرۂ اختیار میں ایک طریقۂ کار قائم کرنا چاہیے۔

ٹیکنالوجی کے استعمال کے بارے میں مرکزی وزیر داخلہ نے کہا کہ مودی حکومت نے ملٹی ایجنسی سینٹر (ایم اے سی) کو ایک ایسے پلیٹ فارم میں تبدیل کرنے کے لیے اپ گریڈ کیا ہے جو کثیر جہتی نتائج فراہم کرتا ہے، اور آنے والے دنوں میں اس کی تکنیکی صلاحیت میں چار گنا اضافہ ہوگا۔ انہوں نے مزید کہا کہ سی سی ٹی این ایس، آئی سی جے ایس، نیٹ گرڈ اور این اے ایف آئی ایس کا ایک مربوط ڈیٹا بینک بنایا گیا ہے، جسے ابتدا ہی سے مستقبل پر مبنی نقطۂ نظر کے ساتھ تیار کیا گیا تھا اور اس میں ایسی ٹیکنالوجی کا استعمال کیا گیا ہے جو تمام ڈیٹا کو ایک دوسرے کے ساتھ مربوط ہونے اور تبادلے کی اجازت دیتی ہے۔ جناب شاہ نے تمام نوجوان افسران پر زور دیا کہ وہ ڈیٹا کے انضمام، تجزیے اور مصنوعی ذہانت کے استعمال کے ذریعے طریقۂ کار کی نشاندہی کرتے ہوئے قابلِ عمل انٹیلی جنس تیار کریں، تاکہ مستقبل کے چیلنجوں کا مقابلہ کیا جا سکے۔

مرکزی وزیر داخلہ نے کہا کہ ہماری سلامتی کی حکمت عملی صرف ہندوستان کو مدنظر رکھ کر تیار نہیں کی جا سکتی۔ انہوں نے زور دیا کہ سلامتی کی پالیسی میں عالمی عدم استحکام، توانائی کے وسائل سے متعلق عدم تحفظ، سپلائی چین میں رکاوٹیں، بڑھتی ہوئی بنیاد پرستی اور سائبر غلط معلومات کی جنگ کو مدنظر رکھنا چاہیے۔ جناب شاہ نے کہا کہ سلامتی، چوکسی اور تمام محکموں اور ریاستی حکومتوں کے ساتھ تال میل میں جامعیت ضروری ہے اور مجموعی نقطۂ نظر کے علاوہ کوئی بھی طریقۂ کار کامیابی حاصل کرنے میں ناکام رہے گا۔ انہوں نے انٹیلی جنس بیورو پر زور دیا کہ وہ آئندہ کانفرنس سے قبل دریائی سرحد سے متصل تمام اضلاع کے ساتھ پہلے سے طے شدہ ایجنڈے اور وقت مقررہ روڈ میپ کے ساتھ اجلاس منعقد کرے۔

اپنے خطاب کے اختتام پر مرکزی وزیر داخلہ نے کہا کہ ہمیں چیلنجوں کی جلد شناخت کرنی چاہیے اور بڑے مسائل بننے سے پہلے ہی انہیں ختم کر دینا چاہیے۔ ایسا ماحولیاتی نظام تشکیل دے کر جو ہندوستان کی ترقی میں رکاوٹ نہ بنے، ہم ایک محفوظ، دراندازی سے پاک اور منشیات سے پاک ہندوستان بنانے میں کامیاب ہو سکیں گے۔ جناب شاہ نے کہا کہ ان کا تجربہ ہے کہ اگر مرکزی اور ریاستی حکومتیں مل کر کام کریں تو بڑے سے بڑے مسائل کو بھی ختم کیا جا سکتا ہے، اور انہوں نے یقین ظاہر کیا کہ یہ روایت برقرار رہے گی۔

***

UR-2617

(ش ح۔اس ک  )