ষ্টেতিসতিক্স অমসুং প্রোগ্রাম ইমপ্লেমেন্তেসন মিনিষ্ট্রিগী লৈবাক শীনবা থুংনা লৈরিবা ফিল্দ ওফিসশিং য়াওনা মসিগী দিবিজনসিং, এত্তেচ/সর্বোদিনেত/ওতোনোমস ওর্গনাইজেসনশিংনা শরুক য়াদুনা জুলাই ১ দগী জুলাই ১৫, ২০২৬ ফাওবা মাইপাক্না স্বচ্ছতা পখাৱারা ২০২৬ পাংথোকখ্রে। থাখায় অমা চুপ্না পাংথোকখিবা থৌরম অদুনা স্বচ্ছ ভারত মিসনগী পান্দমশিংগা লোয়ননা অমাং-অশোই মফম চানা লোইশিনবা, লু-নানবা হেনগৎহনবা, থবক মফম লু-নান্না থম্বা, রেকোর্দ ফজনা থম্বা, তুংকোইনা চৎনবা য়ানবা মহৌশাগী অকোয়বগী ফিবম থম্বা, অমোৎপা লোইশিনবা অমসুং ওফিসশিং থবক ফজনা পাংথোক্নবা পান্দম থমখি।

থাখায় মনুংদা, মিনিষ্ট্রিগী ওফিসশিং অমসুং ফিল্দ ফোর্মেসনশিংদা উ থাবা, এৱারনেস কেম্পেনশিং, সেমিনারশিং, ৱার্কশোপশিং, চাংদম্নবশিং, রেলিশিং, শ্রামদান অমসুং লৈকায়শিং, স্কুলশিং অমসুং মীয়ামগী মফমশিংদা মীয়ামদা ৱাখল তাহনবগী থৌরমশিং, সমুদ্র মপান শেংদোকপগী থবকশিং, মীয়াম পাক-শন্না শরুক য়াবা থৌরমশিং, অমোৎপদগী কান্নবা পোৎলম শানবা থবকশিং, মহৌশাগী অকোয়বগী ফিবম ঙাক-শেন্নবা থবকশিং, শিঙ্গল-য়ুজ প্লাষ্টিক শীজিন্নবা হন্থহন্নবা থবকশিং, অমোৎপা খন্দোকপা অমসুং রিসাইক্লিংগী থবকশিং পাংথোকখি।

ষ্টেতিসতিক্স অমসুং প্রোগ্রাম ইমপ্লেমেন্তেসন মিনিষ্ট্রিগী সেক্রেতরিগী লমজিং মখাদা মিনিষ্ট্রিগী মরুওইবা অফবা ওফিস অহুমদা স্বচ্ছতা পখাৱারা এৱার্দস ২০২৬ য়েন্থোকপগী থৌরমগা লোয়ননা পখাৱারা লোইশিনখি। মখোয়গী তমজনিঙাই ওইরবা থবক অমসুং থৱায় য়াওনা স্বচ্ছতা পখাৱারা শরুক য়াবগীদমক অহানবা মনা ফিল্দ ওপরেসন্স দিবিজন, অনিশুবা মনা নেসনেল ষ্টেতিস্কিকেল সিষ্টেমস ত্রেনিং একাদেমি অমসুং অহুমশুবা মনা ইন্দিয়ান ষ্টেতিস্কিকেল ইন্সতিতুৎতা পীখি।

মিনিষ্ট্রিগী ওফিসারশিং অমসুং ওফিসিএলশিংনা থৱায় য়াওনা শরুক য়াবা অমসুং কৎথোকপগীদমক ষ্টেতিসতিক্স অমসুং প্রোগ্রাম ইমপ্লেমেন্তেসন মিনিষ্ট্রিগী সেক্রেতরিনা থাগৎপা ফোঙদোকখি। মহাক্না হায়খি মদুদি লু-নানবা অসি পখাৱারা খক্তদা ওইরোইদবনি অমসুং মসি থবক শুবগী অমসুং নুমিৎ খুদিংগী পুন্সিগী তৎন-থানবা য়াদ্রবা শরুক অমা ওইগদবনি।

ইন্সতিতুসনশিং লু-নান্না থম্নবা, মহৌশাগী অকোয়বগী ফিবম কন্নবা থৌদাং লৌনবা অমসুং হেন্না নানবা, হকচাং ফবা অমসুং তুংকোইনা চৎনবা য়াবা ভারত অমগী পান্দমগা লোয়ননা মীয়াম শরুক য়াবগী চৎনবা অমা শেমগৎনবা মিনিষ্ট্রি অসিনা পায়খৎলিবা থবকশিং অমুক হন্না ফোঙদোকখি।

***