મોદીજીએ 2047માં વિકસિત ભારતનું લક્ષ્ય નક્કી કર્યું છે અને વિકસિત ભારતની પહેલી શરત મજબૂત આંતરિક સુરક્ષા છે, જો આપણે દરેક ક્ષેત્રમાં પ્રથમ બનવું હોય તો આંતરિક સુરક્ષાને વધુ મજબૂત બનાવવી પડશે

જો અગાઉની સરકારોએ નાર્કોટિક્સ, નક્સલવાદ અને ઉત્તર પૂર્વની સમસ્યાઓ ગંભીર બને તે પહેલાં જ તેની કલ્પના કરી હોત, તો દેશને દાયકાઓ સુધી તેનો ભોગ બનવું પડ્યું ન હોત

આપણે આંતરિક સુરક્ષાના ત્રણ હોટસ્પોટ્સ દ્વારા ઉભા કરાયેલા પડકારનો અંત લાવ્યા છીએ, આનો સંપૂર્ણ શ્રેય દરેક રાજ્યના પોલીસ દળો, કેન્દ્રીય એજન્સીઓ અને CAPFs ને જાય છે

NSSC ના આ મંચે આવનારા 15-20 વર્ષના વલણો તરફ જોવું જોઈએ અને નક્કી કરવું જોઈએ કે કઈ સમસ્યા ઉદ્ભવી શકે છે અને તેને રોકવા માટે શું વ્યૂહરચના હોવી જોઈએ

આગામી એક વર્ષમાં ત્રણ નવા કાયદાઓનું 100% અમલીકરણ થશે, જેથી સુપ્રીમ કોર્ટ સુધીના ફોજદારી કેસોનો નિકાલ ત્રણ વર્ષની અંદર થઈ શકે અને દોષસદ્ધિનો દર 25% વધશે

છેલ્લા આઠ મહિનામાં જમીની સરહદ ધરાવતા તમામ રાજ્યોની મુલાકાત લઈને, અમે રાજ્યો સાથે ચતુષ્કોણીય સરહદ સુરક્ષા અભિગમનો દસ્તાવેજ શેર કર્યો છે; અમારો ઉદ્દેશ્ય ખૂબ જ ટૂંક સમયમાં દેશને ઘૂસણખોરી મુક્ત બનાવવાનો છે

આ દેશ કોઈ ધર્મશાળા નથી અને માત્ર દેશના નાગરિકોને જ આ દેશમાં રહેવાનો અધિકાર છે, ઘૂસણખોરો દેશની સુરક્ષા, અર્થવ્યવસ્થા અને વસ્તી વિષયક પરિવર્તન માટે ખતરો છે

એક જ રાતમાં PFI પર સ્ટ્રાઇક કરીને અને તેના પર પ્રતિબંધ મૂકીને તેના આખા કેડરનો વિનાશ કરવો એ કેન્દ્ર-રાજ્ય સુમેળનું એક ઉત્કૃષ્ટ ઉદાહરણ છે

ગૃહમંત્રીએ આતંકવાદના સંપૂર્ણ નિમૂલન અને 360 ડિગ્રી આતંકવાદી નેટવર્ક્સને ધ્વસ્ત કરવા માટે 'પ્રહાર' (PRAHAR) ને દસ્તાવેજમાંથી દૈનિક વ્યવહારમાં લાવવા માટે આહ્વાન કર્યું

નવી પેઢીને બચાવવા માટે તમામ રાજ્યોની પોલીસે નાર્કોટિક્સ કંટ્રોલ વિઝન ડોક્યુમેન્ટ 2026-2029 ને જમીન પર અમલમાં મૂકવું જોઈએ અને ડ્રગ-મુક્ત ભારત માટે ડિટેક્ટ, ડિસ્રપ્ટ અને ડિસ્ટ્રોયના ત્રણ D પર કામ કરવું જોઈએ

CCTNS, ICJS, NATGRID અને NAFIS ની સંકલિત ડેટા બેંક બનાવવામાં આવી છે; તમામ યુવા અધિકારીઓએ ડેટા ઇન્ટિગ્રેશન, વિશ્લેષણ અને AI દ્વારા મોડસ ઓપરેન્ડીની ઓળખ દ્વારા કાર્યક્ષમ ઇન્ટેલિજન્સ વિકસાવવી જોઈએ, જેથી ભવિષ્યના પડકારોને રોકી શકાય
મોદી સરકારે ભગોડા વિરોધી સિસ્ટમને મજબૂત બનાવી છે, 2019 થી 2026 દરમિયાન વિદેશમાંથી લગભગ 274 ભગોડાઓને લાવવામાં આવ્યા હતા, તમામ રાજ્યોનું લક્ષ્ય હોવું જોઈએ કે વિદેશમાં બેઠેલા ભગોડા દેશના કાયદા હેઠળ આવે

મોદી સરકારે બહુપરિમાણીય પરિણામો આપવા માટે એક પ્લેટફોર્મ બનાવવા મલ્ટી એજન્સી સેન્ટર (MAC) ને અપગ્રેડ કર્યું છે

વૈશ્વિક અસ્થિરતા, ઊર્જા-સંસાધન અસુરક્ષા, સપ્લાય ચેઇનમાં વિક્ષેપ, વધતો જતો કટ્ટરવાદ અને સાયબર-ગુમરાહ કરનારું યુદ્ધ, આ તમામ બાબતો પર વિચાર કર્યા પછી જ સુરક્ષા નીતિ બનાવવી જોઈએ

માત્ર ભારત જ નાર્કોટિક્સ સામે સૌથી સફળ લડાઈ લડી શકે છે, અને આ લડાઈ ભારત સરકાર અને દરેક રાજ્ય સરકારના દરેક વિભાગ દ્વારા સાથે મળીને લડવામાં આવશે અને જીતવામાં આવશે

આપણે પડકારોને વહેલા ઓળખી લેવા પડશે અને તે મોટી સમસ્યાઓ બને તે પહેલાં તેને ધ્વસ્ત કરી દેવા પડશે; આવી નિવસનતંત્ર (ecosystem) ની રચના કરીને આપણે એક સુરક્ષિત, ઘૂસણખોરી મુક્ત અને નાર્કોટિક્સ મુક્ત ભારત બનાવી શકીશું

કેન્દ્રીય ગૃહ અને સહકારિતા મંત્રી શ્રી અમિત શાહે આજે નવી દિલ્હીમાં ઇન્ટેલિજન્સ બ્યુરોની 'રાષ્ટ્રીય સુરક્ષા વ્યૂહરચના પરિષદ'ના સમાપન સત્રને સંબોધિત કર્યું. બે દિવસીય પરિષદમાં દેશભરના વરિષ્ઠ પોલીસ અધિકારીઓ, તમામ રાજ્યોના પોલીસ મહાનિર્દેશકો અને કેન્દ્રીય સુરક્ષા એજન્સીઓના પ્રતિનિધિઓએ પ્રત્યક્ષ અને વર્ચ્યુઅલ રીતે ભાગ લીધો હતો. કેન્દ્રીય ગૃહમંત્રીએ પરિષદનું આયોજન કરવા અને તેની થીમ્સ પસંદ કરવા બદલ ઇન્ટેલિજન્સ બ્યુરો અને તેની ટીમની પ્રશંસા કરી હતી.

પોતાના સંબોધનમાં કેન્દ્રીય ગૃહમંત્રી શ્રી અમિત શાહે કહ્યું કે, મોદીજીએ 2047માં વિકસિત ભારતનું લક્ષ્ય નક્કી કર્યું છે, અને વિકસિત ભારતની પહેલી શરત મજબૂત આંતરિક સુરક્ષા છે, જો આપણે દરેક ક્ષેત્રમાં પ્રથમ બનવું હોય તો આંતરિક સુરક્ષાને વધુ મજબૂત બનાવવી પડશે. શ્રી શાહે કહ્યું કે જ્યારે પણ કોઈ દેશ આગળ વધવાનો નિર્ણય કરે છે, ત્યારે દેશની અંદરથી અને વિશ્વભરમાંથી પડકારો ઉભરવા અનિવાર્ય છે, અને આપણે અગાઉથી તેની કલ્પના કરવી જ જોઈએ.

કેન્દ્રીય ગૃહમંત્રી શ્રી અમિત શાહે કહ્યું કે, જો અગાઉની સરકારોએ નાર્કોટિક્સ, નક્સલવાદ અને ઉત્તર પૂર્વની સમસ્યાઓ ગંભીર બને તે પહેલાં જ તેની કલ્પના કરી હોત, તો દેશને દાયકાઓ સુધી તેનો ભોગ બનવું પડ્યું ન હોત. તેમણે કહ્યું કે સમસ્યા જ્યારે નાની હોય અને તેના ઉદ્ભવના તબક્કે હોય ત્યારે તેનો સામનો કરવો વધુ સરળ હોય છે. શ્રી શાહે કહ્યું, આપણે આંતરિક સુરક્ષાના ત્રણ હોટસ્પોટ્સ દ્વારા ઉભા કરાયેલા પડકારનો અંત લાવ્યા છીએ, આનો સંપૂર્ણ શ્રેય દરેક રાજ્યના પોલીસ દળો, કેન્દ્રીય એજન્સીઓ અને CAPFs ને જાય છે.

કેન્દ્રીય ગૃહમંત્રી શ્રી અમિત શાહે કહ્યું કે, NSSCના આ મંચે આવનારા 15-20 વર્ષના વલણો તરફ જોવું જોઈએ અને નક્કી કરવું જોઈએ કે કઈ સમસ્યા ઉદ્ભવી શકે છે અને તેને રોકવા માટે શું વ્યૂહરચના હોવી જોઈએ. તેમણે કહ્યું કે આપણી જવાબદારી માત્ર આપણે મેળવેલી જીતને મજબૂત કરવાની કે ઓળખાયેલા પડકારો પર કાબૂ મેળવવાની નથી, પરંતુ ભવિષ્યમાં ઉભરતા પડકારોની અપેક્ષા રાખવાની અને તેઓ પ્રથમ સ્થાને જ ન ઉદ્ભવે તે સુનિશ્ચિત કરવાની પણ છે.

ન્યાય પ્રણાલી પર બોલતા કેન્દ્રીય ગૃહમંત્રીએ કહ્યું કે અગાઉ દેશમાં સમયસર ન્યાય મળવો એ એક સ્વપ્ન અને અશક્ય કામ માનવામાં આવતું હતું. તેમણે કહ્યું કે મોદી સરકારે ત્રણ નવા ફોજદારી કાયદા રજૂ કર્યા અને ફોરેન્સિક સાયન્સ લેબોરેટરીઝ (FSLs)ના નેટવર્કનો વિસ્તાર કર્યો, જ્યારે નેશનલ ફોરેન્સિક સાયન્સ યુનિવર્સિટી દ્વારા દર વર્ષે 37,000 યુવા સ્નાતકો પાસ આઉટ થઈ રહ્યા છે. શ્રી શાહે કહ્યું કે નવા ફોજદારી કાયદાના પાંચ સ્તંભોનું આધુનિકીકરણ, તકનીકી અપગ્રેડેશન અને ડેટાની રચના ખૂબ જ અસરકારક રીતે અમલમાં મૂકવામાં આવી રહી છે. તેમણે કહ્યું કે આગામી એક વર્ષની અંદર ત્રણેય નવા ફોજદારી કાયદાઓનું 100% અમલીકરણ થઈ જશે, જેનાથી સુપ્રીમ કોર્ટ સુધીના ફોજદારી કેસોનો નિકાલ ત્રણ વર્ષની અંદર થઈ શકશે અને દોષસદ્ધિના દરમાં 25% નો વધારો થશે.

કેન્દ્રીય ગૃહમંત્રીએ કહ્યું કે એક જ રાતમાં PFI સામે સ્ટ્રાઇક, ત્યારબાદ તેના પર પ્રતિબંધ અને તેના સમગ્ર કેડરને ધ્વસ્ત કરવું એ કેન્દ્ર-રાજ્ય સુમેળનું એક ઉત્કૃષ્ટ ઉદાહરણ છે. શ્રી શાહે કહ્યું કે જેલોના આધુનિકીકરણથી લઈને અન્ય પહેલો સુધીના આવા અનેક પગલાં દ્વારા, આપણે આંતરિક સુરક્ષાના ક્ષેત્રમાં મજબૂત વિશ્વાસ અને એક નક્કર પ્લેટફોર્મ બનાવ્યું છે. તેમણે કહ્યું કે હવે આ પાયા પર મજબૂતીથી ઊભા રહીને એક પણ ખામી વિનાનું આંતરિક સુરક્ષા માળખું બનાવવાનો સમય આવી ગયો છે.

આવનારા વર્ષ માટેના લક્ષ્યો અંગે ચર્ચા કરતી વખતે, કેન્દ્રીય ગૃહમંત્રીએ આતંકવાદના સંપૂર્ણ નિમૂલન માટે 'પ્રહાર'ને દસ્તાવેજમાંથી દૈનિક વ્યવહારમાં લાવવા અને તેનો ઉપયોગ 360 ડિગ્રી આતંકવાદી નેટવર્ક્સને ધ્વસ્ત કરવા માટે કરવા આહ્વાન કર્યું હતું. તેમણે કહ્યું કે 'પ્રહાર' ને ઓછામાં ઓછા ડેપ્યુટી સુપ્રીન્ટેન્ડન્ટ ઓફ પોલીસ (DYSP) ના સ્તર સુધી મૂળ નૈતિકતાતરીકે આત્મસાત કરવું જોઈએ, અને તમામ પોલીસ મહાનિર્દેશકો એ તેની તમામ જરૂરિયાતો પૂરી કરવા માટે કામ કરવું જોઈએ અને તેમના સંબંધિત અધિકારક્ષેત્રોમાં તેના અમલીકરણની જવાબદારી લેવી જોઈએ. શ્રી શાહે ભારતીય ન્યાય સંહિતા (BNS)માં આતંકવાદની સ્પષ્ટ વ્યાખ્યા અને ગેરહાજરીમાં ટ્રાયલમાટેની જોગવાઈ પર ભાર મૂક્યો હતો, અને તમામ DGPsને આ પગલાં પર ફોલો-અપ સુનિશ્ચિત કરવા માટે તેમની સંબંધિત સંસ્થાઓમાં એક સમર્પિત વર્ટિકલ સ્થાપિત કરવાનો આગ્રહ કર્યો હતો.

કેન્દ્રીય ગૃહમંત્રીએ નાર્કોટિક્સ સામેની લડાઈ પર બોલતા કહ્યું કે, આગામી પેઢીને બચાવવા માટે નાર્કોટિક્સ કંટ્રોલ વિઝન ડોક્યુમેન્ટ 2026-2029ને તમામ રાજ્યોના પોલીસ દળો દ્વારા જમીન પર અમલમાં મૂકવું જોઈએ, અને તેઓએ ડ્રગ-મુક્ત ભારત માટે ત્રણ D - ડિટેક્ટ, ડિસ્રપ્ટ અને ડિસ્ટ્રોય - પર કામ કરવું જોઈએ. તેમણે તમામ DGPs ને આ સમયબદ્ધ કાર્યક્રમનો અભ્યાસ કરવા અને તેના દરેક પરિમાણને તેના તાર્કિક અંત સુધી પહોંચાડવા માટે પોતપોતાના રાજ્યોમાં એક સમર્પિત ટીમ બનાવવાનો આગ્રહ કર્યો. શ્રી શાહે કહ્યું કે ભારત એકલું જ નાર્કોટિક્સ સામે સૌથી સફળ લડાઈ લડી શકે છે, અને આ લડાઈ ભારત સરકાર અને દરેક રાજ્ય સરકારના દરેક વિભાગ દ્વારા સંયુક્ત રીતે લડવામાં આવશે અને જીતવામાં આવશે.

સરહદ સુરક્ષા અંગે કેન્દ્રીય ગૃહમંત્રીએ કહ્યું કે છેલ્લા આઠ મહિનામાં ગૃહ મંત્રાલયે તમામ જમીની સરહદ ધરાવતા રાજ્યોની મુલાકાત લીધી હતી અને તેમની સાથે ચાર બાજુ ધરાવતા સરહદ સુરક્ષા અભિગમની રૂપરેખા આપતો દસ્તાવેજ શેર કર્યો હતો. શ્રી શાહે કહ્યું કે શક્ય તેટલા ટૂંકા સમયમાં દેશને ઘૂસણખોરી મુક્ત બનાવવાનો ધ્યેય છે, અને આ હેતુ માટે દરેક રાજ્યએ સિનિયર IG અથવા એડિશનલ DG ના રેન્કથી નીચેના ન હોય તેવા એક નોડલ અધિકારીની નિયુક્તિ કરવી જોઈએ.

કેન્દ્રીય ગૃહમંત્રીએ કહ્યું કે આ દેશ ગેરકાયદેસર ઇમિગ્રન્ટ્સ માટે કોઈ ધર્મશાળા નથી અને માત્ર દેશના નાગરિકોને જ અહીં રહેવાનો અધિકાર છે; ભારત સરકારી વિદેશ મંત્રાલય અને ગૃહ મંત્રાલયની પરવાનગીથી અને માત્ર કાનૂની માર્ગો દ્વારા જ અન્ય કોઈ વ્યક્તિ ભારતમાં રહેવા માંગતી હોય તો રહી શકે છે. તેમણે કહ્યું કે ગેરકાયદેસર ઇમિગ્રન્ટ્સ દેશની સુરક્ષા, અર્થવ્યવસ્થા અને વસ્તી વિષયક સ્થિરતા માટે ખતરો છે, અને ઘૂસણખોરી વિરોધી અભિયાન આવનારા સમયમાં ખૂબ જ મહત્વપૂર્ણ અભિયાન બની રહેશે.

કેન્દ્રીય ગૃહમંત્રીએ કહ્યું કે મોદી સરકારે ભગોડા વિરોધી મિકેનિઝમને મજબૂત બનાવ્યું છે અને 2019 થી 2026 વચ્ચે વિદેશમાંથી લગભગ 274 ભગોડાઓને ભારતમાં પરત લાવવામાં આવ્યા છે. તેમણે કહ્યું કે ભારતપોલની રચના પછી, આંતરરાષ્ટ્રીય કાયદાઓ અનુસાર દસ્તાવેજીકરણ, અનુવાદ, કાનૂની ઔપચારિકતાઓ અને તાલીમ બધું જ મજબૂત કરવામાં આવ્યું છે. તેમણે ઉમેર્યું કે નવા ફોજદારી કાયદા હવે ગેરહાજરીમાં ટ્રાયલ કરવાની જોગવાઈ કરે છે અને વિદેશમાં રહેતા ભગોડાઓના પાસપોર્ટ રદ કરવા પણ સક્ષમ બનાવે છે. શ્રી શાહે કહ્યું કે તમામ રાજ્યોએ વિદેશમાં રહેતા ભગોડાઓને ભારતીય કાયદાના દાયરામાં લાવવાના ઉદ્દેશ્ય સાથે કામ કરવું જોઈએ, અને દરેક રાજ્ય પોલીસ યુનિટે આ હેતુ માટે એક મિકેનિઝમ સ્થાપિત કરવું જોઈએ.

ટેકનોલોજીના ઉપયોગ અંગે કેન્દ્રીય ગૃહમંત્રીએ કહ્યું કે મોદી સરકારે મલ્ટી-એજન્સી સેન્ટર (MAC) ને બહુપરિમાણીય પરિણામો આપવા સક્ષમ પ્લેટફોર્મમાં અપગ્રેડ કર્યું છે, અને આગામી દિવસોમાં તેની તકનીકી ક્ષમતાઓમાં ચાર ગણો વધારો કરવામાં આવશે. તેમણે કહ્યું કે CCTNS, ICJS, NATGRID અને NAFIS ની એક સંકલિત ડેટા બેંક બનાવવામાં આવી છે, જે શરૂઆતથી જ ભવિષ્યવાદી અભિગમ સાથે ડિઝાઇન કરવામાં આવી છે જેથી કરીને તમામ ડેટા એકબીજા સાથે કમ્યુનિકેટ કરી શકે. શ્રી શાહે તમામ યુવા અધિકારીઓને ડેટા ઇન્ટિગ્રેશન અને વિશ્લેષણ માટે AI નો ઉપયોગ કરવા, મોડસ ઓપરેન્ડી ઓળખવા અને કાર્યક્ષમ ઇન્ટેલિજન્સ વિકસાવવા માટે આહ્વાન કર્યું જેથી ભવિષ્યના પડકારોને અગાઉથી રોકી શકાય.

કેન્દ્રીય ગૃહમંત્રીએ કહ્યું કે ભારતનું સુરક્ષા પરિદ્રશ્ય માત્ર દેશની અંદરના વિકાસને જોઈને ઘડી શકાય નહીં. તેમણે કહ્યું કે સુરક્ષા નીતિમાં વૈશ્વિક અસ્થિરતા, ઊર્જા-સંસાધન અસુરક્ષા, સપ્લાય ચેઇનમાં વિક્ષેપ, વધતો જતો કટ્ટરવાદ અને સાયબર તથા ગુમરાહ કરનારા યુદ્ધને ધ્યાનમાં લેવું જોઈએ. શ્રી શાહે કહ્યું કે સુરક્ષા, સતર્કતા અને તમામ વિભાગો તથા રાજ્ય સરકારો સાથે સુમેળ માટેનો એક સમગ્રાત્મક અભિગમ આવશ્યક છે, અને જો આ વ્યાપક અભિગમ છોડી દેવામાં આવે તો કોઈ સફળતા મળી શકે નહીં. તેમણે ઇન્ટેલિજન્સ બ્યુરોને આગામી પરિષદ પહેલાં દરિયાઈ સરહદ પરના તમામ જિલ્લાઓ સાથે એક બેઠક યોજવા વિનંતી કરી, જેમાં એજન્ડા અને સમયબદ્ધ રોડમેપ અગાઉથી આખરી કરવામાં આવે.

પોતાના સંબોધનના સમાપનમાં કેન્દ્રીય ગૃહમંત્રીએ કહ્યું કે આપણે પડકારોને અગાઉથી ઓળખવા જોઈએ અને તે મોટી સમસ્યાઓમાં પરિણમે તે પહેલાં જ તેનો ખાતમો કરવો જોઈએ. એક એવા નિવસનતંત્રની રચના કરીને જેમાં કંઈપણ ભારતના વિકાસમાં અવરોધ ન બને, આપણે એક સુરક્ષિત, ઘૂસણખોરી મુક્ત અને ડ્રગ-મુક્ત ભારત બનાવવામાં સક્ષમ બનીશું. શ્રી શાહે કહ્યું કે તેમના અનુભવે દર્શાવ્યું છે કે જ્યારે કેન્દ્ર અને રાજ્યો મળીને કામ કરે છે, ત્યારે મોટી સમસ્યાઓ પણ દૂર થઈ શકે છે, અને વિશ્વાસ વ્યક્ત કર્યો હતો કે સહકારની આ પરંપરા ભવિષ્યમાં પણ ચાલુ રહેશે.

SM/JY/GP/JT