દિલ્હીના NCT સરકારના શિક્ષણ નિયામક કાર્યાલય અને NDMCના શિક્ષણ વિભાગ હેઠળની શાળાઓ માટે 58મી યુવા સંસદ સ્પર્ધા, 2025-26નો ઇનામ વિતરણ સમારોહ મંગળવાર, 25મી ઓગસ્ટ, 2026ના રોજ GMC બાલયોગી ઓડિટોરિયમ, સંસદ પુસ્તકાલય ભવન, સંસદ ભવન સંકુલ, નવી દિલ્હી ખાતે યોજાશે.

કાયદા અને ન્યાય મંત્રાલયના રાજ્ય મંત્રી (સ્વતંત્ર પ્રભારી) અને સંસદીય બાબતોના મંત્રાલયના રાજ્ય મંત્રી શ્રી અર્જુન રામ મેઘવાલ આ સમારોહની અધ્યક્ષતા કરશે અને સ્પર્ધામાં તેમની ગુણવત્તાયુક્ત કામગીરી માટે ઇનામ વિજેતા વિદ્યાર્થીઓ અને શાળાઓને ઇનામોનું વિતરણ કરશે. આ પ્રસંગે, દિલ્હીના NCT સરકારના શિક્ષણ નિયામક કાર્યાલય અને NDMCના શિક્ષણ વિભાગ હેઠળની શાળાઓ માટેની 58મી યુવા સંસદ સ્પર્ધા, 2025-26માં પ્રથમ સ્થાને આવેલી “બાલ ભારતી પબ્લિક સ્કૂલ, પરવાના રોડ, પીતમપુરા, દિલ્હી”ના વિદ્યાર્થીઓ ઇનામ વિતરણ સમારોહ દરમિયાન તેમની "યુવા સંસદ બેઠક" ની પુનરાવર્તિત પ્રસ્તુતિ (રિપીટ પરફોર્મન્સ) રજૂ કરશે.

સંસદીય બાબતોનું મંત્રાલય છેલ્લા 60 વર્ષથી રાષ્ટ્રીય રાજધાની ક્ષેત્ર દિલ્હીની શાળાઓ માટે યુવા સંસદ સ્પર્ધાઓનું આયોજન કરી રહ્યું છે. દિલ્હીના NCT સરકારના શિક્ષણ નિયામક કાર્યાલય અને NDMCના શિક્ષણ વિભાગ હેઠળની શાળાઓ માટેની યુવા સંસદ સ્પર્ધાના કાર્યક્રમ હેઠળ, આ શ્રેણીમાં 58મી સ્પર્ધા રાષ્ટ્રીય રાજધાની ક્ષેત્ર દિલ્હીમાં 2025-26 દરમિયાન આયોજિત કરવામાં આવી હતી.

યુવા સંસદ યોજનાનો ઉદ્દેશ્ય યુવા પેઢીમાં આત્મ-શિસ્તની ભાવના, વિવિધ મંતવ્યો પ્રત્યે સહિષ્ણુતા, વિચારોની યોગ્ય અભિવ્યક્તિ અને લોકશાહી જીવનશૈલીના અન્ય ગુણો કેળવવાનો છે. આ ઉપરાંત, આ યોજના વિદ્યાર્થીઓને સંસદની પદ્ધતિઓ અને પ્રક્રિયાઓ, ચર્ચા અને વાદ-વિવાદની તકનીકોથી પણ વાકેફ કરે છે અને તેમનામાં આત્મવિશ્વાસ, નેતૃત્વની ગુણવત્તા અને અસરકારક વક્તૃત્વની કળા અને કૌશલ્યનો વિકાસ કરે છે.

સ્પર્ધામાં પ્રથમ સ્થાને રહેવા બદલ જીવી માવળંકર રનિંગ પાર્લામેન્ટ્રી શીલ્ડ અને ટ્રોફી “બાલ ભારતી પબ્લિક સ્કૂલ, પરવાના રોડ, પીતમપુરા, દિલ્હી” ને એનાયત કરવામાં આવશે. નવી પ્રવેશ મેળવનાર શાળાઓ (New Entrant Schools) માં પ્રથમ સ્થાને રહેવા બદલ ટ્રોફી પણ “બાલ ભારતી પબ્લિક સ્કૂલ, પરવાના રોડ, પીતમપુરા, દિલ્હી” ને એનાયત કરવામાં આવશે. આ ઉપરાંત, સ્પર્ધામાં ગુણવત્તાયુક્ત કામગીરી માટે મંત્રીશ્રી દ્વારા નીચેની 11 શાળાઓને મેરિટ ટ્રોફી પણ એનાયત કરવામાં આવશે:

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad