مرکزی وزیر داخلہ اورامداد باہمی کے وزیرجناب امت شاہ نے آج نئی دہلی میں نویں دو روزہ قومی سلامتی حکمتِ عملی (این ایس ایس) کانفرنس 2026 کا افتتاح کیا۔

افتتاح سے قبل مرکزی وزیر داخلہ اور امداد باہمی کے وزیر نے شہداء کے ستون پر  گل دائرہ  نظر کرکے انٹیلی جنس بیورو کے ان بہادر اہلکاروں کو خراجِ عقیدت پیش کیا، جنہوں نے قومی سلامتی  کے تحفظ اور سالمیت کے لیے اپنی ڈیوٹی انجام دیتے ہوئے عظیم قربانی دی۔

ہائبرڈ وسیلے سے منعقد ہونے والی اس کانفرنس میں ملک بھر سے 850 سے زائد شرکاء نے حصہ لیا۔ وزارتِ داخلہ کے وزرائے مملکت، مرکزی داخلہ سکریٹری، قومی سلامتی کے نائب مشیروں اور مرکزی مسلح پولیس دستوں/مرکزی پولیس تنظیموں کے سربراہان نے نئی دہلی میں کانفرنس میں شرکت کی۔ ریاستوں اور مرکز کے زیرِ انتظام علاقوں کے پولیس سربراہان، بنیادی سطح پر اہم ذمہ داریاں انجام دینے والے نوجوان پولیس افسران اور مختلف خصوصی شعبوں کے ماہرین نے آن لائن وسیلے سے کانفرنس میں شرکت کی۔

کانفرنس کے پہلے روز قومی سلامتی سے متعلق اہم امور پر تفصیلی تبادلۂ خیال کیا گیا، جن میں انسدادِ دہشت گردی کے چیلنجز سے نمٹنے، کثیر ایجنسی مرکز (ایم اے سی) کے ذریعے انٹیلی جنس معلومات کو یکجا کرنے، ان کا تجزیہ کرنے اور عملی اقدامات میں انہیں بروئے کار لانے، منشیات پر قابو پانے سے متعلق وژن دستاویز، غیر قانونی تارکینِ وطن کی شناخت اور ملک بدرکیے جانے، سائبر جرائم سے نمٹنے کے لیے پالیسی فریم ورک اور پاکستان کی جانب سے جاری درپردہ جنگ جیسے اُمور شامل تھے۔

دہشت گردی اور انتہا پسندی سے مؤثر طور پر نمٹنے کے لیے مرکزی وزیر داخلہ  اور امداد باہمی کے وزیرجناب امت شاہ نے وزارتِ داخلہ کی ’پراہار‘ اسکیم پر عمل درآمد کے لیے تربیت پر زور دیا۔ وزیر موصوف نے مفرور افراد کو واپس لا کر مقدمات کی سماعت میں تیزی لانے، غیر موجودگی میں مقدمے کی سماعت سے متعلق قانونی دفعات کے استعمال اور غیر قانونی سرگرمیوں کی(روک تھام)سے متعلق ایکٹ(یو اے پی اے) کے تحت مقدمات کی تحقیقات کے دوران جامع اور مربوط طریقۂ کار اپنانے پر بھی زور دیا۔مرکزی وزیر داخلہ نے ہدایت دی کہ کثیر ایجنسی مرکز (ایم اے سی) کے پلیٹ فارمز پر دستیاب معلومات کا مصنوعی ذہانت پر مبنی تجزیہ کیا جائے تاکہ قومی سلامتی کو درپیش مختلف چیلنجز سے نمٹنے کے لیے معیاری عملی طریقۂ کار (ایس او پیز) تیار کی جا سکیں۔ مرکزی وزیر داخلہ نے تمام ایجنسیوں کو دراندازی کے خلاف سخت اقدامات کرنے کی بھی ہدایات دیں۔

کانفرنس کے دوسرے دن فضا سے نچلی سطح پر کام کرنے والے نظاموں سے پیدا ہونے والے خطرات اور ان سے نمٹنے کے لیے جوابی اقدامات وضع کرنے، بحری معیشت کے تحفظ، اطلاعاتی جنگ اور اس کے قومی سلامتی پر اثرات، نیز حیاتیاتی سلامتی کے ایک جامع فریم ورک کی ضرورت پر توجہ مرکوز کی جائے گی۔

وزیر اعظم جناب نریندر مودی کی ہدایات پر عمل کرتے ہوئے، 2021 سے ہر سال قومی سلامتی حکمتِ عملی کانفرنس (این ایس ایس سی) ہائبرڈ طرز پر منعقد کی جا رہی ہے۔ اس کانفرنس کا مقصد زمینی سطح پر اہم ذمہ داریاں انجام دینے والے افسران کے وسیع تجربے کو متعلقہ شعبوں کے ماہرین کی مہارت کے ساتھ مربوط کرتے ہوئے قومی سلامتی کو درپیش بڑے چیلنجز کا حل تلاش کرنا ہے۔

****

ش ح۔ش م ۔ ش ا

U. NO.: 2646